ସିଏଏକୁ ବିରୋଧ କରି ଯାଜପୁରରେ ବିକ୍ଷୋଭ ପ୍ରଦର୍ଶନ

ଯାଜପୁର: ନାଗରିକତା ସଂଶୋଧନ ଆଇନ ଏବଂ ଏନଆରସିକୁ ବିରୋଧ କରି ଯାଜପୁର ଜିଲ୍ଲା ବିଞ୍ଝାରପୁରେ ସଂଖ୍ୟା ଲଘୁ ସଂପ୍ରଦାୟର ନେତା କାଦିର ଖାନଙ୍କ ନେତୃତ୍ବରେ ଏକ ପ୍ରତିବାଦ ଶୋଭାଯାତ୍ରା କରାଯାଇଛି । ଏହି ବିରୋଧ କାର୍ଯ୍ୟକ୍ରମରେ ବିଜେଡି, କଂଗ୍ରେସ, ସିପିଆଇ, ଏସୟୁସିଆଇ ଓ ଅନ୍ୟାନ୍ୟ ରାଜନୈତିକ ଦଳ ସାମିଲ ହୋଇଥିଲେ । ଦେଶର ଅଖଣ୍ଡତା ଓ ଧର୍ମନିରପେକ୍ଷତାକୁ ଖଣ୍ଡଖଣ୍ଡ କରି ଭୋଟ ବ୍ୟାଙ୍କ ବୃଦ୍ଧି ଲକ୍ଷ୍ୟରେ ଏପରି ଆଇନକୁ ଲାଗୁ କରିବାକୁ ବିଜେପି ସରକାର ଉଦ୍ୟମ କରୁଥିବା ଅଭିଯୋଗ ହୋଇଛି । ଏହି ଆଇନକୁ ପ୍ରତ୍ୟାହୃତ ନ କରିବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ ବୋଲି ଚେତାବନୀ ଦିଆଯାଇଛି । ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ