Diwali 2023: ଉରିରେ ସ୍ଥାନୀୟ ଲୋକଙ୍କ ସହ ଦୀପାବଳି ମନାଇଲେ ଯବାନ

ଶ୍ରୀନଗର: ଆଲୋକର ପର୍ବ ଦୀପାବଳିକୁ ନେଇ ଚଳଚଞ୍ଚଳ ପୁରଠୁ ପଲ୍ଲୀ । ଘରେ ଘରେ ଜମିଛି ପିଠା ମିଠାର ଆସର । ଦୀପର ଆଲୋକରେ ଆଲୋକିତ ହେବ ଚତୁର୍ଦ୍ଦିଗ । ଦେଶ ସେବାରେ ନିୟୋଜିତ ଥିବା ଯବାନ ମାନେ ଦୀପ ଜଳାଇ ଦୀପାବଳି ପାଳନ କରିଛନ୍ତି । ଜମ୍ମୁକାଶ୍ମୀରର ଉରି ସେକ୍ଟର ଏଲଓସିରେ ସ୍ଥାନୀୟ ଲୋକଙ୍କ ଦୀପାବଳି ମନାଇଛନ୍ତି ଯବାନ । ଉରି ଅଞ୍ଚଳରେ ରହୁଥିବା ଲୋକେ ସେନା କ୍ୟାମ୍ପ୍‌ରେ ପହଞ୍ଚିବା ପରେ ଶନିବାର ରାତିରେ ଦୀପାବଳି ଉତ୍ସବ ପାଳନ କରାଯାଇଥିଲା । ସେନାରେ କାର୍ଯ୍ୟରତ ଯବାନ ଦୀପ ପ୍ରଜ୍ବଳନ କରିଥିଲେ । ଏହାପରେ ବାଣ ଫୁଟାଇଥିଲେ । ଘର ଠାରୁ ଦୂରରେ ରହି ମଧ୍ୟ ଦୀପାବଳି ପାଳନ କରିଥିବାରୁ ଯବାନମାନେ ଖୁସି ବ୍ୟକ୍ତ କରିଛନ୍ତି । ସେହିପରି ଜମ୍ମୁକାଶ୍ମୀରର ରଜୌରୀରେ ମଧ୍ୟ ସେନା ଯବାନ ମାନେ ବାଣ ଫୁଟାଇ ଦୀପାବଳି ମନାଇଛନ୍ତି । ଚଳିତ ବର୍ଷ ଦେଶରେ ପ୍ରଦୂଷଣକାରୀ ବାଣ ଫୁଟାଇବା ଉପରେ ରୋକ୍‌ ଲଗାଇଛନ୍ତି ସୁପ୍ରିମକୋର୍ଟ । ସବୁ ରାଜ୍ୟରେ ଏହି କଟକଣା ଲଗା ଯାଇଛି ।