ଚିତ୍ରଶିଳ୍ପୀଙ୍କ ନିଆରା କଳାକୃତୀ, ଶାଢୀରେ ଆଙ୍କିଲେ ହକି ବିଶ୍ବକପ ଟ୍ରଫି

ଭୁବନେଶ୍ବର: ସବୁଆଡ଼େ ହକି ଫିବର । ଦିନ କେଇଟା ପରେ ଆରମ୍ଭ ହେବାକୁ ଯାଉଛି ହକି ମହାକୁମ୍ଭ । ବିଭିନ୍ନ ସ୍ଥାନରେ ଭିନ୍ନ ଭିନ୍ନ ଢଙ୍ଗରେ ହକି ବିଶ୍ବକପ୍‌କୁ ସ୍ବାଗତ କରାଯାଉଛି । ଏହି ପରିପ୍ରେକ୍ଷୀରେ ପୁରୀ ଜିଲ୍ଲା ଚନ୍ଦନପୁର ଚିତ୍ରଶିଳ୍ପୀ ଦିବ୍ୟଜ୍ୟୋତି ମାର୍ଥା ଏକ ନିଆରା ଢଙ୍ଗରେ ବିଶ୍ବକପ୍‌ ଶୁଭେଚ୍ଛା ଜଣାଇଛନ୍ତି । ଏକ ଶାଢୀରେ ବିଶ୍ବକପ୍‌ ଲୋଗୋ ଏବଂ ମସ୍କଟ ଓଲିକୁ ସ୍ଥାନ ଦେଇଛନ୍ତି । ତାଙ୍କୁ ତୁଳୀ ମାଧ୍ୟମରେ ଅତି ନିଖୁଣତାର ସହ ଓଡ଼ିଶାର ଗର୍ବ ଓ ଗୌରବକୁ ପ୍ରଦର୍ଶନ କରିଛନ୍ତି । ଇଚ୍ଛା ଅଛି ଏହି କଳାଟିକୁ ହକି ଉଦଘାଟନୀ ଦିବସରେ ପ୍ରଦର୍ଶନୀ କରିବା ପାଇଁ । ସେଥିପାଇଁ ସେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପାଖରେ ଅନୁରୋଧ କରିଛନ୍ତି । ଇଟିଭି ଭାରତ, ପୁରୀ ଓ ଭୁବନେଶ୍ବର