ସ୍ଥାୟୀ ନିଯୁକ୍ତି ଜିଦରେ ଅଟଳ ସ୍ବାସ୍ଥ୍ୟକର୍ମୀ, ଥାଳିପିଟି ସରକାରଙ୍କୁ ଜଣାଇଲେ ଦାବି

ଭୁବନେଶ୍ବର: ସ୍ବାସ୍ଥ୍ୟକର୍ମୀଙ୍କ ଅଭିନବ ଭଙ୍ଗିରେ ଆନ୍ଦୋଳନ । ଏଥର ଆଉ କାଗଜ, କଲମ କି ବିକ୍ଷୋଭ ପ୍ରଦର୍ଶନ କରି ଦାବି ଜଣାଯାଇନି ବରଂ ଥାଳି ପିଟି ଦାବି ଜଣାଇଛନ୍ତି ଦୀର୍ଘ 22 ଦିନ ଧରି ଆନ୍ଦୋଳନରତ ସ୍ବାସ୍ଥ୍ୟକର୍ମୀ । ଗୋଟିଏ ଦାବି ସ୍ଥାୟୀ ନିଯୁକ୍ତି । ଯଦି କୋରୋନା ସମୟରେ ସରକାରଙ୍କୁ ସହଯୋଗ କରିଥିବା ସ୍ବାସ୍ଥ୍ୟକର୍ମୀଙ୍କୁ ସ୍ଥାୟୀ ନିଯୁକ୍ତି ଦିଆନଯାଏ, ତେବେ ଆଗାମୀ ଦିନରେ ସମୂହ ଆତ୍ମାହୂତି ଦେବେ ବୋଲି ଚେତାବନୀ ଦେଇଛନ୍ତି ଆନ୍ଦୋଳନରତ ସ୍ବାସ୍ଥ୍ୟକର୍ମୀ ।