ଆଜି ଯାଜପୁରରୁ ୪୬ କୋରୋନା ରୋଗୀ ଚିହ୍ନଟ, 225ରେ ପହଞ୍ଚିଲା ସଂଖ୍ୟା

ଯାଜପୁର: ଜିଲ୍ଲାରେ ଅଜି ପୁଣି ୪୬ ଜଣ କୋରୋନା ରୋଗୀ ଚିହ୍ନଟ ହୋଇଛନ୍ତି । ଫଳରେ ଜିଲ୍ଲାରେ କୋରୋନା ସଂକ୍ରମିତଙ୍କ ସଂଖ୍ୟା ୨୨୫ରେ ପହଞ୍ଚିଛି । ଏମାନଙ୍କ ମଧ୍ୟରୁ ବିଂଝାରପୁର ବ୍ଲକରୁ 9 ଜଣ ରୋଗୀ ଚିହ୍ନଟ ହୋଇଛନ୍ତି । ତା ମଧ୍ୟରୁ ଛତିଶଗଡର ଜଣେ ଏବଂ 8 ଜଣ କୋଲକାତା ଫେରନ୍ତା ବୋଲି ଜଣାପଡିଛି । ସେହିଭଳି ଦଶରଥପୁର ବ୍ଲକର 25 ଜଣ ଚିହ୍ନଟ ହୋଇଥିବାବେଳେ 24 ଜଣ କୋଲକାତା ଫେରନ୍ତା ଓ ଜଣେ ତେଲେଙ୍ଗାନାରୁ ଫେରିଥିବା ଜଣାପଡିଛି । ରସୁଲପୁର ବ୍ଳକ ୬ ଜଣ ଚିହ୍ନଟ ହେଇଥିବା ବେଳେ ୪ ଜଣ ଦୁବାଇ ଫେରନ୍ତା ଆଉ ଜଣେ କଲିକତା ଫେରନ୍ତା ସେହିପରି ବରୀ ବ୍ଳକର ୬ ଜଣ କୋରୋନା ରୋଗୀ ଚିହ୍ନଟ ହେଇଥିବା ବେଳେ ଜଣେ ହରିୟାଣା ଅବଶିଷ୍ଟ ୩ଜଣ କଲିକତା ଫେରନ୍ତା ବୋଲି ଜଣା ପଡ଼ିଛି। ତେବେ ଏହି ୪୬ଜଣ କୋରୋନା ରୋଗୀ ସମସ୍ତେ କ୍ଵରେଣ୍ଟାଇନ ସେଣ୍ଟରେ ଥିବାରୁ ଜିଲ୍ଲା ବାସୀ ଭୟ କରିବାର ନାହିଁ ବୋଲି ଜିଲ୍ଲା ପ୍ରଶାସନ ସୂଚନା ଦେଇଛନ୍ତି। ଯାଜପୁରରୁ ଜ୍ଞାନରଞ୍ଜନ ଓଝା, ଇଟିଭି ଭାରତ