Panchayat Election: ଛତ୍ରପୁର ନିର୍ବାଚନ ମଣ୍ଡଳୀରେ ଜମୁଛି ପ୍ରାର୍ଥୀଙ୍କ ପ୍ରଚାର

ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ପ୍ରଚାର ମାଧ୍ୟମରେ ଜୋର ଲଗାଉଛନ୍ତି ଦଳୀୟ ପ୍ରାର୍ଥୀ । ଏହି କ୍ରମରେ ଗଞ୍ଜାମ ଜିଲ୍ଲା ଛତ୍ରପୁର ନିର୍ବାଚନମଣ୍ଡଳୀର ଛତ୍ରପୁର ବ୍ଲକରେ ଜମୁଛି ପ୍ରାର୍ଥୀଙ୍କ ପ୍ରଚାର । ଏହି ବ୍ଲକର ୨୦ ନମ୍ବର ଜୋନ୍‌ରେ ୩ ପ୍ରମୁଖ ଦଳର ପ୍ରାର୍ଥୀମାନେ ନିଜର ପ୍ରଚାର ଯୋରଦାର କରିଛନ୍ତି । ଏହି ଜୋନ୍‌ରେ କାଳିପଲ୍ଲୀ ଗ୍ରାମ ପଞ୍ଚାୟତରେ ମଧ୍ୟ ଚାଲିଛି ପ୍ରାର୍ଥୀଙ୍କ ପ୍ରଚାର । ଜୋନ୍‌ରେ କାଳୀପଲ୍ଲୀ ପଞ୍ଚାୟତରେ ଜିଲ୍ଲାପରିଷଦ ସଦସ୍ୟ ଏନ୍. ଧନଞ୍ଜୟ ରେଡ୍ଡିଙ୍କ ସମେତ ସରପଞ୍ଚ ପ୍ରାର୍ଥୀ ବି.ଲକ୍ଷ୍ମୀ ପାତ୍ର ଓ ସମିତିସଭ୍ୟ ବିକାଶ କୁମାର ବେହେରା ଘରକୁ ଘର ବୁଲି ପ୍ରଚାର କରୁଛନ୍ତି । ଏହି ଅଞ୍ଚଳ ଶିଳ୍ପ ପ୍ରମୁଖ ହୋଇଥିବା ବେଳେ ସ୍ଥାନୀୟ ଲୋକଙ୍କୁ ନିଯୁକ୍ତି ସହିତ ସରକାରଙ୍କ ସମସ୍ତ ଯୋଜନାର ସଫଳ ରୂପାୟନ ନେଇ ପ୍ରତିଶ୍ରୁତି ଦେଇଛନ୍ତି ନେତାଏ । ସମର୍ଥକଙ୍କ ସହ ଘରକୁ ଘର ବୁଲୁଛନ୍ତି ନେତାଏ । ଏହି ଅବସରରେ ପ୍ରଚାର କରୁଥିବା ପ୍ରାର୍ଥୀଙ୍କ ସହିତ ଅଧିକ ଆଲୋଚନା କରିଛନ୍ତି ଆମ ବ୍ରହ୍ମପୁର ପ୍ରତିନିଧି ସମୀର ଆଚାର୍ଯ୍ୟ ।