ଥରେ ଦେଖନ୍ତୁ ଦ୍ରୁତ ଗତିରେ ଗାଡି ଚଲାଇବାର ଭୟାନକ ପରିଣାମ

ଚିତ୍ତୋର: ଦ୍ରୁତ ଗତି, ମହା ବିପତ୍ତି... ଆଜିକାଲି ଦ୍ରୁତଗତିରେ ଗାଡି ଚଳାଇବା ଓ ଟ୍ରାଫିକ ନିୟମନ ମାନିବା, ଯୁବସମାଜ ତଥା ସାଧାରଣ ଜନତାଙ୍କ ପାଇଁ ଭୟଙ୍କର ମନ୍ଦ ଅଭ୍ୟାସ ପାଲଟିଛି । ଦେଖନ୍ତୁ ଏଇ ଛାତିଥରା ଦୁର୍ଘଟଣାର ଭୟାନକ ଭିଡିଓ । ଭିଡିଓ ଦେଖିଲା ପରେ ଦ୍ରୁତ ଗତିରେ ଗାଡି ଚଲାଇବା କେତେ ଜୀବନନାଶକ ତାହା ଭିଡିଓଟି ସ୍ପଷ୍ଟ ଦେଖାଉଛି । ଦ୍ରୁତ ଗତିରେ ଗାଡି ଚଲାଇ ଆସୁଥିବା ଜଣେ ଯୁବକ ଆନ୍ଧ୍ରପ୍ରଦେଶ ଚିତ୍ତୋର ଜିଲ୍ଲାର ଏକ ଡିଭାଇଡର୍ ମଝିରେ ଥିବା ଇଲେକ୍ଟ୍ରି ପୋଲ ସହ ଧକ୍କା ହୋଇଥିଲେ । ଶ୍ରୀଦେବୀ କମ୍ପ୍ଲେକ୍ସରୁ ନାଲୁଗୁକୁଲା ମାଣ୍ଡାପାମ ଆଡକୁ ବାଇକରେ ଦ୍ରୁତ ଗତିରେ ଯାଉଥିବା ଜଣେ ଯୁବକ ପୋଲ ସହିତ ମୁହାଁମୁହିଁ ଧକ୍କା ହୋଇଥିଲେ । ଏହି ବ୍ୟକ୍ତି ଗୁରୁତର ଆହତ ପରେ ଚିକିତ୍ସା ପାଇଁ ଡାକ୍ତରଖାନା ନିଆଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ସେ ପ୍ରାଣ ହରାଇଥିଲେ । ଯୁବକ ଜଣକ ତିରୁପତିର ଅଶୋକନଗରର ବାସିନ୍ଦା ଅନୁଦୀପ ବୋଲି ଜଣା ପଡିଥିଲା। ବ୍ୟୁରୋ ରିପୋର୍ଟ, ଇଟିଭି ଭାରତ