ଦିଆସିଲି କାଠିରେ ସୁନ୍ଦର କଳାକୃତି, ରାମ ମନ୍ଦିର ମଡେଲ ନିର୍ମାଣ କଲେ ଶିଳ୍ପୀ ସ୍ମୃତି

Ramm temple replica: କଟକ: ଆଉ ଦିନକ ପରେ ଅଯୋଧ୍ୟାରେ ରାମ ମନ୍ଦିର ପ୍ରାଣ ପ୍ରତିଷ୍ଠା । ଏନେଇ ସବୁଆଡ଼େ ଖୁସିର ମାହୋଲ ଥିବା ବେଳେ କଟକର ଶିଳ୍ପୀ ସ୍ମୃତି ରଞ୍ଜନ ମହାନ୍ତି ନିର୍ମାଣ କରିଛନ୍ତି ଏକ ସୁନ୍ଦର କଳାକୃତି । ଅଦରକାରୀ ବସ୍ତୁ ଓ ଦିଆସିଲି କାଠିରେ ତିଆରି କରିଛନ୍ତି ଅଯୋଧ୍ୟା ମନ୍ଦିରର ଅବିକଳ ମଡେଲ । ଯେପରି ମନ୍ଦିରର ଢାଞ୍ଚା ରହିଛି ତାହାକୁ ସମ୍ପୂର୍ଣ୍ଣ ଭାବେ ଏହି ମଡେଲ ମାଧ୍ୟମରେ ଦେଖାଇଛନ୍ତି କଟକର ସ୍ମୃତି । ମନ୍ଦିର ଉଦଘାଟନ ଉତ୍ସବରେ ଯୋଗ ଦେବାକୁ ଯିବାକୁ ଇଚ୍ଛା ଥିଲେ ସୁଦ୍ଧା ସମ୍ଭବ ହୋଇ ପାରିନଥିଲା । ଯାହାଫଳରେ ନିଜେ ମନ୍ଦିରର ଏହି ମଡେଲ ତିଆରି କରି ପ୍ରଭୁଙ୍କ ଦର୍ଶନ କରିଥିବା କଥା କହିଛନ୍ତି ସ୍ମୃତି । ଏହି ମଡେଲଟିକୁ ତିଆରି କରିବା ପାଇଁ ତାଙ୍କୁ ବହୁ ପରିଶ୍ରମ କରିବାକୁ ପଡ଼ିଥିଲା । ଅତି ସୂକ୍ଷ୍ମ ଭାବେ ଏହି ମନ୍ଦିରକୁ ନିର୍ମାଣ କରିବା ପାଇଁ ପାଖାପାଖି ୧୫ ଦିନରୁ ଊର୍ଦ୍ଧ୍ବ ସମୟ ଲାଗିଥିବା ବେଳେ 300ରୁ ଊର୍ଦ୍ଧ୍ବ ଦିଆସିଲି କାଠି ଓ ଅନ୍ୟ ଅଦରକାରୀ ଜିନିଷକୁ ବ୍ୟବହାର କରିଥିଲେ । ଏହାସହ ମନ୍ଦିରକୁ ସୁନ୍ଦର ଓ ଅବିକଳ ଦେଖାଯିବା ପାଇଁ ସେ ରଙ୍ଗର ବ୍ୟବହାର କରିଥିଲେ ବୋଲି କହିଛନ୍ତି ସ୍ମୃତି। ତେବେ ଭଗବାନ ଶ୍ରୀରାମଙ୍କ ଭକ୍ତିରେ କଟକର କାରିଗର ସ୍ମୃତିଙ୍କ ଏହି ନିଆରା କଳାକୃତି ସମସ୍ତଙ୍କୁ ଆକୃଷ୍ଟ କରିପାରିଛି ।  

ଏହା ବି ପଢନ୍ତୁ- ଯୁବକଙ୍କ ଅନନ୍ୟ କୃତି, ଧୂପକାଠିରେ ବନାଇଲେ ଅଯୋଧ୍ୟା ମନ୍ଦିର