ହାଇଦ୍ରାବାଦ: ଟିକିଏ ହସରୁ ପଡେ ସମ୍ପର୍କର ମୂଳ ଦୁଆ, ହସ ଟିକିଏ ଦୂର କରେ କେତେ ବେଦନା, ଟିକିଏ ହସରେ ପର ହୁଏ ଆପଣା ଆଉ ଏହି ଠାରୁ ହିଁ ଆରମ୍ଭ ହୁଏ ଶାନ୍ତିର ଯାତ୍ରା । ସେଥିପାଇଁ ମଦର୍ ଟେରେସା କହିଥିଲେ, "ପିସ୍ ବିଗନ୍ସ ୱିଥ୍ ଏ ସ୍ମାଇଲ୍"(Peace begins with a smile) ଅର୍ଥାତ୍ ଶାନ୍ତି ହସରୁ ଆରମ୍ଭ ହୁଏ । ଶାନ୍ତି ପାଇଁ, ମନର ଚାପ, ଦୁଃଖ, ଅବସାଦ ଦୂର ପାଇଁ ହସର ଆବଶ୍ୟକତା ନିହାତି ରହିଛି । ହସରେ ଭଗବାନ ଲୁଚି ରହିଛନ୍ତି, ସେଥିପାଇଁ ନିଜେ ହସି ଅନ୍ୟକୁ ହସାଇବା ଉଦ୍ଦେଶ୍ୟରେ ପ୍ରତିବର୍ଷ ଆଜିର ଦିନ ଅର୍ଥାତ୍ ଅକ୍ଟୋବର 7କୁ ବିଶ୍ବ ହସ ଦିବସ(World Smile Day 2022) ରୂପେ ପାଳନ କରାଯାଉଛି ।
ବିଶ୍ବ ହସ ଦିବସ ପାଳନର ଉଦ୍ଦେଶ୍ୟ(Why Celebrating World Smile Day 2022) ?
1963 ମସିହାରେ, ମାସାଚୁସେଟ୍ସ କଳାକାର ହାର୍ଭେ ବଲ୍ ଏକ ସ୍ମାଇଲ୍ ଗ୍ରାଫିକ୍ ଚିତ୍ର ପ୍ରସ୍ତୁତ କରିଥିଲେ । 1999ରେ, ସେ ଘୋଷଣା କରିଥିଲେ ଯେ, ଅକ୍ଟୋବରର ପ୍ରଥମ ଶୁକ୍ରବାର ବିଶ୍ୱ ହସ ଦିବସ ଭାବରେ ପାଳନ କରାଯିବ । 2001ରେ ହାର୍ଭେଙ୍କ ମୃତ୍ୟୁ ପରେ ହାର୍ଭେ ବଲ୍ ୱାର୍ଲ୍ଡ ସ୍ମାଇଲ୍ ଫାଉଣ୍ଡେସନ୍ ତାଙ୍କ ନାମରେ ନାମିତ ହେଲା । ତାଙ୍କ ସ୍ମୃତିରେ ପ୍ରତିବର୍ଷ ବିଶ୍ୱ ହସ ଦିବସ ପାଳନ କରାଯାଏ ।
ହାର୍ଭେ ବଲ୍ କିଏ(Who is Harvey Ball) ?
ହାର୍ଭେ ବଲ୍ଙ୍କ ପୁରା ନାମ ହେଉଛି ହାର୍ଭେ ରସ୍ ବଲ୍ (Harvey Ross Ball) । ସେ 10 ଜୁଲାଇ 1921ରେ ଜନ୍ମଗ୍ରହଣ କରିଥିଲେ । ସେ ଜଣେ ଆମେରିକୀୟ କଳାକାର ଥିଲେ । ହାର୍ଭେ ବଲ୍ ସ୍ମାଇଲ୍ ଇମୋଜିର ଗ୍ରାଫିକ୍ ଡିଜାଇନର୍ ଭାବରେ ସାରା ବିଶ୍ୱରେ ଜଣାଶୁଣା । ତାଙ୍କ ସ୍ମାଇଲ୍ ଇମୋଜି ବିଶ୍ବ ବିଖ୍ୟାତ । କାର୍ଟୁନ୍, ସିନେମା, ଚିତ୍ରାଙ୍କନ ଆଦି ବିଭିନ୍ନ କ୍ଷେତ୍ରରେ ତାଙ୍କ ଦ୍ବାରା ଚିତ୍ରିତ ସ୍ମାଇଲ୍ ଚିତ୍ର ବ୍ୟବହାର ହେଉଛି । ହାର୍ଭେ ବଲ୍ ୱର୍କେଷ୍ଟର ଆର୍ଟ ମ୍ୟୁଜିୟମ ସ୍କୁଲରୁ କଳା ଡିଗ୍ରୀ ହାସଲ କରିଥିଲେ । 12 ଏପ୍ରିଲ 2001ରେ ତାଙ୍କର ଦେହାନ୍ତ ହୋଇଥିଲା ।
ବିଶ୍ୱ ହସ ଦିବସରେ, ହସର ସ୍ୱାସ୍ଥ୍ୟ ଉପକାରିତା ବିଷୟରେ ଜାଣନ୍ତୁ:-
- ହସ ଆପଣଙ୍କ ଚାପକୁ ହ୍ରାସ କରିପାରେ ।
- କେହି ଜଣେ ହସୁଥିବା ଦେଖିବା ଆପଣଙ୍କ ଭିତରେ ଉତ୍ସାହ ଏବଂ ସକରାତ୍ମକ ଭାବନା ମଧ୍ୟ ଜାଗ୍ରତ କରେ ।
- ପ୍ରତ୍ୟେକ ହସ ସହିତ, ଆପଣଙ୍କର ରକ୍ତଚାପ ଏକ ନିର୍ଦ୍ଦିଷ୍ଟ ପରିମାଣରେ କମିଯାଏ
- ହସ ଏଣ୍ଡୋରଫିନ୍ ମୁକ୍ତ କରେ, ଯାହା ପ୍ରାକୃତିକ ଯନ୍ତ୍ରଣାଦାୟକ ଭାବରେ କାର୍ଯ୍ୟ କରେ ଯାହା ଆପଣଙ୍କୁ ଯନ୍ତ୍ରଣାରୁ କିଛି ମାତ୍ରାରେ ଆରାମ ଦେଇଥାଏ ।
- ତେଣୁ ବିଭିନ୍ନ ଅସ୍ତ୍ରୋପଚାର ସମୟରେ ଅନେକ ଡାକ୍ତର ହସୁଥିବା ଗ୍ୟାସ୍ ବ୍ୟବହାର କରନ୍ତି ।
- ହସ ଆପଣଙ୍କ ମନକୁ ଆରାମ ଦେଇଥାଏ । ମନୋବଳ ଦୃଢ ହେବା ସହ ଜଣେ ବ୍ୟକ୍ତି ହସିବା ପରେ ଭଲ ଚିନ୍ତନ କରିବା ଆରମ୍ଭ କରେ ।
- ହସ ପାଟିର ମାଂସପେଶୀକୁ ବ୍ୟାୟାମ କରେ, ଏହା ଚର୍ମକୁ ଶକ୍ତ କରିଥାଏ, ଯାହା ଦ୍ବାରା ଚର୍ମରେ ବୟସ ପୂର୍ବରୁ ବାର୍ଦ୍ଧକ୍ୟ ଅବସ୍ଥା ଆସିନଥାଏ ।
