ସେନସେକ୍ସର ନୂଆ ରେକର୍ଡ, ପ୍ରଥମ ଥର 13,350 ଉପରେ ନିଫ୍ଟି

ମୁମ୍ବାଇ: ସୋମବାର ବିଦେଶୀ ପୁଞ୍ଜି ପ୍ରବାହ ମଧ୍ୟରେ ସେନସେକ୍ସ 347 ପଏଣ୍ଟ ବୃଦ୍ଧି ହୋଇ ସର୍ବକାଳୀନ ରେକର୍ଡ କରିଛି । ଏଚଡିଏଫସି, ଏଚୟୁଏଲ ଏବଂ ଆଇସିଆଇସିଆଇ ବ୍ୟଙ୍କ ସେୟାର ଉପରମୁହାଁ ସହ ସେୟାର ସୂଚକାଙ୍କ ବଢିଛି । ଆଜିର କାରବାର ମଧ୍ୟରେ ସେନସେକ୍ସ 45,458.92 ପଏଣ୍ଟରେ ପହଞ୍ଚିଥିଲା ବେଳେ କାରବାର ଶେଷ ସୁଦ୍ଧା ବିଏସଇ ସେନସେକ୍ସ 347.42 ପଏଣ୍ଟ ବଢି 45,426.97 ପଏଣ୍ଟ ରହିଛି । ସେହିପରି ନ୍ୟାସନାଲ ଷ୍ଟକ ଏକ୍ସଚେଞ୍ଜର 50 ସେୟାର ଆଧାରିତ ନିଫ୍ଟି 97.20 ପଏଣ୍ଟ ଉଛୁଳି 13,355.75 ପଏଣ୍ଟ ସହ ସର୍ବୋଚ୍ଚ ସ୍ତରରେ ବନ୍ଦ ହୋଇଛି । ସେନସେକ୍ସ ସେୟାରରେ ସର୍ବାଧିକ ଲାଭ ଏୟାରଟେଲର ରହିଛି ।