World Cup 2023: ଭାରତ-ପାକ୍ ମହାଲଢେଇ, ଏକାସଙ୍ଗରେ 'ବନ୍ଦେ ମାତରମ' ଗାଇଲେ 1.32 ଲକ୍ଷ ଫ୍ୟାନ୍ସ

ଅହମ୍ମଦାବାଦ: ବହୁ ପ୍ରତୀକ୍ଷିତ ମହାଲଢେଇ । ପାରମ୍ପରିକ ପ୍ରତିଦ୍ବନ୍ଦୀ ଭାରତ ପାକିସ୍ତାନ ମହା ମୁକାବିଲା । ନରେନ୍ଦ୍ର ମୋଦି ଷ୍ଟାଡିୟମରେ ଘରୋଇ ଦର୍ଶକଙ୍କ ଖଚାଖଚ ଭିଡ । 1 ଲକ୍ଷ 32 ହଜାର ଦର୍ଶକରେ ଭରି ଯାଇଥିଲା ଷ୍ଟାଡିୟମ । ଭାରତ 7 ୱିକେଟରେ ପାକିସ୍ତାନକୁ ପରାସ୍ତ କରି ଐତିହାସିକ ବିଜୟ ହାସଲ କରିଥିଲା । 30.3 ଓଭରରେ ଭାରତ 192ରନ୍‌ ବିଜୟ ଲକ୍ଷ୍ୟ ହାସଲ କରିଥିଲା । ବୋଲରଙ୍କ ଘାତକ ବୋଲିଂ ଓ ଅଧିନାୟକ ରୋହିତ ଶର୍ମାଙ୍କ ବିସ୍ଫୋରକ ଅର୍ଦ୍ଧଶତକ ବଳରେ ଭାରତ ବଡ଼ ବିଜୟ ହାସଲ କରିଛି । ଏହି ମହାଲଢେଇରେ ଭାରତ ଦମଦାର ବିଜୟ ହାସଲ କରିଛି । ଆଉ ଏହାପରେ ଆରମ୍ଭ ହୋଇଥିଲା ସେଲିବ୍ରେସନ୍‌ । 1 ଲକ୍ଷ 32 ହଜାର ଦର୍ଶକ ଭରା ଷ୍ଟାଡିୟମ ଶୁଭିଥିଲା 'ବନ୍ଦେ ମାତାରମ ସଙ୍ଗୀତ' । ସମସ୍ତେ ଏକା ସାଙ୍ଗରେ ଏହି ଗୀତ ଗାଇଥିଲେ । ଫର୍‌ ଫର୍‌ ହୋଇ ତ୍ରିରଙ୍ଗା ଉଡ଼ୁଥାଏ ଅଦ୍ଭୂତ ଥିଲା ସେ ମୂହୂର୍ତ୍ତ । ଏହି ସମୟର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହା ସମସ୍ତ ଭାରତୀୟଙ୍କ ମଧ୍ୟରେ ଏକ ଶିହରଣ ଖେଳାଇ ଦେଇଛି ।