କାର୍ତ୍ତିକ ଶେଷ ସୋମବାର, କପିଳେଶ୍ୱର ମହାଦେବ ମନ୍ଦିରରେ ଭକ୍ତଙ୍କ ଭିଡ

ବ୍ରହ୍ମପୁର: କାର୍ତ୍ତିକ ମାସର ଶେଷ ତଥା ପଞ୍ଚମ ସୋମବାର । ବ୍ରହ୍ମପୁର ସହରର ବିଭିନ୍ନ ଶୈବ ମନ୍ଦିରରେ ଭକ୍ତଙ୍କ ଭିଡ଼ । ଏହି ଅବସରରେ ବ୍ରହ୍ମପୁର ସହରର ପ୍ରସିଦ୍ଧ କପିଳେଶ୍ବର ମହାଦେବ ମନ୍ଦିରରେ ଭକ୍ତଙ୍କ ଭିଡ଼ ଲାଗି ରହିଛି । ଭକ୍ତଙ୍କ ଭିଡ଼କୁ ଦୃଷ୍ଟିରେ ରଖି ମନ୍ଦିର ପରିଚାଳନା କମିଟି ପକ୍ଷରୁ ବିଭିନ୍ନ ପ୍ରକାର ବ୍ୟବସ୍ଥା ଗ୍ରହଣ କରାଯାଇଛି। ସକାଳ ସମୟରୁ ଲମ୍ବା ଧାଡି଼ରେ ଯାଇ ଭକ୍ତ ମାନେ ମହାଦେବଙ୍କୁ ଦର୍ଶନ କରୁଛନ୍ତି । ଆସନ୍ତାକାଲି କାର୍ତ୍ତିକ ପୂର୍ଣ୍ଣିମା ରହିଥିବା ବେଳେ ଚନ୍ଦ୍ରଗ୍ରହଣ ରହିଥିବା ଯୋଗୁଁ ଦେବନୀତି ନିର୍ଦ୍ଦେଶ ରହିଥିବାରୁ ଆଜି ସମସ୍ତ ମନ୍ଦିରରେ ଭିଡ଼ ଜମିଛି । ଏହି ଅବସରରେ ମନ୍ଦିରରେ କିପରି ଚାଲିଛି ପୂଜାର୍ଚ୍ଚନା ସେ ନେଇ ଅଧିକ ସୂଚନା ଦେଇଛନ୍ତି ଆମ ସମ୍ବାଦଦାତା ସମୀର ଆଚାର୍ଯ୍ୟ । ଇଟିଭି ଭାରତ, ବ୍ରହ୍ମପୁର