Kranti Diwas: କ୍ରାନ୍ତି ଦିବସ ପାଳିଲା BJD

ବ୍ରହ୍ମଗିରି: ଆଜି କ୍ରାନ୍ତି ଦିବସ । ଏହି ଦିନଟି ସମଗ୍ର ଦେଶର ବୀର ପୁଅଙ୍କ ପାଇଁ ପାଇଁ ଉତ୍ସର୍ଗୀକୃତ । ଏହି ଦିନ ଦେଶ ମାତୃକା ପାଇଁ ଜୀବନକୁ ବାଜି ଲଗାଇଥିବା ସ୍ବାଧୀନତା ସଂଗ୍ରାମୀଙ୍କ ବୀରତ୍ବ ଓ ପରାକ୍ରମର ସ୍ମୃତିକୁ ମନେ ପକାଏ । ଏହି ଦିବସକୁ ପୁରୀ ବ୍ରହ୍ମଗିରିରେ ବିଜେଡ଼ି ପକ୍ଷରୁ ପାଳନ କରାଯାଇଛି । ଦାସରଥୀ ମଣ୍ଡପ ଠାରେ ଭାରତ ଛାଡ଼ ଆନ୍ଦୋଳନର ମହାନ ସଂଗ୍ରାମୀଙ୍କୁ ଶ୍ରଦ୍ଧାଞ୍ଜଳି ଉଦ୍ଦେଶ୍ୟରେ ବିଜୁ ପ୍ରେମୀ ମାନେ ଏକତ୍ରିତ ହୋଇଥିଲେ । ସଂଗ୍ରାମୀ ମାନେ ଦେଶ ମାତୃକା ପାଇଁ ରକ୍ତ ଦେଇଥିବା ବେଳେ ବିଜୁ ପ୍ରେମୀ ମାନେ ମୂଲ୍ୟବାନ ଜୀବନ ଟିଏ ବଞ୍ଚାଇବା ପାଇଁ ରକ୍ତ ଦାନ ଶିବିରର ଆୟୋଜନ କରିଥିଲେ । ଏଥିରେ ପୂର୍ବତନ ମନ୍ତ୍ରୀ ସଞ୍ଜୟ କୁମାର ଦାସବର୍ମା ଯୋଗ ଦେଇ ରକ୍ତ ଦାତାଙ୍କୁ ଉତ୍ସାହିତ କରିବା ସହିତ କ୍ରାନ୍ତି ଦିବସରେ ମହାନ ସଂଗ୍ରାମୀ ମାନଙ୍କୁ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ଇଟିଭି ଭାରତ, ବ୍ରହ୍ମଗିରି