ନୂଆଦିଲ୍ଲୀ: ସାଧାରଣତଃ ବୟସ୍କମାନଙ୍କ ଠାରେ ଷ୍ଟ୍ରୋକ୍ ସମସ୍ୟା ଦେଖା ଦେଇଥାଏ । କିନ୍ତୁ ଯୁବକମାନଙ୍କ ଠାରେ ମଧ୍ୟ ଏହାର ପ୍ରଭାବ ପଡୁଛି । ନିକଟରେ ହୋଇଥିବା ଏକ ଅନୁସନ୍ଧାନରୁ ଜଣାପଡିଛି ଯେ, ବୃତ୍ତିଗତ କାର୍ଯ୍ୟକ୍ଷେତ୍ରରେ ଥିବା ଯୁବକମାନଙ୍କଠାରେ ଷ୍ଟ୍ରୋକ୍ର ଅଧିକ ବିପଦ ରହିଛି(Young working professionals now at high stroke risk) । ରିପୋର୍ଟ ଅନୁଯାୟୀ, ଷ୍ଟ୍ରୋକ୍ ହୋଇଥିବା ଯୁବକମାନଙ୍କ ଅନୁପାତରେ ଏକ ଉଲ୍ଲେଖନୀୟ ବୃଦ୍ଧି ଘଟିଥିଲା, ଯେଉଁମାନେ ଅଧିକ କୁଶଳୀ ବୃତ୍ତିରେ ଥିଲେ, ବିଶେଷ କରି ବୃତ୍ତିଗତ କିମ୍ବା ପରିଚାଳନାଗତ ଚାକିରି କ୍ଷେତ୍ରରେଥିଲେ ।
ଏହା କାର୍ଯ୍ୟ ସମ୍ବନ୍ଧୀୟ ଚାପ, କମ୍ ଶାରୀରିକ କାର୍ଯ୍ୟକଳାପ ଏବଂ ଦୀର୍ଘ କାର୍ଯ୍ୟ ସମୟ ପାଇଁ ହୋଇଥାଇପାରେ ବୋଲି ବିବେଚନା କରାଯାଉଛି । ତେବେ ପ୍ରତ୍ୟେକ ହୃଦଘାତ ଅପେକ୍ଷା ଷ୍ଟ୍ରୋକ୍ ବିପଦ ଅଧିକ ରହିଛି ବୋଲି ଜଣାପଡିଛି । ଆଜି(ଅକ୍ଟୋବର ୨୯) ବିଶ୍ବ ଷ୍ଟ୍ରୋକ୍ ଡେ'ରେ(World Stroke Day) ଜାମା ପତ୍ରିକାରେ ପ୍ରକାଶିତ ଅଧ୍ୟୟନରୁ ମିଳିଥିବା ଅନୁସନ୍ଧାନରୁ ଜଣାପଡିଛି ଯେ, ଗତ ୨୦ ବର୍ଷ ମଧ୍ୟରେ ବ୍ରିଟେନର ଅକ୍ସଫୋର୍ଡଶାୟାରରେ ନୂତନ ଷ୍ଟ୍ରୋକ୍ ରୋଗର ହାରକୁ ବିଶ୍ଳେଷଣ କରି ଏହା ପ୍ରମାଣିତ ହୋଇଛି ଯେ, ଯୁବଗୋଷ୍ଠୀଙ୍କ ଠାରେ ଷ୍ଟ୍ରୋକ୍ ଏକ ବଢୁଥିବା ସମସ୍ୟା । ଏଥିପାଇ ଚିକିତ୍ସା ପଦ୍ଧତି ଏବଂ ସଚେତନତାର ଆବଶ୍ୟକତା ରହିଛି ବୋଲି ଅକ୍ସଫୋର୍ଡ ବିଶ୍ବବିଦ୍ୟାଳୟର ଲିନକ୍ସିନ୍ ଲି କହିଛନ୍ତି ।
ଷ୍ଟ୍ରୋକ ହେଉଛି ଏକ ପ୍ରମୁଖ ସ୍ୱାସ୍ଥ୍ୟ ସମସ୍ୟା, ଯାହା ଭୟଙ୍କର ପରିଣାମ ଦେଇପାରେ । ଯେତେବେଳେ ମସ୍ତିଷ୍କକୁ ରକ୍ତ ଯୋଗାଣ ବନ୍ଦ ହୋଇଯାଏ, ସେତେବେଳେ ଏହା ଘଟେ । ଏହି କାରଣରୁ ମସ୍ତିଷ୍କର କୋଷମାନଙ୍କର ମୃତ୍ୟୁ ଏବଂ ମସ୍ତିଷ୍କର ଏକ କିମ୍ବା ଅଧିକ ଅଂଶରେ ଅକ୍ଷମତା ସୃଷ୍ଟି କରିଥାଏ । ଡ. ଲିଙ୍କ ଅନୁସନ୍ଧାନ ଏକାଧିକ ପ୍ରକାରର ଷ୍ଟ୍ରୋକ୍ ଉପରେ ଧ୍ୟାନ ଦେଇଥାଏ, ଯେପରିକି ଇସକେମିକ୍ ଷ୍ଟ୍ରୋକ, ଧମନୀ ଅବରୋଧ, 'ମିନି-ଷ୍ଟ୍ରୋକ' (କ୍ଷଣସ୍ଥାୟୀ ଇସକେମିକ୍ ଆଟାକ୍) ଏବଂ ମସ୍ତିଷ୍କରେ ରକ୍ତସ୍ରାବ (ଇଣ୍ଟ୍ରାସେରେବ୍ରାଲ୍ ରକ୍ତସ୍ରାବ ଏବଂ ସାବ୍ଆର୍କୋନଏଡ୍ ରକ୍ତସ୍ରାବ) ଉପରେ ଧ୍ୟାନ ଦେଇଥାଏ ।
ଅନୁସନ୍ଧାନକାରୀମାନେ ଜାଣିବାକୁ ପାଇଲେ ଯେ, ୨୦୦୨-୨୦୧୦ ଏବଂ ୨୦୧୦-୨୦୧୮ ମଧ୍ୟରେ, ବୟସ୍କ ମଧ୍ୟରେ (୫୫ ବର୍ଷରୁ କମ୍) ଷ୍ଟ୍ରୋକ୍ ରୋଗରେ ୬୭% ବୃଦ୍ଧି ଘଟିଥିବାବେଳେ, ବୟସ୍କ ମଧ୍ୟରେ (୫୫ ବର୍ଷ କିମ୍ବା ତଦୁର୍ଦ୍ଧ୍ୱ) ୧୫% ହ୍ରାସ ଘଟିଛି । ମେଡିକାଲ ରିସର୍ଚ୍ଚ ଫାଉଣ୍ଡେସନର ମୁଖ୍ୟ କାର୍ଯ୍ୟନିର୍ବାହୀ ଡ. ଆଞ୍ଜେଲା ହିନ୍ଦ୍ କହିଛନ୍ତି ଯେ, "ଆମେ କେବଳ ଷ୍ଟ୍ରୋକ୍ ସମସ୍ୟା ବୟସ୍କଙ୍କୁ ପ୍ରଭାବିତ କରୁଛୁ ବୋଲି ଭାବୁଥିଲୁ, ହେଲେ ଏହି ଅଧ୍ୟୟନରୁ ଜାଣିଲୁ ଯେ, ଷ୍ଟ୍ରୋକ୍ ମଧ୍ୟ ବୟସ୍କଙ୍କୁ ଆଟାକ୍ କରୁଛି ।"
ଯେତେବେଳେ ଯୁବଗୋଷ୍ଠୀ ଏକ ପାରିବାରିକ, ବୃତ୍ତିଗତ କିମ୍ବା ବ୍ୟକ୍ତିଗତ ଜୀବନରେ ସମସ୍ୟା ଦେଇ ଗତି କରିନ୍ତି, ସେତେବେଳେ ଏହି ସମସ୍ୟା ସୃଷ୍ଟି ହୋଇପାରେ । ହିନ୍ଦ୍ ଆହୁରି ମଧ୍ୟ କହିଛନ୍ତି ଆର୍ଥିକ, ସାମାଜିକ ଏବଂ ବ୍ୟକ୍ତିଗତ ପରିଣାମ ଭୟଙ୍କର ହୋଇପାରେ । ତେଣୁ ସମସ୍ୟାକୁ ସ୍ଥିର ଚିତ୍ତ ଭାବରେ ସମାଧାନ କରିବା ସହ ଯତ୍ନ ନିଆଗଲେ ଏହି ସମସ୍ୟା ଦୂର ହୋଇପାରିବ ।
