ରଥ ପଥ ପରି ଭାବବିହ୍ବଳ ପରିବେଶ, କଳ୍ପନା ଛକରେ ଦର୍ଶନ ଦେଉଛନ୍ତି ତିନିଠାକୁର

ଭୁବନେଶ୍ବର: ପୁରୀ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ପାଇଁ ସାରା ରାଜ୍ୟ ଉତ୍ସବମୁଖର । କେବଳ ପୁରୀ ଶ୍ରୀଜଗନ୍ନାଥ ମନ୍ଦିର ନୁହେଁ ବରଂ ସାରା ରାଜ୍ୟର ଜଗନ୍ନାଥ ମନ୍ଦିରଗୁଡିକ ଆଜି ସଜେଇ ହୋଇଛି । ସବୁଠି ଭାବବିହ୍ୱଳ ପରିବେଶ ସୃଷ୍ଟି ହୋଇଛି । ରାଜଧାନୀ ଭୁବନେଶ୍ବର ସ୍ଥିତ କଳ୍ପନା ଛକରେ ମଧ୍ୟ ଦର୍ଶନ ଦେଉଛନ୍ତି ତିନି ଠାକୁର । ଏନେଇ କଳ୍ପନା ଛକରେ ସୃଷ୍ଟି ହୋଇଛି ଭାବ ବିହ୍ବୋଳ ପରିବେଶ । ଚନ୍ଦନ ଲଗାଇ ଭକ୍ତଙ୍କୁ ସ୍ବାଗତ କରାଯାଉଛି । 

ତେବେ କର୍ପୋରେଟର ବାୟିଆ ଜେନାଙ୍କ ପ୍ରୟାସରେ ଏଠାରେ ତିନି ଠାକୁରଙ୍କ ପ୍ରତିମୃତ୍ତି ତିଆରି କରାଯାଇଥିବା ବେଳେ ଶହ ଶହ ଭକ୍ତ ଦର୍ଶନ କରି ଆନନ୍ଦ ଲାଭ କରିଛନ୍ତି । ତେବେ କର୍ପୋରେଟରଙ୍କ ପ୍ରୟାସରେ ଏଠାରେ ଭକ୍ତମାନଙ୍କ ପାଇଁ ପ୍ରସାଦ ସେବନର ମଧ୍ୟ ବ୍ୟବସ୍ଥା କରାଯାଇଛି । ଭୁବନେଶ୍ୱରରୁ ପୁରୀ ଅଭିମୁଖେ ଯାଉଥିବା ଶ୍ରଦ୍ଧାଳୁମାନେ ମଧ୍ୟ ଏଠାରେ ରହି ମହାପ୍ରଭୁଙ୍କ ଦର୍ଶନ କରି ଯାଉଛନ୍ତି । ତେବେ ପୁରୀ ନ ଯାଇ ବି ପୁରୀକୁ ପାଇଛୁ ବୋଲି କହିଛନ୍ତି ଶ୍ରଦ୍ଧାଳୁ । 

ଇଟିଭି ଭାରତ, ଭୁବନେଶ୍ୱର