ହାଇଦ୍ରାବାଦ: ଶୀତଦିନରେ ଅଧିକାଂଶ ଲୋକେ ଶାରୀରିକ ଯନ୍ତ୍ରଣା ଅନୁଭବ କରିଥାନ୍ତି । ବିନା କୌଣସି ଆଘାତରେ ଏହି ଯନ୍ତ୍ରଣା ହୋଇଥାଏ । ବିଶେଷ କରି ସକାଳେ ଉଠିବା ପରେ ମେରୁଦଣ୍ଡ ହେଉ ଅବା ବିଭିନ୍ନ ଜଏଣ୍ଟ ପେନ୍ ହୋଇଥାଏ । ଏହାର କାରଣ କଣ ଜାଣନ୍ତି କି ? ତେବେ ଏହା କାହିଁକି ହୁଏ, କିପରି ଏହି ଯନ୍ତ୍ରଣାକୁ ପ୍ରତିହତ କରିବେ ଜାଣନ୍ତୁ(Why you are experiencing body pain in winter) ।
ତାପମାତ୍ରାରେ ହଠାତ୍ ପରିବର୍ତ୍ତନ ସିଧାସଳଖ ଶରୀର ଉପରେ ପ୍ରଭାବ ପକାଇଥାଏ । ଯେଉଁମାନଙ୍କର ଆର୍ଥ୍ରାଇଟିସ୍ ଥାଏ, ସେମାନଙ୍କ ଗଣ୍ଠିରେ ଅଧିକ ଯନ୍ତ୍ରଣା ହୋଇଥାଏ । ବିଶେଷଜ୍ଞଙ୍କ ଅନୁଯାୟୀ, ଶୀତଦିନେ ଶରୀରର ଗତିବିଧି ଉପରେ ଅର୍ଥାତ୍ ଶାରୀରିକ କାର୍ଯ୍ୟକଳାପ ବନ୍ଦ ହୋଇଯିବା କାରଣରୁ ଅଧିକାଂଶ ଲୋକଙ୍କର ମାଂସପେଶୀ କିମ୍ବା ସ୍ନାୟୁରେ ଯନ୍ତ୍ରଣା ହୁଏ ।
ବ୍ୟାୟାମ ବନ୍ଦ କରନ୍ତୁନି: କୌଣସି କାର୍ଯ୍ୟ ନ କରିବା କିମ୍ବା ଶାରୀରିକ ବ୍ୟାୟାମ ବନ୍ଦ କରିଦେବା କାରଣରୁ ଏହି ଯନ୍ତ୍ରଣା ହୋଇଥାଏ । ଏକ ଗୁରୁତ୍ୱପୂର୍ଣ୍ଣ ଜିନିଷ ଯାହାକୁ ଆପଣ ମନେ ରଖିବା ଉଚିତ୍, ଶୀତଦିନରେ ଯେତେ ମାନ୍ଦା ଲାଗିଲେ ମଧ୍ୟ ନିୟମିତ ବ୍ୟାୟାମ ବଜାୟ ରଖିବାକୁ ଚେଷ୍ଟା କରନ୍ତୁ, ଆଦୌ ଏହାକୁ ବନ୍ଦ କରନ୍ତୁ ନାହିଁ । ନଚେତ୍ ହାଡ, ମାଂସପେଶୀ ଏବଂ ଏକ୍ସୋସ୍କେଲେଟାଲ୍ ସିଷ୍ଟମକୁ ନମନୀୟ ରଖିବା ପାଇଁ କିଛି କ୍ରୀଡା ପ୍ରଦର୍ଶନ ମଧ୍ୟ କରିପାରିବେ ।
ଏହା ମଧ୍ୟ ପଢନ୍ତୁ:- ଶୀତଦିନେ ଭାଇରାଲ ଫିବରରୁ ରକ୍ଷା ପାଇବା ପାଇଁ କଣ କରିବେ, ଜାଣନ୍ତୁ
ଆର୍ଥ୍ରାଇଟିସ୍ ଥିବା ବ୍ୟକ୍ତି ଅଧିକ ଯନ୍ତ୍ରଣା ଅନୁଭବ କରିବେ: ବିଶେଷଜ୍ଞଙ୍କ କହିବା ଅନୁସାରେ, ନିମ୍ନ ତାପମାତ୍ରା ଗଣ୍ଠିରେ ଥିବା ତରଳ ପଦାର୍ଥ ମୋଟା ଏବଂ କଠିନ ହୋଇପାରେ । ଏହା ବ୍ୟତୀତ, ଲୋକମାନେ ସାଧାରଣତ ଘର ଭିତରେ ରୁହନ୍ତି, ତେଣୁ, ନିଷ୍କ୍ରିୟତା ହେତୁ ଗଣ୍ଠିଗୁଡ଼ିକ କଠିନ ହୋଇଯାଏ ଏବଂ ଯନ୍ତ୍ରଣା କରେ । ବୟସ୍କ ବ୍ୟକ୍ତି କିମ୍ବା ପୂର୍ବରୁ ଆର୍ଥ୍ରାଇଟିସ୍ ଥିବା ବ୍ୟକ୍ତି ଅଧିକ ଥଣ୍ଡା ପାଗରେ ପ୍ରଭାବିତ ହୋଇଥାନ୍ତି । ବ୍ୟାୟାମର ଅଭାବ ଏହି ସମସ୍ୟାକୁ ଆହୁରି ବଢାଇଦିଏ ।
କମ୍ ଭିଟାମିନ୍ ଡି ସ୍ତର(Vitamin D): ଶୀତଦିନରେ ଦିନ ସମୟ କମ୍ ଥିବାରୁ ଆମ ଶରୀର କମ୍ ସୂର୍ଯ୍ୟ କିରଣ ପାଇଥାଏ । ଫଳରେ ଭିଟାମିନ୍ ଡି(Vitamin D)ର ଅଭାବ ଅସ୍ଥି ସମସ୍ୟା ସୃଷ୍ଟି କରେ । ଯନ୍ତ୍ରଣା ଅଧିକ ଥିଲେ ଅଣଦେଖା ନକରି ଡାକ୍ତରଙ୍କ ପରାମର୍ଶ କରାଇବା ସହ ଭିଟାମିନ୍ ଡି ସେବନ ସହ ଉପଯୁକ୍ତ ପୁଷ୍ଟିକର ଖାଦ୍ୟ ଖାଇବା ଉଚିତ୍ । ଶକ୍ତିଶାଳୀ ହାଡ, ଦାନ୍ତ ଏବଂ ଗଣ୍ଠି ପାଇଁ ଭିଟାମିନ୍ ଡି ଏକ ଆବଶ୍ୟକୀୟ ପୁଷ୍ଟିକର । ଶୀତଦିନେ, ଭିଟାମିନ୍ ଡି ସ୍ତର ହାଡର ଅସ୍ୱାଭାବିକତା, ଭଙ୍ଗା ହାଡ, ମାଂସପେଶୀ ସ୍ପାମ୍ ଏବଂ ମାଂସପେଶୀ ଦୁର୍ବଳ ସହ ଜଡିତ । ତେଣୁ ଏହି ସମୟରେ ଖାଦ୍ୟପେୟ ଉପରେ ବିଶେଷ ଧ୍ୟାନ ଦେବାକୁ ପରାମର୍ଶ ଦେଇଥାନ୍ତି ଚିକିତ୍ସକ ।
