ଖାଇବା ବାଣ୍ଟି ଚର୍ଚ୍ଚାରେ ମନ୍ତ୍ରୀ ସାରଦା ନାୟକ, ଭିଡ଼ିଓ ଭାଇରାଲ

ରାଉରକେଲା: ପୁଣି ଚର୍ଚ୍ଚାରେ ରାଉରକେଲା ବିଧାୟକ ତଥା ରାଜ୍ୟ ଶ୍ରମମନ୍ତ୍ରୀ ସାରଦା ନାୟକ । ଏଥର ରାଉରକେଲା ବାସୀଙ୍କୁ ଖାଇବା ବାଣ୍ଟି ଚର୍ଚ୍ଚାରେ ସାରଦା ।  ନିଜେ ଛିଡା ହୋଇ ପିଲାଙ୍କୁ ଖାଇବା ପରଷିଲେ ଶ୍ରମମନ୍ତ୍ରୀ । ବର୍ତ୍ତମାନ ରାଉରକେଲା ସହରର ନିଜ କାର୍ଯ୍ୟ କଳାପ ଯୋଗୁଁ ଜଣେ ଚର୍ଚ୍ଚିତ ରାଜନେତା ଭାବରେ ବର୍ତ୍ତମାନ ସମସ୍ତଙ୍କ ସାମ୍ନାକୁ ଆସିଛନ୍ତି । ସାରଦା ସବୁବେଳେ ବିଭିନ୍ନ ମହଲରେ ବିଭିନ୍ନ କାର୍ଯ୍ୟକୁ ନେଇ ଚର୍ଚ୍ଚାରେ ରହି ଆସୁଛି । କେବେ ଡାନ୍ସ ତ କେବେ ଟଙ୍କା ଉଡାଇବା ସହ କେବେ ଗୀତ ଗାଇବା ଏବଂ ବାସନ ମାଜିବା ଭିଡ଼ିଓ ଭାଇରାଲ ହୋଇଥିଲା । କିନ୍ତୁ ବର୍ତ୍ତମାନ ଖାଦ୍ୟ ବାଣ୍ଟିବା ସମୟର ଭିଡ଼ିଓ ଭାଇରାଲ ହୋଇଛି । ଗୋଟିଏ ପରେ ଗୋଟିଏ ରୂପରେ ଆସି ସର୍ବଦା ଚର୍ଚ୍ଚାର ରହୁଛନ୍ତି  ସାରଦା । ପୂର୍ବରୁ ଗଣେଶ ପୂଜା ଭସାଣି ଉତ୍ସବ ମଞ୍ଚରେ ‘ମେ ହୁଁ ଡନ୍‌ ’ ଗୀତରେ ନାଚିବା, କୱାଲି କାର୍ଯ୍ୟକ୍ରମରେ ଟଙ୍କା ଉଡ଼ାଇବା, ରକ୍ତଦାନ ଶିବିରରେ ଛୁଞ୍ଚିଫୋଡ଼ି କର୍ମୀଙ୍କ ହାତରୁ ରକ୍ତ ଟାଣିବା, ମୀନାକ୍ଷି ଧରଙ୍କ ଜନ୍ମ ଦିନରେ ଗୀତଗାଇବା ଓ ଗୁରୁଦ୍ବାରାରେ ବାସନ ମାଜିବାକୁ ନେଇ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଥିଲେ ।  

ଏହା ମଧ୍ୟ ପଢ଼ନ୍ତୁ....Watch: ବାସନ ମାଜିଲେ ଶ୍ରମମନ୍ତ୍ରୀ ସାରଦା ନାୟକ

ଆଜି ରାଉରକେଲା ସହରର ଛେଣ୍ଡରେ ଆୟୋଜିତ ହୋଇଥିବା "ମୁଁ ବି ହେବି ନବୀନ ଓଡ଼ିଶାର ସାରଥୀ" କାର୍ଯ୍ୟକ୍ରମରେ ଉପସ୍ଥିତ ଲୋକମାନଙ୍କୁ ଖାଦ୍ୟ ବାଣ୍ଟିଥିଲେ ସାରଦା ।  ଭିଡ଼କୁ କଣ୍ଟ୍ରୋଲ କରିବା ସହ ସମସ୍ତ ଲୋକଙ୍କୁ ଖାଦ୍ୟ ପରଷିଥିଲେ । ମନ୍ତ୍ରୀଙ୍କ ଏଭଳି କାର୍ଯ୍ୟ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଲାଗିଛି । ଆଗକୁ ବିଧାନସଭା ନିର୍ବାଚନ ଆସୁଥିବାରୁ ମନ୍ତ୍ରୀ ସାରଦା ନିଜର ପ୍ରଚାର ପ୍ରସାର ପାଇଁ ଏଭଳି କାମ କରୁଥିବା ରାଜନୈତିକ ମହଲରେ ଚର୍ଚ୍ଚା ହେଉଛି । ନିର୍ବାଚନ ଯେତିକି ପାଖେଇ ଆସୁଛି, ଶ୍ରମମନ୍ତ୍ରୀ ବିଭିନ୍ନ କାର୍ଯ୍ୟକ୍ରମ ଯୋଗ‌େଦେଇ ଭିନ୍ନଭିନ୍ନ ରୂପରେ ସାମ୍ନାକୁ ଆସୁଛନ୍ତି ।

ଇଟିଭି ଭାରତ, ସୁନ୍ଦରଗଡ଼