ସିଲ୍କ ସିଟି ଫେଷ୍ଟ, ଦିଶାଙ୍କ ହଟ୍ ଡ୍ୟାନ୍ସରେ ଝୁମିଲେ ଦର୍ଶକ

ବ୍ରହ୍ମପୁର: ସିଲ୍କ ସିଟି ଫେଷ୍ଟର ଚତୁର୍ଥ ସନ୍ଧ୍ୟା ରହିଥିଲା ବେଶ ଆକର୍ଷଣୀୟ । ମଞ୍ଚରେ ସ୍ଥାନୀୟ କଳାକାରଙ୍କ ବିଭିନ୍ନ ନୃତ୍ୟ ସାଙ୍ଗକୁ  ବଲିଉଡର ଚୁଲବୁଲି ନାୟିକା ଦିଶା ପଟାନୀଙ୍କ ନୃତ୍ୟ ରହିଥିଲା ବେଶ ଚିତାର୍ଷକ। ଏଥି ସହ ଅନ୍ୟତମ ଆକର୍ଷଣ ରହିଥିଲା ବ୍ଲାକ୍ ସୱାନ୍ ଗ୍ରୁପର ପପ୍ ସଙ୍ଗୀତ । ଜଣେ ଆଫ୍ରିକୀୟ , ଜଣେ ବ୍ରାଜିଲ୍ , ଜଣେ ଜାପାନ ଏବଂ ଅନ୍ୟ ଜଣେ ଭାରତୀୟ ଏଭଳି 4 ଯୁବତୀଙ୍କ ମଞ୍ଚରେ ପପ୍ ସଙ୍ଗୀତ ସାଙ୍ଗକୁ ନୃତ୍ୟ ପରିବେଷଣ ଏବଂ ବିଗ୍ ଡିଲଙ୍କ ରାପ୍ ସଙ୍ଗୀତ ସହିତ ନକାଶ୍ ଅଜିଜ୍ ଙ୍କ ସଙ୍ଗୀତ ଯାଦୁରେ ଝୁମିଥିଲେ ଦର୍ଶକ । ଚତୁର୍ଥ ସନ୍ଧ୍ୟାରେ ଅତିଥି ଭାବରେ ଓଡିଶା ବିଧାନସଭାର ବାଚସ୍ପତି ବିକ୍ରମ କେଶରୀ ଆରୁଖ , କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ ଓ ଦକ୍ଷିଣାଞ୍ଚଳ ଆଇ.ଜି ସତ୍ୟବ୍ରତ ଭୋଇ ଯୋଗ ଦେଇ ପ୍ରଥମ ଥର ପାଇଁ ବ୍ରହ୍ମପୁର ସହରରେ ପ୍ରଶାସନ ପକ୍ଷରୁ ଆୟୋଜିତ ହୋଇଥିବା ମହୋତ୍ସବର ସମସ୍ତେ ଭରପୁର ମଜ୍ଜା ନେବା ପାଇଁ ଆହ୍ୱାନ କରିଥିଲେ । ଇଟିଭି ଭାରତ, ବ୍ରହ୍ମପୁର