ହାଇଦ୍ରାବାଦ: ଶୀତଦିନେ ଆମେ କମ୍ ଶୋଷିଲା ଅନୁଭବ କରୁ, ଯେଉଁ କାରଣରୁ ଆମେ କମ୍ ପାଣି ପିଇଥାଉ । କିନ୍ତୁ ଏହି କାରଣରୁ ଶରୀରରେ ଜଳର ଅଭାବ ହୋଇଥାଏ ଏବଂ ଶରୀର ଡିହାଇଡ୍ରେଡ୍ ହୋଇଯାଏ । ଫଳରେ ଶରୀରରେ ଥିବା ଇଲେକ୍ଟ୍ରୋଲାଇଟ୍ ଅସନ୍ତୁଳିତ ହୋଇଥାଏ ଏବଂ ଶୁଖିଲା ଚର୍ମ, ପରିସ୍ରା, କୋଷ୍ଠକାଠିନ୍ୟ ଭଳି ଅନେକ ସମସ୍ୟା ହୋଇଥାଏ । ତେଣୁ ଶୀତଦିନେ ପ୍ରଚୁର ପାଣି ପିଇବା ଅତ୍ୟନ୍ତ ଜରୁରୀ । ଶୀତ ଋତୁରେ ଜଳ ଅଭାବର ଅସୁବିଧା ଏବଂ ଏହାକୁ ଏଡାଇବା ପାଇଁ ଉପାୟ ଜାଣନ୍ତୁ...
ଶୀତଦିନେ ଶରୀରରେ ଜଳର ଅଭାବ କାହିଁକି ହୁଏ?
- କମ୍ ପାଣି ପିଇବାକୁ ଇଚ୍ଛା
- ବାୟୁରେ ଶୁଷ୍କତା
- ଘର ଭିତରେ ଉତ୍ତାପ ବୃଦ୍ଧି
- ଚା', କଫି କିମ୍ବା କଫିନ୍ ଭଳି ପାନୀୟର ଅତ୍ୟଧିକ ବ୍ୟବହାର
ଶରୀରରେ ଜଳର ଅଭାବ କିପରି ଜାଣିବେ?
- ହଠାତ୍ ପ୍ରବଳ ଶୋଷ ଲାଗିବା
- ଶୁଖିଲା ଚର୍ମ (Dry Skin)
- ମୁଣ୍ଡବିନ୍ଧା
- ଥକ୍କାପଣ
ଶୀତଦିନେ ଶରୀରରେ ଜଳ ଅଭାବର ଲକ୍ଷଣ:-
- ମୂତ୍ରାଶୟ ସଂକ୍ରମଣ
- କିଡନୀ ଷ୍ଟୋନ
- ଇମ୍ୟୁନ ସିଷ୍ଟମର ଦୁର୍ବଳତା
- କୋଷ୍ଠକାଠିନ୍ୟ
ଶରୀରରେ ଜଳର ପର୍ଯ୍ୟାପ୍ତ ପରିମାଣର ଫାଇଦା:-
ଶୀତ ଋତୁରେ ପର୍ଯ୍ୟାପ୍ତ ପରିମାଣର ପାଣି ପିଇବା ଶରୀରକୁ ସଠିକ୍ ଭାବରେ କାମ କରିବାରେ ସାହାଯ୍ୟ କରିଥାଏ । ଯେତେବେଳେ ଆମେ ସଠିକ୍ ପରିମାଣର ପାଣି ପିଇଥାଉ, ପୋଷକ ତତ୍ତ୍ୱ ସହଜରେ ଶରୀରର ପ୍ରତ୍ୟେକ ଅଞ୍ଚଳରେ ପହଞ୍ଚିଥାଏ । ଏହା ଇମ୍ୟୁନ ସିଷ୍ଟମକୁ ମଜବୁତ କରିଥାଏ ଏବଂ ଡିହାଇଡ୍ରେସନ୍ କାରଣରୁ ଶରୀରକୁ ହେଉଥିବା ଅନେକ ସମସ୍ୟାରୁ ରକ୍ଷା କରିଥାଏ । ଏଣୁ ଶୀତଦିନେ ପାଣି ପିଇବାକୁ ଭୁଲନ୍ତୁ ନାହିଁ ।
ଶୀତଦିନେ ଡିହାଇଡ୍ରେସନକୁ କିପରି ଏଡାଇବେ ?
ସର୍ବଦା ପାଣି ବୋତଲ ସାଥିରେ ରଖିବେ:- ପ୍ରାୟତଃ ଶୀତଦିନେ ଶୋଷ ଲାଗେ ନାହିଁ । ଫଳରେ ପାଣି ଅଭାବ ହେତୁ ଶରୀର ଡିହାଇଡ୍ରେଟ୍ ହୋଇଥାଏ । ତେଣୁ ସାଙ୍ଗରେ ଏକ ବୋତଲ ପାଣି ରଖିବା ଉଚିତ । ଯାହାଦ୍ବାରା ସମୟ ସମୟରେ ପାଣି ପିଇବେ । ଫଳରେ ଶରୀରରେ ଜଳର ଅଭାବ ରହିବ ନାହିଁ ।
କଫିନ୍ ଏବଂ ମଦ୍ୟପାନରୁ ଦୂରେଇ ରୁହନ୍ତୁ:- ଶରୀରରେ ଅତ୍ୟଧିକ ପରିମାଣର କଫିନ୍ ଏବଂ ମଦ୍ୟପାନ ହେତୁ ଆମ ଶରୀର ଡିହାଇଡ୍ରେଟ୍ ହୋଇପାରେ । ଯଦିଓ, ଶୀତଦିନେ କଫି ଇତ୍ୟାଦି ପିଇବାକୁ ମନ ହୁଏ । କିନ୍ତୁ କମ୍ ପରିମାଣରେ କଫି ପିଇବାକୁ ଚେଷ୍ଟା କରନ୍ତୁ ଏବଂ ଦିନକୁ ଥରେ ଏହାକୁ ପିଅନ୍ତୁ । ଏହା ଆପଣଙ୍କ ଶରୀରରେ ଡିହାଇଡ୍ରେସନ୍ ସମସ୍ୟାକୁ ହ୍ରାସ କରିବ ।
ପନିପରିବା ଏବଂ ଫଳ ଖାଅ:- ଆପଣଙ୍କ ଖାଦ୍ୟରେ ସତେଜ ପନିପରିବା ଏବଂ ଫଳ ଅନ୍ତର୍ଭୂକ୍ତ କରିବା ଦ୍ୱାରା ଡିହାଇଡ୍ରେସନ୍ ହେବାର ଆଶଙ୍କା କମିଯାଏ । କାକୁଡି, ଅମୃତଭଣ୍ଡା, ନାସପତି ଇତ୍ୟାଦି ଖାଆନ୍ତୁ, ଏଥିରେ ପାଣି ମିଳିଥାଏ । ଏଗୁଡିକ ଖାଇବା ଦ୍ୱାରା ଶରୀରକୁ ବହୁ ପରିମାଣରେ ଜଳ ଯୋଗାଇ ଦିଆଯାଇପାରେ ।
ଏହା ମଧ୍ୟ ପଢନ୍ତୁ: କମ ପାଣି ପିଇବା ଦ୍ବାରା ହୋଇଥାଏ ଏହି ରୋଗ, ବର୍ତ୍ତିବା ପାଇଁ ପ୍ରତ୍ୟହ ଏତିକି ପିଅନ୍ତୁ ପାଣି
ସୁପ୍ ଏବଂ ଗରମ ପାନୀୟ ପିଅନ୍ତୁ:- ଶୀତଦିନେ ଆମେ ପ୍ରାୟତଃ ଗରମ କିଛି ପିଇବା ପରି ଅନୁଭବ କରୁ । ତେବେ ଏହି ସମୟରେ କିଛି ଏପରି ପାନୀୟ କିମ୍ବା ସୁପ୍ ପିଇପାରିବେ, ଯାହା ଶରୀରକୁ ଗରମ ରଖିବା ସହ ଡିହାଇଡ୍ରେସନ୍ ଏଡ଼ାଇବାରେ ମଧ୍ୟ ସାହାଯ୍ୟ କରିବ । ଏଥିପାଇଁ ଟମାଟୋ ସୁପ୍ ପିଇପାରିବେ । ଶୀତଦିନ ପାଇଁ ଏହା ବହୁତ ଭଲ ପାନୀୟ ହୋଇପାରେ ।
