କବିତା ମାହୁନ୍ତ ହେଲେ ପୌର ପରିଷଦ ଉପାଧ୍ୟକ୍ଷା

ମାଲକାନଗିରି: କବିତା ମାହୁନ୍ତ ହେଲେ ମାଲକାନଗିରି ପୌର ପରିଷଦର ଉପାଧ୍ୟକ୍ଷା । ପୌର ପରିଷଦର ଉପାଧ୍ୟକ୍ଷାକୁ ନେଇ ଲାଗିଥିବା ଚର୍ଚ୍ଚାର ଅବସାନ ଘଟିଛି । ଆଜି ପୌର ପରିଷଦର ଉପାଧ୍ୟକ୍ଷ ପଦବୀ ପଦ ଅଳଙ୍କୃତ କରିଛନ୍ତି କବିତା ମାହୁନ୍ତ । ଆଜି ବିଜୁ ଜନତା ଦଳର ରାଜ୍ୟ ସଭାପତି ସୁପ୍ରିମୋ ନବୀନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ସେ ପୌର ପରିଷଦ ଉପାଧ୍ୟକ୍ଷ ପଦବୀ ପାଇଁ ଆବେଦନ କରିଥିବା ବେଳେ ଏହି ପଦବୀ ପାଇଁ ଅନ୍ୟ କେହି ଆବେଦନ କରି ନଥିଲେ । ଫଳରେ ଆବେଦନ ସମୟ ଶେଷ ପରେ କବିତା ମାହୁନ୍ତଙ୍କୁ ଉପାଧ୍ୟକ୍ଷା ଭାବେ ଘୋଷଣା କରାଯାଇଛି । ଏହି ଅବସରରେ ବିଜୁ ଜନତା ଦଳର ବରିଷ୍ଠ ସାଧାରଣ ସମ୍ପାଦକ ତଥା ପୂର୍ବତନ ସାଂସଦ ପ୍ରଦୀପ ମାଝୀ , ପୂର୍ବତନ ବିଧାୟକ ତଥା ସ୍ବତନ୍ନ ଉନ୍ନୟନ ପରିଷଦ ଅଧ୍ୟକ୍ଷ ମାନସ ମାଡକାମୀ , ପୌର ଅଧ୍ୟକ୍ଷ ମନୋଜ କୁମାର ବାରିକ , ଜିଲ୍ଲା ସାଧାରଣ ସମ୍ପାଦକ ଗୋପାଳ ପଣ୍ଡା , ପୁର୍ବତନ ପୌର ଅଧକ୍ଷ ଧନୁର୍ଜୟ ମାଡକାମୀ , ସାଂସଦ ପ୍ରତିନିଧି ବି କାମେଶ୍ବର ରାଓ , ଜିଲ୍ଲା ଯୁବ ଉପ ସଭାପତି କଣ୍ଡେଶ୍ବର ପୋଟଲା , କର୍ମି ଯେ ଶ୍ରୀନିବାସ ରାଓ , କେ ରାହୁଲ , ରବି ରାଜେଶ , ଲଚନା ରାଓ ଓ କର୍ମକର୍ତା ଙ୍କ ସହ ବିଜୟ ଲାଭ କରିଥିବା ବିଜୁ ଜନତା ଦଳର ୧୪ ଗୋଟି ୱାର୍ଡର କାଉନସିଲ ଉପସ୍ଥିତ ରହିଥିଲେ । ମାଲକାନଗିରିରୁ ପଞ୍ଚାନନ ଦାସ, ଇଟିଭି ଭାରତ