ହାଇଦ୍ରାବାଦ: ରୋଗୀଙ୍କ ଯତ୍ନ ନେବା ଏବଂ ବିପଦରୁ ରକ୍ଷା ବା ସୁରକ୍ଷା କରିବା ଜଣେ ଡାକ୍ତରଙ୍କ କର୍ତ୍ତବ୍ୟ। ରୋଗୀମାନଙ୍କ ପାଇଁ ଡାକ୍ତରମାନେ ଇଶ୍ୱରଙ୍କଠାରୁ କମ୍ ନୁହଁନ୍ତି। ସାରା ବିଶ୍ୱରେ ରୋଗୀ ସୁରକ୍ଷା ବିଷୟରେ ସଚେତନତା ସୃଷ୍ଟି କରିବା ପାଇଁ ବିଶ୍ୱ ରୋଗୀ ସୁରକ୍ଷା ଦିବସ ପ୍ରତିବର୍ଷ 17 ସେପ୍ଟେମ୍ବରରେ ପାଳନ କରାଯାଏ। ପ୍ରତିବର୍ଷ ସାରା ବିଶ୍ୱରେ ରୋଗୀ, ଡାକ୍ତର ଏବଂ ସ୍ୱାସ୍ଥ୍ୟ ସେବା ପ୍ରଦାନକାରୀଙ୍କ ଦ୍ୱାରା ଏହି ଦିନ ପାଳନ କରାଯାଇଥାଏ।
ବିଶ୍ୱ ରୋଗୀ ସୁରକ୍ଷା ଦିବସ କାହିଁକି ପାଳନ କରାଯାଏ?: ଏହି ଦିନର ଉଦ୍ଦେଶ୍ୟ ହେଉଛି ରୋଗୀମାନଙ୍କ ସୁରକ୍ଷା ବିଷୟରେ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବା। ଡାକ୍ତର ଏବଂ ରୋଗୀଙ୍କ ମଧ୍ୟରେ ବାଧା ଦୂର କରିବା ପାଇଁ ବିଶ୍ୱ ରୋଗୀ ସୁରକ୍ଷା ଦିବସ ମଧ୍ୟ ପାଳନ କରାଯାଏ। ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଦ୍ୱାରା ପ୍ରାୟୋଜିତ 11 ଟି ସ୍ୱାସ୍ଥ୍ୟ ଅଭିଯାନ ମଧ୍ୟରୁ ଏହା ଅନ୍ୟତମ। ରୋଗୀଙ୍କୁ ଭୁଲ ଔଷଧ କିମ୍ବା ଚିକିତ୍ସା ଠାରୁ ରକ୍ଷା କରିବା ପାଇଁ ଏହି ଦିନ ପାଳନ କରାଯାଏ।
ବିଶ୍ୱ ରୋଗୀ ସୁରକ୍ଷା ଦିବସର ଇତିହାସ: 2019 ରେ ପ୍ରଥମ ଥର ପାଇଁ ବିଶ୍ୱ ରୋଗୀ ସୁରକ୍ଷା ଦିବସ ପାଳନ କରାଯାଇଥିଲା ଏବଂ ଏହା ପରଠାରୁ ପ୍ରତିବର୍ଷ ଆଜିର ଦିନକୁ ରୋଗୀ ସୁରକ୍ଷା ଦିବସ ଭାବେ ପାଳନ କରାଯାଉଛି। ଜନସାଧାରଣଙ୍କ ମଧ୍ୟରେ ରୋଗୀ ସୁରକ୍ଷା ବିଷୟରେ ସଚେତନତା ସୃଷ୍ଟି କରିବା ପାଇଁ 2019 ରେ ବିଶ୍ୱ ସ୍ୱାସ୍ଥ୍ୟ ସଂଗଠନ ଦ୍ୱାରା ଏହି ଅଭିଯାନ ଆରମ୍ଭ କରାଯାଇଥିଲା। ଏହି ଦିନ ରୋଗୀମାନଙ୍କ ସୁରକ୍ଷା ପାଇଁ ଅନେକ ସ୍ୱାସ୍ଥ୍ୟ ଉତ୍ପାଦ ଉନ୍ମୋଚିତ ହୋଇଛି ଏବଂ ୱେବିନାର୍ ଏବଂ ସେମିନାର ମାଧ୍ୟମରେ ସେମାନଙ୍କ ସହିତ ମତ ବିନିମୟ ହୁଏ। ରୋଗୀର ନିରାପତ୍ତାକୁ ବିଶ୍ବର ସ୍ବାସ୍ଥ୍ୟ ପ୍ରାଥମିକତା ଭାବରେ ସ୍ବୀକୃତି ଦେଇ, ସମସ୍ତ 194 ବିଶ୍ବସ୍ବାସ୍ଥ୍ୟ ସଦସ୍ୟ ରାଷ୍ଟ୍ର 72 ତମ ବିଶ୍ବ ସ୍ବାସ୍ଥ୍ୟ ସଭାରେ ମେ 2019 ରେ ବିଶ୍ବ ରୋଗୀ ସୁରକ୍ଷା ଦିବସକୁ ପ୍ରତିଷ୍ଠାକୁ ପ୍ରତିବର୍ଷ 17 ସେପ୍ଟେମ୍ବରରେ ପାଳନ କରିବାକୁ ସମର୍ଥନ କରିଥିଲେ।
ବିଶ୍ୱ ରୋଗୀ ସୁରକ୍ଷା ଦିବସର ଥିମ: ପ୍ରତିବର୍ଷ ଏକ ଥିମ ନେଇ ଏହି ଦିବସ ପାଳନ କରାଯାଇଥାଏ। ତେବେ ବିଶ୍ବ ରୋଗୀ ସୁରକ୍ଷା ଦିବସ 2023 ର ବିଷୟବସ୍ତୁ ହେଉଛି ରୋଗୀମାନଙ୍କର ଯତ୍ନ ଏବଂ ସୁରକ୍ଷା ପାଇଁ ଲୋକଙ୍କୁ ପ୍ରେରଣା ଦେବା। ସମସ୍ତ ସ୍ୱାସ୍ଥ୍ୟ ସେବା ପ୍ରଦାନକାରୀଙ୍କୁ ଏହି ଦିନରେ ଅନ୍ତର୍ଭୁକ୍ତ କରିବାକୁ କୁହାଯାଇଛି।
ବ୍ୟୁରୋ ରିପୋର୍ଟ, ଇଟିଭି ଭାରତ
