ଓଲଟିଲା ମଦ ଭର୍ତ୍ତି କାର, ପେଟିପେଟି ବୋହିନେଲେ ସ୍ଥାନୀୟ ଲୋକେ

ପାଟନା: ମଦ ନେଇ ଯାଉଥିବା ଏକ କାର ଓଲଟିବା ପରେ ପେଟି ପେଟି ମଦ ବୋହିନେଲେ ଲୋକେ । ବିହାରର କୈମୁର ଅଞ୍ଚଳରେ ଅଞ୍ଚଳରେ ଏଭଳି ଦୃଶ୍ୟ ଦେଖିବାକୁ ମିଳିଛି । ବିହାରରେ ମଦ ବିକ୍ରି ଉପରେ ନିଷେଦ୍ଧାଦେଶ ଜାରି ହୋଇଛି । ଏଭଳି ସ୍ଥିତିରେ କୈମୁର ଜିଲ୍ଲାର ମୋହନିୟାରେ ଏକ କାର ମଦ ନେଇ ଯାଉଥିବାବେଳେ ଅଚାନକ ଓଲଟି ପଡ଼ିଥିଲା । କାରରେ ବସିଥିବା ମଦ ତସ୍କର ଓ ଗାଡ଼ି ଚାଳକ ସେଠାରୁ ଚମ୍ପଟ ମାରିଥିଲେ । ତେବେ ସ୍ଥାନୀୟ ଲୋକ ଆହତଙ୍କୁ ଉଦ୍ଧାର କରିବା ବଦଳରେ କାରରେ ଥିବା ମଦ ଲୁଟି ନେବାକୁ ଲାଗିଥିଲେ । କାର ଭିତରେ ଥିବା ପେଟି ପେଟି ମଦ ବୋହି ନେଇଥିଲେ ସ୍ଥାନୀୟ ଲୋକ । ବ୍ୟୁରୋ ରିପୋର୍ଟ, ଇଟିଭି ଭାରତ