ବ୍ୟାଟେରୀ ଗାଡି ସୋରୁମରେ ଭୟଙ୍କର ଅଗ୍ନିକାଣ୍ଡ, ନିଆଁ ଆୟତ୍ତ କଲା ଅଗ୍ନିଶମ ବାହିନୀ

କଟକ: କଟକରେ ଭୟାବହ ଅଗ୍ନିକାଣ୍ଡ । କଲେଜ ଛକ କେନାଲ ରୋଡ଼ ଇଭି ୱାର୍ଲଡ଼ କମ୍ପାନୀ ନାମକ ସୋରୁମରେ ଭୟଙ୍କର ଅଗ୍ନିକାଣ୍ଡ । ସନ୍ଧ୍ୟା ସମୟରେ ଏହି ସୋ ରୁମରେ ନିଆଁ ଲାଗିଥିଲା । ଖବର ପାଇ ଘଟଣା ସ୍ଥଳରେ ପହଞ୍ଚିଥିଲା ଅଗ୍ନିଶମ ବିଭାଗ । ପାଖାପାଖି ଦୁଇ ଘଣ୍ଟା ଅକ୍ଲାନ୍ତ ପରିଶ୍ରମ ଫଳରେ ନିଆଁକୁ ଆୟତ କରିଥଲା ଅଗ୍ନିଶମ ବିଭାଗ । ନିଆଁ ଲିଭା କାର୍ଯ୍ୟରେ ତିନୋଟି ଅଗ୍ନିଶମ ବାହିନୀର ୫ ଟି ଦମକଳ ନିୟୋଜିତ ହୋଇଥିଲା । ଏଥିରେ ୨୦ରୁ ଊର୍ଦ୍ଧ୍ବ କର୍ମଚାରୀ ନିୟୋଜିତ ହୋଇଥିଲେ ।

ତେବେ ଅଗ୍ନିକାଣ୍ଡର କାରଣ ସ୍ପଷ୍ଟ ହୋଇ ନଥିବା ବେଳେ ସର୍ଟ ସର୍କିଟ କିମ୍ବା ବ୍ୟାଟେରୀ ଗାଡିରୁ ନିଆଁ ଲାଗିବା ନେଇ ଅନୁମାନ କରାଯାଉଛି । ତିନି ମହଲା ବିଶିଷ୍ଟ କୋଠାର ତଳ ମହଲାରେ ବ୍ୟାଟେରୀ ଗାଡି ସୋରୁମ ଥିବା ବେଳେ ଉପର ମହଲାକୁ ଯିବା ପୂର୍ବରୁ ନିଆଁକୁ ନିଜ ନିୟନ୍ତ୍ରଣକୁ ଆଣିଥିଲା ଅଗ୍ନିଶମ ବାହିନୀ । ଏହି ଘଟଣାରେ କେହି କ୍ଷତିଗ୍ରସ୍ତ ହୋଇନଥିବା ଅଗ୍ନିଶମ ବିଭାଗ ପକ୍ଷରୁ ସୂଚନା ମିଳିଛି । ଚାରି ମହଲା ବିଶିଷ୍ଟ ଏହି ବିଲ୍ଡିଂର ତଳ ମହଲାରେ ଏହି ସୋରୁମଟି ରହିଥିବା ବେଳେ ସ୍ଥାନୀୟ ଅଞ୍ଚଳରେ ଓ ବିଲଡିଂରେ ରହୁଥିବା ଲୋକଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଥିଲା । ପାଖାପାଖି ୧୫ ଟି ଇଲେକ୍ଟ୍ରି ବାଇକ୍ ସହ ଅନ୍ୟ ଅସବାପତ୍ର ପୋଡ଼ି ନଷ୍ଟ ହୋଇଯାଇଛି । କେଉଁ କାରଣରୁ ନିଆଁ ଲାଗିଥିଲା ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇ ନଥିବା ବେଳେ ଏହାର ତଦନ୍ତ କରାଯିବ ବୋଲି କହିଛନ୍ତି ଅଗ୍ନିସମ ବିଭାଗ ଅଧିକରୀ ।  

ଏହା ମଧ୍ୟ ପଢ଼ନ୍ତୁ.......ରାସ୍ତାରେ ହୁତୁହୁତୁ ଜଳିଗଲା କଣ୍ଟେନର, ଅଳ୍ପକେ ବର୍ତ୍ତିଲେ ଡ୍ରାଇଭର-ହେଲ୍ପର

ଇଟିଭି ଭାରତ, କଟକ