Train Tragedy: ପୁଅକୁ ଖୋଜି କଟକରେ ବାପା, SCBରେ ଭାଇକୁ ପାଇଲା ଭାଇ

କଟକ: ବାଲେଶ୍ବର ବାହାନଗାରେ ହୋଇଥିବା ଦୁର୍ଘଟଣାଗ୍ରସ୍ତଙ୍କୁ ଖୋଜୁଛନ୍ତି ପରିବାର ଲୋକେ । କିଏ ବାଲେଶ୍ବର ମେଡିକାଲରେ ତ ଆଉ କିଏ କଟକରେ । ବିଭିନ୍ନ ମେଡିକାଲ ବୁଲିବୁଲି ଖୋଜୁଛନ୍ତି ପରିବାର ଲୋକେ । ଏହି ଦୁର୍ଘଟଣା ସମୟରେ ବେଙ୍ଗାଲୁରୁରୁ ହାଓଡ଼ା ଫେରୁଥିଲେ ବିହାର ଲକ୍ଷ୍ମୀପୁର ଅଞ୍ଚଳର ଦୁଇ ଭାଇ । ଜୋର ଶବ୍ଦ ହେଲା । ଦେଖିଲା ବେଳକୁ ବଡ଼ ଭାଇ ସୁବାସ ଦାସ ଚାପି ହୋଇ ପଡି ରହିଛି ଟ୍ରେନ ବଗି ତଳେ । ବହୁ ପରିଶ୍ରମ ପରେ ଜଣେ ବ୍ୟକ୍ତିଙ୍କର ସାହାଯ୍ୟ ନେଇ ବଡ଼ ଭାଇକୁ ବାହାର କଲା ସାନ ଭାଇ । ବାଲେଶ୍ଵର ହସ୍ପିଟାଲରେ ଭର୍ତ୍ତି ହୋଇଥିଲେ । ରାତି ହସ୍ପିଟାଲ ବାହାରେ ବସି ରହିଲା । ପରେ ଆସି ଖୋଜିଲା ବେଳକୁ ଆଉ ସେଠାରେ ଭାଇ ନାହିଁ। ବହୁତ ଖୋଜା ଖୋଜି ପରେ ବଡ଼ ଭାଇକୁ କଟକ ଏସସିବି ମେଡିକାଲ ସ୍ଥାନାନ୍ତର କରି ଦିଆଯାଇଥିବା ସୂଚନା ପାଇ କଟକ ପହଞ୍ଚିଥିଲେ। ଏପରି ଅନେକ ପରିବାର ନିଜ ପରିଜନଙ୍କୁ ଖୋଜି ଖୋଜି ହତାସ ହେବା ସହ ବିଭିନ୍ନ ମେଡିକାଲ ବୁଲୁଛନ୍ତି । କିଏ ଭାଇ ଖୋଜୁଛି ତ ଆଉ କିଏ ନିଜ ପୁଅକୁ ।

ଇଟିଭି ଭାରତ, କଟକ