ନୂଆପଡାରେ ଯୁକ୍ତଦୁଇ ଟପର ଅକ୍ଷରା ଶୁକ୍ଳା ଓ ମାଟ୍ରିକ ବୋର୍ଡ ଟପ୍ପର ହେଲେ ଶ୍ରୀୟାଂଶ କେଶରୀ ପଟ୍ଟନାୟକ

ନୂଆପଡା: CBSE  ଯୁକ୍ତଦୁଇ ଏବଂ ମାଟ୍ରିକ ବୋର୍ଡ ପରୀକ୍ଷା ରେଜଲ୍ଟ ପ୍ରକାଶିତ ହୋଇଛି । ଯୁକ୍ତଦୁଇରେ ନୂଆପଡା ଜିଲ୍ଲାର ଛାତ୍ରୀ ଅକ୍ଷରା ଶୁକ୍ଳା ଜିଲ୍ଲା ଟପ୍ପର ହୋଇଥିବା ବେଳେ ମ୍ୟାଟ୍ରିକ୍‌ରେ ଶ୍ରୀୟାଂଶ କେଶରୀ ପଟ୍ଟନାୟକ ଟପର ହୋଇଛନ୍ତି ।  ଖଡ଼ିଆଳ ପଟ୍ଟନାୟକ ପଡାନିବାସୀ ବିକାଶ କୁମାର ଶୁକ୍ଳାଙ୍କ ଝିଅ ଅକ୍ଷରା ଶୁକ୍ଳା । ବରଗଡ଼ ବିକାଶ ରେସିଡେଣ୍ଟାଲ ସ୍କୁଲରେ CBSE ଯୁକ୍ତଦୁଇ ବିଜ୍ଞାନ ବିଭାଗରେ ଅଧ୍ୟୟନ କରିଥିଲେ । ନିଷ୍ଠାପର ସାଧନା ଓ କଠୋର ପରିଶ୍ରମ ବଳରେ ଚଳିତ CBSE ଯୁକ୍ତଦୁଇ ବୋର୍ଡ ପରୀକ୍ଷାରେ 97 ପ୍ରତିଶତ ମାର୍କରଖି ସ୍କୁଲରେ ଟପର ହୋଇଛନ୍ତି । ଯାହାକି ନୂଆପଡା ଜିଲ୍ଲା ଖଡ଼ିଆଳ ପାଇଁ ଗୌରବର ବିଷୟ । ଝିଅ ଅକ୍ଷରାର ସଫଳତା କୁନେଇ ବାପାମାଆ ବେଶ ଖୁସିଥିବା ବେଳେ, ଆଗକୁ ଡାକ୍ତର ହୋଇ ଜନସେବା କରିବା ଲକ୍ଷ୍ୟ ରଖିଛନ୍ତି ଛାତ୍ରୀ । ସେହିଭଳି CBSE ମାଟ୍ରିକ ବୋର୍ଡ ପରୀକ୍ଷାରେ ଟପ୍ପର ହୋଇଛନ୍ତି ଶ୍ରୀୟାଂଶ କେଶରୀ ପଟ୍ଟନାୟକ । ଖଡ଼ିଆଳ ନିବାସୀ ବିକ୍ରମ କେଶରୀ ପଟ୍ଟନାୟକଙ୍କ ପୁଅ ଶ୍ରୀୟାଂଶ କେଶରୀ ପଟ୍ଟନାୟକ । ଖଡ଼ିଆଳ ବାଦୀ ଗ୍ରାମ ସ୍ଥିତ ଓଡ଼ିଶା ଆଦର୍ଶ ବିଦ୍ୟାଳୟରେ CBSE କୋର୍ସରେ ପାଠପଢି 94 ପ୍ରତିଶତ ମାର୍କ ରଖି ଟପ୍ପର ହୋଇଛନ୍ତି ଶ୍ରୀୟାଂଶ ।

ଇଟିଭି ଭାରତ, ନୂଆପଡା