ଯାଜପୁର ରୋଡ୍‌ରେ ଗୋ ଚମଡା ବୋଝେଇ ଗାଡି ଜବତ, ୪ ଅଭିଯୁକ୍ତ ଗିରଫ

ଯାଜପୁର: କୋରେଇ ଥାନା ନିକଟରେ ଗୋ ଚମଡା ଗାଡି ଜବତ । ଏକ ୪୦୭ ମିନି ଟ୍ରକ କୋଲକାତା ଅଭିମୁଖେ ଏକ ଗୋ ଚମଡା ଓ ହାଡ଼ ବୋଝଇ ଟ୍ରକ୍‌ କୋରେଇ ପାଣିକୋଇଲି ରାସ୍ତାରେ ଯାଉଥିଲା । ସେହି ସମୟରେ  ଯାଜପୁର ଜିଲ୍ଲାର ପଥରପଦା ପଞ୍ଚାୟତ ଓଚିନ୍ଧା ଛକ ନିକଟରେ ଦୁର୍ଗନ୍ଧ ବାହାରିବାରୁ ସେଠାରେ ଥିବା ଯୁବକମାନେ ଗାଡିଟିକୁ ଅଟକାଇ ପାଣିକୋଇଲି ପୋଲିସକୁ ଖବର ଦେଇଥିଲେ । ପୋଲିସ ଘଟଣାସ୍ଥଳରେ ପହଞ୍ଚି ୪ଜଣ ଅଭିଯୁକ୍ତଙ୍କୁ ଗିରଫ କରିଥିଲେ । ତେବେ  ଅଭିଯୁକ୍ତମାନେ ହେଲେ ପଶ୍ଚିମବଙ୍ଗ ଉଲବେରିଆ ଅଞ୍ଚଳର ରାଜେଶ ସାହା, ହାସିତୁମ, ଜୟ ଲାଲ ସାହା, ବାବା ଆଲମ ବୋଲି ଜଣାପଡ଼ିଛି । ଅନ୍ୟପଟେ ଘଟଣାସ୍ଥଳରେ ଏନେଇ ଉତ୍ତେଜନା ପ୍ରକାଶ ପାଇଥିଲା । ଏହାପରେ ଉତ୍ୟକ୍ତ ଲୋକେ ଟ୍ରକ୍‌ରେ ନିଆଁ ଲଗାଇ ଦେଇଥିଲେ । ଟ୍ରକଟି ଜଳି ପୋଡ଼ି ପାଉଁଶ ହୋଇ ଯାଇଛି ।

ଇଟିଭି ଭାରତ, ଯାଜପୁର