Baliyatra 2022: ଅଧଘଣ୍ଟାରେ 30ହଜାର କାଗଜ ଡଙ୍ଗା ତିଆରିଲେ ସ୍କୁଲପିଲା, ଗିନିଜ୍ ଓ୍ୱାର୍ଲ୍ଡ ରେକର୍ଡ ରଚିଲା ବାଲିଯାତ୍ରା

କଟକ: ଗିନିଜ ବୁକ ଅଫ ୱାର୍ଲଡ଼ ରେକର୍ଡରେ ସାମିଲ ହେଲା କଟକ ବାଲିଯାତ୍ରା । ଐତିହାସିକ ବାଲିଯାତ୍ରା ଉତ୍ସବ ଅବସରରେ ସିଏମସି ପକ୍ଷରୁ ଆୟୋଜିତ ଡଙ୍ଗା ତିଆରି କାର୍ଯ୍ୟକ୍ରମରେ ୨୨ସ୍କୁଲର 2121 ଜଣ ବିଦ୍ୟାର୍ଥୀ ୩୦ ମିନିଟ ସମୟ ମଧ୍ୟରେ ପ୍ରାୟ ୨୩ ହଜାରରୁ ଉର୍ଦ୍ଧ୍ବ ଡଙ୍ଗା ତିଆରି କରି ଗିନିଜ୍ ବୁକ ଅଫ ୱାର୍ଲଡ ରେକର୍ଡ କରିଛନ୍ତି । ପୂର୍ବରୁ ଏହି ରେକର୍ଡ 1304 ରହିଥିବା ବେଳେ କଟକ ବାଲିଯାତ୍ରା ଏହି ରେକର୍ଡକୁ ଭାଙ୍ଗି ନୂଆ ରେକର୍ଡ ସୃଷ୍ଟି କରିଛି । ଏହି କାର୍ଯ୍ୟକ୍ରମରେ ମେୟର ସୁବାସ ସିଂହ, ଜିଲ୍ଲାପାଳ ଭବାନୀ ଶଙ୍କର ଚୟନିଙ୍କ ସମେତ ବହୁ ପଦାଧିକାରୀ ଉପସ୍ଥିତ ରହିଥିଲେ । ଗିନିଜ୍ ବୁକ ଅଫ ରେକର୍ଡ ପକ୍ଷରୁ ୫୦ଜଣ ଅଫିସିଆଲ୍ ଏହାକୁ ପରିଚାଳନା କରୁଥିଲେ । ରେକର୍ଡକୁ ବିଚାର କରିବା ପାଇଁ ଇଂଲଣ୍ଡରୁ ଗିନିଜ୍ ର ଜଣେ ଜୁରି ମଧ୍ୟ ଉପସ୍ଥିତ ଥିଲେ । ତେବେ ଏହି ଐତିହାସିକ ସମୟ କୁ ସମସ୍ତେ ଏକାଠି ହୋଇ କଟକ ବାରବାଟୀରେ ପାଳନ କରିଥିଲେ । ଇଟିଭି ଭାରତ, କଟକ