Panchayat Election: ପ୍ରଚାର ମୈଦାନରେ ବିଜେଡି ସାଂସଦ ଓ ବିଧାୟକ

ଅନୁଗୋଳ: ପ୍ରଚାର ମୈଦାନରେ ସାଂସଦ ଓ ବିଧାୟକ । ଦଳୀୟ ପ୍ରାର୍ଥୀଙ୍କ ପାଇଁ ମାଗୁଛନ୍ତି ଭୋଟ । ଦ୍ବିତୀୟ ପର୍ଯ୍ୟାୟରେ ହେବାକୁ ଥିବା କଣିହାଁ ବ୍ଲକର ୯ ନମ୍ବର ଜୋନରେ ପ୍ରଚାର କରିଛନ୍ତି ଢେଙ୍କାନାଳ ସାଂସଦ ମହେଶ ସାହୁ ଓ ବିଧାୟକ ତାଳଚେର ବ୍ରଜ କିଶୋର ସାହୁ । ଆଜି(ରବିବାର) ତାଳଚେର ବିଧାନସଭା ନିର୍ବାଚନ ମଣ୍ଡଳୀର ୯ ନମ୍ବର ଜିଲ୍ଲା ପରିଷଦ ଜୋନରେ ବିଜେଡିର ମାରାଥନ ପ୍ରଚାର। ଢେଙ୍କାନାଳ ଏମପି ମହେଶ ସାହୁ ଏବଂ ତାଳଚେର ବିଧାୟକ ବ୍ରଜ କିଶୋର ପ୍ରଧାନ ଏହି ଜୋନର ୮ଟି ଯାକ ପଞ୍ଚାୟତ ପରିକ୍ରମା କରି ପ୍ରଚାର କରିଥିଲେ। ଖୋଲା ଜିପରେ ଗାଁକୁ ଗାଁ ଯାଇ ନିଜ ଦଳୀୟ ପ୍ରାର୍ଥୀଙ୍କୁ ଭୋଟ ଦେବାକୁ ନିବେଦନ କରିଥିଲେ। ଏହାଛଡା ଲୋକଙ୍କ ପାଖରେ ପହଞ୍ଚି ରାଜ୍ୟ ସରକାରଙ୍କ ବିଭିନ୍ନ ଜନ କଲ୍ୟାଣ ଯୋଜନା ସମ୍ପର୍କରେ ଅବଗତ କରାଇଥିଲେ। ତାଙ୍କ ସହ ଜିଲ୍ଲାପରିଷଦ ପ୍ରାର୍ଥୀ, ବିଭିନ୍ନ ପଞ୍ଚାୟତର ସମିତି ସଭ୍ୟ ପ୍ରାର୍ଥୀ ଏବଂ ସରପଞ୍ଚ ପ୍ରାର୍ଥୀମାନେ ଥିଲେ। ବହୁ ସଂଖ୍ୟାରେ କର୍ମୀ ଶୋଭାଯାତ୍ରା କରି ଦଳୀୟ ପ୍ରାର୍ଥୀ ମାନଙ୍କୁ ଉତ୍ସାହିତ କରିବା ସହ ଭୋଟର ମାନଙ୍କୁ ଦଳୀୟ ପ୍ରାର୍ଥୀ ମାନଙ୍କୁ ଭୋଟ ଦେବାକୁ କହିଥିଲେ। ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ