ପହଁରି ପହଁରି ଆରପାରିକୁ ଚାଲିଗଲେ ମତ୍ସ୍ୟଜୀବୀ

ହାଇଦ୍ରାବାଦ: କେତେବେଳେ ମୃତ୍ୟୁ କେଉଁ ରୂପରେ ଆସେ ତାହା କହିବା ମୁସକିଲ । ସେମିତି ଏକ ଅଘଟଣ ଘଟିଛି ତେଲେଙ୍ଗାନାସ୍ଥିତ କାଳେଶ୍ବରମ ନଦୀରେ । ମେଦକ ଜିଲ୍ଲା ରାଭାଲି ଗାଁର 3 ମତ୍ସ୍ୟଜୀବୀ ତୁପ୍ରାନ ଆବଥୁପାଲ୍ଲୀ ଚେକଡ୍ୟାମକୁ ମାଛ ଧରିବାକୁ ଯାଇଥିଲେ । ମାଛ ଧରିବା ସମୟରେ ଗୋଡ ଖସିଯିବାରୁ 3 ଜଣଙ୍କ ମଧ୍ୟରୁ ଜଣେ ହଠାତ୍ ନଦୀକୁ ଖସି ପଡିଲେ । ଖବର ପାଇ ଭାସିଯାଉଥିବା ମତ୍ସ୍ୟଜୀବୀଙ୍କ ପାଖରେ ପହଞ୍ଚିଥିଲେ ଉଦ୍ଧାରକାରୀ ଟିମ ଓ ସ୍ଥାନୀୟ ବାସିନ୍ଦା । ତଥାପି କାଳେଶ୍ବରମ ନଦୀରେ ପୂର୍ବରୁ ଅପେକ୍ଷା କରି ରହିଥିବା କାଳ କିପରି ମତ୍ସଜୀବୀଙ୍କୁ ଭସାଇ ନେଇଛି ତାହା ଭିଡିଓରୁ ସ୍ପଷ୍ଟ ବାରି ହୋଇ ପଡୁଛି । ଜୀବନ ମରଣକୁ ପାଖରୁ ଦେଖୁଥିବା ମତ୍ସ୍ୟଜୀବୀ ମଧ୍ୟ ଦୀର୍ଘସମୟ ଧରି ପହଁରିବା ପରେ ନଦୀରେ ହୋଇଯାଇଥିଲେ ନିଖୋଜ । ବ୍ୟୁରୋ ରିପୋର୍ଟ, ଇଟିଭି ଭାରତ