ଶାସକ ଦଳର ରାଜନୈତିକ କାର୍ଯ୍ୟକ୍ରମରେ ସରକାରୀ ଅଧିକାରୀ, ଓଏସଡି ଗୋପବନ୍ଧୁ ଦାଶଙ୍କୁ ବିରୋଧ

ବ୍ରହ୍ମପୁର: ମୁଖ୍ୟମନ୍ତ୍ରୀଙ୍କ ବାସଭବନରେ ଓଏସଡି (Officer on Special Duty) ଭାବେ କାର୍ଯ୍ୟରତ ଗୋପବନ୍ଧୁ ଦାଶଙ୍କୁ ବିଜେଡିର ଜନ ସମ୍ପର୍କ ପଦଯାତ୍ରାରେ ଯୋଗଦେବା ଅବସରରେ ବିରୋଧ । ଜଣେ ସରକାରୀ ଅଧିକାରୀ ଭାବେ କାର୍ଯ୍ୟରତ ଥିବାବେଳେ କିଭଳି ଶାସକ ଦଳର ରାଜନୈତିକ କାର୍ଯ୍ୟକ୍ରମରେ ଯୋଗ ଦେଉଛନ୍ତି ବୋଲି ପ୍ରଶ୍ନ କରି କଳାପତାକା ପ୍ରଦର୍ଶନ କରିଛନ୍ତି ଗୋପାଳପୁର ନିର୍ବାଚନ ମଣ୍ଡଳୀର କୋଳଥି ଗ୍ରାମର ଯୁବଗୋଷ୍ଠୀ । ରଙ୍ଗେଇଲୁଣ୍ଡା ବ୍ଲକ କୋଳଥି ଗାଁରେ ବିଜେଡିର ଜନ ସମ୍ପର୍କ ପଦଯାତ୍ରାରେ ଗୋପବନ୍ଧୁ ବୁଲିବା ସହ ବୈଠକ କରିଥିଲେ । ଏହାକୁ କଳା ପତାକା ପ୍ରଦର୍ଶନ କରି ବିରୋଧ କରିଥିଲେ ସ୍ଥାନୀୟ ଲୋକେ । ଇଟିଭି ଭାରତ, ବ୍ରହ୍ମପୁର