ରାଜଧାନୀରେ ନିଶାଡି ଗ୍ୟାଙ୍ଗର ପର୍ଦ୍ଦାଫାଶ, ନିଶା ଦେଇ ଯାତ୍ରୀଙ୍କଠୁ ଲୁଟୁଥିଲେ ସର୍ବସ୍ବ

ଭୁବନେଶ୍ବର: ଟ୍ରେନ ବା ବସରେ ଆସୁଥିଲେ ହୁସିଆର। କାରଣ ରାଜଧାନୀରେ ମାତିଛନ୍ତି ନିଶା ଦିଆ ଲୁଟେରା ଗ୍ୟାଙ୍ଗ। ଯାହାଙ୍କ ହାବୁଡ଼ରେ ପଡିଲେ ଆପଣ ବି ହରାଇ ପାରନ୍ତି ସର୍ବସ୍ବ। କାରଣ ଏମିତି ଏକ ଗ୍ୟାଙ୍ଗ ଧରାପଡିଛନ୍ତି କମିଶନରେଟ ପୋଲିସ ହାତରେ। ନୟାଗଡ଼ର ସିମାଞ୍ଚଳ ସୁବୁଦ୍ଧି ଓ ସୁଶାନ୍ତ ରାଉତ ନାମକ ଦୁଇ ନିଶାଡି ଗ୍ୟାଙ୍ଗର ସଦସ୍ୟ ଧରାପଡିଛନ୍ତି ପୋଲିସ ହାତରେ। ଏମାନଙ୍କଠୁ 1 ଲକ୍ଷ 8 ହଜାର ୬୨୦ଟଙ୍କା ସହ ୪ଟି ମୋବାଇଲ ଫୋନ, ଗୋଟିଏ ବାଇକ, ଗୋଟିଏ ସୁନାଚେନ, ଦୁଇଟି ମୁଦି, ନିଶା ବଟିକା ଓ ସିମକାର୍ଡ଼ ଜବତ କରାଯାଇଛି ।