ହାଇଦ୍ରାବାଦ: ଫୁଲକୋବି ଏକ ଅତ୍ୟନ୍ତ ଉପକାରୀ ପନିପରିବା ଭାବରେ ବିବେଚନା କରାଯାଏ । ଏଥିରେ ଭିଟାମିନ୍ ସି, ଆଣ୍ଟିଅକ୍ସିଡାଣ୍ଟ ଏବଂ ଫାଇବରରେ ଭରପୂର ମାତ୍ରାରେ ରହିଥାଏ । ଯାହା ଅନେକ ରୋଗର ମୁକାବିଲା କରିବାରେ ସାହାଯ୍ୟ କରିଥାଏ । କିନ୍ତୁ କିଛି ଲୋକ ସାବଧାନତାର ସହିତ ଫୁଲକୋବି ଖାଇବା ଉଚିତ୍ ବୋଲି ସ୍ବାସ୍ଥ୍ୟ ବିଶେଷଜ୍ଞମାନେ ପରାମର୍ଶ ଦେଇଛନ୍ତି । ଫୁଲକୋବିରେ ଥିବା ରାଫିନୋଜ୍ ନାମକ କାର୍ବୋହାଇଡ୍ରେଟ୍ ହଜମ ପ୍ରକ୍ରିୟା ପାଇଁ ଅତ୍ୟନ୍ତ କ୍ଷତିକାରକ ପ୍ରମାଣିତ ହୋଇପାରେ ବୋଲି କୁହାଯାଇଛି ।
କେତେକ ଅନୁସନ୍ଧାରୁ ଜଣାପଡିଛି ଯେ, ଫୁଲକୋବି ହଜମ ପ୍ରକ୍ରିୟାରେ ସମସ୍ୟା ସୃଷ୍ଚି କରିପାରେ । ଏହା ଦ୍ବାରା ଗ୍ୟାସ, ଡାଇରିଆ ଏବଂ ପେଟ ଯନ୍ତ୍ରଣା ଭଳି ସମସ୍ୟା ସୃଷ୍ଟି ହେବାର ସମ୍ଭାବନା ଅଧିକ ରହିଥାଏ । ପୂର୍ବର ହଜମ ଜନିତ ସମସ୍ୟା ଥିବା ବ୍ୟକ୍ତି ଯେପରିକି ଇରିଟେବଲ ଅନ୍ତ ବାଉଲ ସିଣ୍ଡ୍ରୋମ କିମ୍ବା ଆଇବିଏସରେ ପୀଡିତ ଆକ୍ରାନ୍ତ ଅତି ସୀମିତ ପରିମାଣରେ ଫୁଲକୋବି ଖାଇବା ଉଚିତ୍ ବୋଲି କୁହାଯାଇଛି । ଫୁଲକୋବି ଖାଇବା ଦ୍ବାରା ସ୍ବାସ୍ଥ୍ୟବସ୍ଥା ଖରାପ ହେବାର ସମ୍ଭାବନା ରହିଥାଏ । ତେବେ ଜାଣନ୍ତୁ କେଉଁ ବ୍ୟକ୍ତି ଫୁଲକୋବି ସେବନ ଠାରୁ ଦୂରେଇ ରହିବା ଉଚିତ୍ ।
ଥାଇରଏଡ ସମସ୍ୟା: ଯେଉଁମାନଙ୍କର ଥାଇରଏଡ୍ ସମସ୍ୟା ଥାଏ ସେମାନେ ସାବଧାନତାର ସହିତ ଫୁଲକୋବି ଖାଇବା ଉଚିତ୍ ବୋଲି କୁହାଯାଇଛି । କାରଣ ଏହା ଫୁଲକୋବିରେ ମିଳୁଥିବା ଗୋବଷ୍ଟ୍ରୋଜେନ୍ ହ୍ରାସ କରିପାରେ, ଯାହାକି ଥାଇରଏଡ୍ ଉପରେ ପ୍ରଭାବ ପକାଇପାରେ ।
କିଡନୀ ଷ୍ଟୋନ: ଯେଉଁମାନଙ୍କର କିଡନୀରେ ଷ୍ଟୋନ ସମସ୍ୟା ରହିଛି, ସେମାନେ ଅଧିକ ଫୁଲକୋବି ଖାଇବା ଉଚିତ୍ ନୁହେଁ । କାରଣ ଏହା କ୍ୟାଲସିୟମ୍ ଏବଂ ଅକ୍ସାଲେଟ୍ ବୃଦ୍ଧି କରିବାର ସମ୍ଭାବନା ରହିଥାଏ । ଯାହା ଷ୍ଟୋନକୁ ବୃଦ୍ଧି କରିବାର ଆଶଙ୍କା ଅଧିକ ରହିଥାଏ ବୋଲି କୁହାଯାଇଛି ।
ବ୍ରେଷ୍ଟ କ୍ୟାନ୍ସର: କେତେକ ଅଧ୍ୟୟନରୁ ଜଣାପଡିଛି ଯେ ସ୍ତନ କର୍କଟ ସମସ୍ୟା ଦ୍ୱାରା ପ୍ରଭାବିତ ମହିଳାମାନେ ଫୁଲକୋବି ଖାଇବା ଉଚିତ୍ ନୁହେଁ କାରଣ ଏହା ସେମାନଙ୍କ ପାଇଁ କ୍ଷତିକାରକ ଅଟେ । ଡାକ୍ତରଙ୍କ ପରାମର୍ଶ କ୍ରମେ ଫୁଲକୋବି ଖାଇବା ଉଚିତ୍ ବୋଲି କୁହାଯାଇଛି ।
ବ୍ଲଡ ଥିନର୍ସର ବ୍ୟବହାର: ଯେଉଁମାନେ ବ୍ଲଡ ଥିନର୍ସ ବ୍ୟବହାର କରୁଛନ୍ତି ସେମାନେ ଅଧିକ କୋବି ଖାଇବା ଉଚିତ୍ ନୁହେଁ ବୋଲି କୁହାଯାଇଛି । କାରଣ ଏହା ରକ୍ତସ୍ରାବ ଜନିତ ସମସ୍ୟା ସୃଷ୍ଟି କରିବାର ସମ୍ଭାବନା ଅଧିକ ରହିଥାଏ ବୋଲି ଖାଇବା ସମୟରେ ସତର୍କ ରହିବା ଜରୁରୀ ବୋଲି କୁହାଯାଇଛି ।
ଗ୍ୟାସ ସମସ୍ୟା: ଆଜିକାଲି ସମସ୍ତଙ୍କର ଗ୍ୟାସ ସମସ୍ୟା ଦେଖାଯାଉଛି । ପେଟ ଗ୍ୟାସ ଏବଂ ପେଟ ଫୁଲ ଜନିତ ସମସ୍ୟା ଦେଇ ଗତି କରୁଥିଲେ ଫୁଲକୋବି ଠାରୁ ଦୂରେଇ ରହିବା ଉଚିତ୍ ବୋଲି କୁହାଯାଇଛି । ଫୁଲକୋବିରେ ରହିଥିବା ରେଫିନୋଜ ନାମକ କାର୍ବୋହାଇଡ୍ରେଟ ଗ୍ୟାସ ସମସ୍ୟା ସୃଷ୍ଟି କରିବାର ସମ୍ଭାବନା ଅଧିକ ରହିଥାଏ । ଯାହା ଦ୍ବାରା ପେଟରେ ଯନ୍ତ୍ରଣା, ପେଟ ଫୁଲା ସମସ୍ୟା ସୃଷ୍ଟି ହୋଇପାରେ।
ବ୍ୟୁରୋ ରିପୋର୍ଟ, ଇଟିଭି ଭାରତ
