ହୋଲି ଖେଳିଲେ କିନ୍ନର, ବାଣ୍ଟିଲେ ପ୍ରେମର ବାର୍ତ୍ତା

ଭୁବନେଶ୍ବର: ହୋଲିର ରଙ୍ଗରେ ରଙ୍ଗୀନ ହେଲେ କିନ୍ନର । ଅଲ୍ ଓଡିଶା କିନ୍ନର ସଂଗଠନ ପକ୍ଷରୁ ଆଜି ରାଜଧାନୀ ଭୁବନେଶ୍ୱର ସୁନ୍ଦରପଦା ସେଲଟର ହୋମରେ ହୋଲି ପାଳନ କରାଯାଇଛି । ସମାଜକୁ ଶାନ୍ତି ଓ ପ୍ରେମର ବାର୍ତ୍ତା ଦେଇ ଏକାଧିକ କିନ୍ନର ସନ୍ଧ୍ୟାରେ ଫୁଲ, ହଳଦୀ ଓ ଅବିର ଲଗାଇ ପରସ୍ପରକୁ ହୋଲି ଶୁଭେଚ୍ଛା ଜଣାଇଛନ୍ତି । ସଭିଏଁ ଖୁସିର ମୁହୂର୍ତ୍ତରେ ନାଚ-ଗୀତ କରି ମଜା ଉଠାଇଥିଲେ । ସଂଗଠନର ସଭାପତି ମୀରା ପରିଡ଼ା ସମସ୍ତଙ୍କୁ ଅବିର ଲଗାଇ ଶୁଭେଚ୍ଛା ଜଣାଇଥିଲେ । ଭୁବନେଶ୍ବରରୁ ଦେବସ୍ମିତା ରାଉତ, ଇଟିଭି ଭାରତ