ଲାଞ୍ଚୁଆ ପୋଲିସ ବାବୁଙ୍କ ଭିଡିଓ ଭାଇରାଲ, ନିଲମ୍ବନ କଲେ ଏସ୍‌ପି

ରାଇରଙ୍ଗପୁର: ଭାଇରାଲ ହେଉଛି ପୋଲିସ ବାବୁଙ୍କ ଲାଞ୍ଚ ନେଉଥିବା ଭିଡିଓ । ଲାଞ୍ଚ ନେଉଥିବା ବେଳେ ଅବଦୁଲ ମତଲିବ ଖାନ ନାମକ ପୋଲିସ କର୍ମଚାରୀ କ୍ୟାମେରାରେ କଏଦ ହୋଇଛନ୍ତି  । ସେ ଏବେ ମୟୂରଭଞ୍ଜ ଜିଲ୍ଲାର ବିଶୋଇ ଥାନାରେ ଏଏସଆଇ ଭାବେ କାର୍ଯ୍ୟରତ ଅଛନ୍ତି ।  ଭାଇରାଲ ହେଉଥିବା ଭିଡିଓଟି କେଉଁ ଦିନର ତାହା ସ୍ପଷ୍ଟ ହୋଇନାହିଁ ।  

ତେବେ ଭିଡିଓରେ ଲାଞ୍ଚ ଦେଉଥିବା ସେ ଯୁବକ ଜଣକ କିଏ ଓ କାହିଁକି ଥାନା ଏଏସଆଇ ଅବଦୁଲଙ୍କୁ ଲାଞ୍ଚ ଦେଉଛନ୍ତି ତାହା ସ୍ପଷ୍ଟ ଭାବରେ ଜଣା ପଡ଼ିନାହିଁ । ସେପଟେ ଏବେ ଏହି ଭିଡିଓ ସୋସିଆଲ ମିଡ଼ିଆରେ ଭାଇରାଲ ହେବା ପରେ ପୋଲିସ ଏଏସ୍‌ଆଇ ଏବେ ଅଡ଼ୁଆରେ ପଡ଼ି ଯାଇଛନ୍ତି । ଏଏସ୍‌ଆଇ ଖାନ୍‌ କିଛି ୫ଶହ ଟଙ୍କିଆ ନୋଟ୍‌ ସିଧାସଳଖ ଜଣେ ଯୁବକଙ୍କଠାରୁ ନେଉଥିବାର ଏହି ଭିଡିଓ ମାଧ୍ୟମରେ ସ୍ପଷ୍ଟ ଦେଖିବାକୁ ମିଳିଛି । ଭିଡିଓ ଭାଇରାଲ ହେବାପରେ ମୟୂରଭଞ୍ଜ ଏସ୍‌ପି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । କାର୍ଯ୍ୟାନୁଷ୍ଠାନ ସ୍ବରୂପ ଏଏସ୍‌ଆଇ ଖାନଙ୍କୁ କାର୍ଯ୍ୟରୁ ନିଲମ୍ବିତ କରିବା ସହ ତଦନ୍ତ ନିର୍ଦ୍ଦେଶ ଦେଇଛନ୍ତି । ତେବେ କିଏ ଟଙ୍କା ଦେଉଥିଲା ଓ କେଉଁ କାରଣ ପାଇଁ ଏଏସ୍‌ଆଇ ଟଙ୍କା ନେଉଥିଲେ, ତାହା ତଦନ୍ତ ପରେ ଜଣା ପଡ଼ିବ ବୋଲି ଏସ୍‌ପି କହିଛନ୍ତି ।

 ଇଟିଭି ଭାରତ, ମୟୂରଭଞ୍ଜ