ଯାଜପୁରରେ ୟସ ପ୍ରଭାବ, ପ୍ରବଳ ବର୍ଷା ସାଙ୍ଗକୁ ପବନ ଜାରି

ଯାଜପୁର: ବାତ୍ୟା ୟସର ପ୍ରଭାବ ଯାଜପୁର ଜିଲ୍ଲାରେ ଦେଖିବାକୁ ମିଲିଲାଣି । ପ୍ରବଳ ବର୍ଷା ସାଙ୍ଗକୁ ଜାରି ରହିଛି ପବନ। ଯାଜପୁର ଜିଲ୍ଲାରେ ଧୀରେଧୀରେ ପବନ ବର୍ଷା ଆରମ୍ଭ ହେଇଯାଇଛି। ଜିଲ୍ଲାର ୧୦ ବ୍ଳକ ଓ ଦୁଇଟି ପୌରପରିଷଦ ଏହାର ପ୍ରଭାବ ଦେଖାଦେଇଛି। ଵିଶେଷ ଭାବରେ ନଦୀକୂଳଆ ଅଂଚଳ ବରୀ,ବିଂଝାରପୁର, ଦଶରଥପୁର, ଯାଜପୁର ଓ କୋରେଇ ବ୍ଳକର ତଳିଆ ଅଞ୍ଚଳରେ ପ୍ରଭାବ ଅଧିକ ଥିବାରୁ ଜିଲ୍ଲା ପ୍ରଶାସନ ପକ୍ଷରୁ ଗତକାଲି ରାତିରୁ ଏନଡିଆରଏଫ,ଓଡ୍ରାଫ ଓ ଅଗ୍ନିସମ ବିଭାଗ ସହାୟତାରେ ତଳିଆ ଅଞ୍ଚଳ ଲୋକଙ୍କୁ ଉଚ୍ଚ ସ୍ଥାନକୁ ୫ ହଜାର ଉର୍ଦ୍ଧ୍ବଙ୍କୁ ସ୍ଥାନାନ୍ତରିତ କରାଯାଇଛି। ଵିଶେଷ ପ୍ରଭାବିତ ବ୍ଲକକୁ ଜିଲ୍ଲା ପ୍ରଶାସନ ପକ୍ଷରୁ ଶୁଖିଲା ଖାଦ୍ୟ ପଠା ଯାଇଥିବା ଜଣାପଡ଼ିଛି। ତେବେ ଯାଜପୁର ଜିଲ୍ଲାରେ କିଭଳି ଅଛି ସ୍ଥିତି ସ୍ଥାନୀୟ ଲୋକଙ୍କ ସହିତ ଅଧିକ ଆଲୋଚନା କରିଛନ୍ତି ଆମ ପ୍ରତିନିଧି ।