ଘଳିଆ ଆଣୁଛି ବିପଦ, ବାଲିବସ୍ତା ପକାଯାଇ ରୋକିବାକୁ ପ୍ରୟାସ

ଜଗତସିଂହପୁର: ଜିଲ୍ଲାରେ ପ୍ରବାହିତ ୨ଟି ପ୍ରମୁଖ ନଦୀ, ମହାନଦୀ ଓ ଦେବୀର ବିଭିନ୍ନ ସ୍ଥାନରେ ଘଳିଆ ସୃଷ୍ଟି ହୋଇଛି । ଯାହାକୁ ନେଇ ସ୍ଥାନୀୟ ଲୋକେ ଆତଙ୍କିତ ହୋଇପଡିଛନ୍ତି । ଦେବୀ ନଦୀର ଶାଖା ନଦୀ ଭାବେ ପରିଚିତ ବିଲୁଆ ଖାଇ ନଦୀରେ ନିଛିପୁର ଠାରେ ଏକ ଘଳିଆ ପଡିବାରୁ ସ୍ଥାନୀୟ ଲୋକଙ୍କ ସହାୟତାରେ ଜଳସେଚନ ବିଭାଗ ପକ୍ଷରୁ ବାଲିବସ୍ତା ପକାଯାଇ ବନ୍ଧକୁ ରୋକାଯିବାକୁ ପ୍ରୟାସ କରାଯାଉଛି । ସେହିପରି ଦେବୀ ନଦୀର ଆଳିପିଙ୍ଗଳ ନିକଟ କୋଲର ନିକଟରେ ଏକ ବଡ଼ ଘଳିଆ ପଡିବାରୁ ସ୍ଥାନୀୟ ଲୋକେ ଆତଙ୍କିତ ହୋଇ ପଡିଛନ୍ତି । ଘଳିଆକୁ ବନ୍ଦ କରିବା ପାଇଁ ପ୍ରୟାସ କରାଯାଉଛି। ସେହିପରି ମାଛଗାଁର ଦେବୀନଦୀରେ ୪ରୁ ଅଧିକ ସ୍ଥାନ ରେ ଘଳିଆ ପଡିଥିବା ବେଳେ ଘଳିଆକୁ ରୋକିବା ପାଇଁ ବିଭାଗ ପକ୍ଷରୁ ବାଲିବସ୍ତା ପକାଯାଉଛି । ଇଟିଭି ଭାରତ, ଜଗତସିଂହପୁର