Panchayat Election: ମୁଖ୍ୟମନ୍ତ୍ରୀଙ୍କ ଗଡ ହାତେଇବାକୁ କଂଗ୍ରେସର କସରତ

ବ୍ରହ୍ମପୁର: ପଞ୍ଚାୟତ ନିର୍ବାଚନକୁ ନେଇ ସାରା ରାଜ୍ୟ ରାଜନୀତି ସରଗରମ ରହିଛି । ଗାଁଠୁ ସହର ସବୁଆଡ଼େ ପ୍ରାର୍ଥୀଙ୍କ ଚାଲିଛି ଜୋରଦାର ପ୍ରଚାର । ମୁଖ୍ୟମନ୍ତ୍ରୀଙ୍କ ନିର୍ବାଚନ ମଣ୍ଡଳୀ ଶେରଗଡ଼ ବ୍ଳକରେ କଂଗ୍ରେସର ଦଳୀୟ ପ୍ରାର୍ଥୀମାନେ ରୋଡ ଶୋ ମାଧ୍ୟମରେ ଜନତାଙ୍କ ନିକଟତର ହୋଇଛନ୍ତି । ବ୍ଳକର ୫୮ ନମ୍ବର ଜୋନର ଜିଲ୍ଲା ପରିଷଦ ପାଇଁ ମୈଦାନକୁ ଓହ୍ଲାଇଛନ୍ତି ଦଳୀୟ ପ୍ରାର୍ଥୀ ସୁଚିତ୍ରା ବେହେରା । ଦଳୀୟ ସମର୍ଥକଙ୍କ ସହ ଗାଁକୁ ଗାଁ ବୁଲି ଭୋଟ ଭିକ୍ଷା କରିଛନ୍ତି । ନିଜ ଅଞ୍ଚଳରେ ରହିଥିବା ସମସ୍ୟାର ସମାଧାନର ପ୍ରତିଶୃତି ଦେଇ ଭୋଟରଙ୍କ ନିକଟତର ହେବାକୁ ଚେଷ୍ଟା କରିଛନ୍ତି ପ୍ରାର୍ଥୀ ସୁଚିତ୍ରା ବେହେରା । ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ