ହାଇଦ୍ରାବାଦ: ସ୍ୱାସ୍ଥ୍ୟ ପାଇଁ ଭଲ ନିଦ ସବୁଠୁ ଗୁରୁତ୍ବପୂର୍ଣ୍ଣ ବୋଲି ଜଣାଯାଇଥାଏ । ପୁଷ୍ଟିକର ଖାଦ୍ୟ ଏବଂ ବ୍ୟାୟାମ ପରି ଶୋଇବା ଆମ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଜରୁରୀ । ନିଦ୍ରାର ଅଭାବ ଅନେକ ଶାରୀରିକ ଏବଂ ମାନସିକ ସମସ୍ୟା ସୃଷ୍ଟି କରିପାରେ । ଏହା ଅନେକ ରୋଗର କାରଣ ସାଜିପାରେ । ଏହାଦ୍ବାରା ଶାରୀରିକ ସହ ମାନସିକ ରୋଗ ହୋଇପାରେ । ନିଦ୍ରାହୀନତା ଯୋଗୁଁ ହରମୋନରେ ମଧ୍ୟ ପରିବର୍ତ୍ତନ ହୋଇଥାଏ । ଫଳରେ କେତେକ କ୍ଷେତ୍ରରେ ମୁଡ୍ ସୁଇଙ୍ଗ୍ ଏବଂ ଚିନ୍ତା ଭଳି ମଧ୍ୟ ସମସ୍ୟା ହୋଇପାରେ । ତେବେ ଅନେକଙ୍କ ମନରେ ପ୍ରଶ୍ନବାଚୀ ସୃଷ୍ଟି ହୋଇଥାଏ କି ଶାରୀରିକ କାର୍ଯ୍ୟ କରିବା ସତ୍ତ୍ବେ କଣ ପାଇଁ ନିଦ ହୋଇନଥାଏ । ଏନେଇ ଅନେକ ଅନୁସନ୍ଧାନ ମଧ୍ୟ କରାଯାଉଛି । ତେବେ ଏହି ସମସ୍ୟା ପାଇଁ ଏକ ଭିଟାମିନର ଅଭାବ ଦାୟୀ ବୋଲି ଜଣାପଡିଛି ।
କେଉଁ ଭିଟାମିନ ଅଭାବରୁ ନିଦ୍ରାହୀନତା ହୋଇଥାଏ: ଏକ ଅନୁସନ୍ଧାନରୁ ଜଣାପଡିଛି ଯେ, ନିଦ୍ରାହୀନତା ପଛରେ ଭିଟାମିନର ଅଭାବ ଦେଖାଯାଇଛି । ଏଥିପାଇଁ ଭିଟାମିନ D ଦାୟୀ ବୋଲି କୁହାଯାଇଛି । ଭିଟାମିନ୍ D ଅଭାବ ଶୋଇବା ସମସ୍ୟା ସୃଷ୍ଟି କରିପାରେ । ଏହା ଶୋଇବାରେ ଅସୁବିଧା, ନିଦ୍ରାହୀନତା ଏବଂ ପିଲା ଓ ବୟସ୍କମାନଙ୍କ ରାତିରେ ଜାଗ୍ରତ ହେବା ସହିତ ଜଡିତ ହୋଇପାରେ । ବାସ୍ତବରେ, ଭିଟାମିନ-ଡି ମସ୍ତିଷ୍କ ପାଇଁ ବିଶେଷ ଭାବରେ କାମ କରେ । ମସ୍ତିଷ୍କର କେତେକ କ୍ଷେତ୍ରରେ ଭିଟାମିନ୍ ଡି ରିସେପ୍ଟର ଏକ ନିର୍ଦ୍ଦିଷ୍ଟ ଉପାୟରେ କାମ କରେ । ଏଗୁଡିକୁ ପେସମେକର୍ କୋଷ ବୋଲି ଚିନ୍ତା କରାଯାଏ । ଯାହା ଶୋଇବା ନିୟନ୍ତ୍ରଣରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ ।
ଏହା ମେଲାଟୋନିନ୍ ନିୟନ୍ତ୍ରଣ କରିଥାଏ ଯାହାକି ସ୍ଲିପ ହରମୋନ୍ ଏବଂ ଉତ୍ତମ ନିଦ୍ରାରେ ଏକ ଭୂମିକା ଗ୍ରହଣ କରିଥାଏ । ଏପରି ପରିସ୍ଥିତିରେ ଏହାର ଅଭାବ ହେତୁ, ମେଲାଟୋନିନ୍ର ଅଭାବ ଦେଖାଯାଏ । ଫଳରେ ରାତିରେ ନିଦ ହୋଇନଥାଏ । କେବଳ ଏତିକି ନୁହେଁ, ଏହାର ଅଭାବ ଶରୀରର ଶୋଇବା ଚକ୍ରକୁ ଖରାପ କରିଥାଏ, ଅବଷ୍ଟ୍ରୁକ୍ଟିଭ ସ୍ଲିପ ଆପ୍ନିଆ ଭଳି ସମସ୍ୟା ମଧ୍ୟ ହୋଇପାରେ ।
ଏହା ମଧ୍ୟ ପଢନ୍ତୁ: Benefits of Cycling: ପ୍ରତିଦିନ ସାଇକେଲ ଚଲାଇବା ଦ୍ବାରା ଫିଟ ରହେ ଶରୀର, ମିଳେ ଏହି ଫାଇଦା
ଭିଟାମିନ-Dର ଅଭାବ ହେଲେ ଏହିସବୁ ସମସ୍ୟା ହୋଇପାରେ: ଭିଟାମିନ୍ ଡି'ର ଅଭାବ ହେତୁ ହାଡ଼ ଦୁର୍ବଳ ହୋଇଯାଏ । ଏହି କାରଣରୁ ଆର୍ଥ୍ରାଇଟିସ୍, ଅଷ୍ଟିଓପୋରୋସିସ୍ ସମସ୍ୟା ଦେଖାଦେଇଥାଏ । ଭିଟାମିନ୍ ଡି' ଅଭାବ ପିଲାମାନଙ୍କଠାରେ ରିକେଟ୍ ରୋଗ ସୃଷ୍ଟି କରିପାରେ, ଯେଉଁଥିରେ ହାଡ ଦୁର୍ବଳ ହେବା ସହ ଟିକେ ଆଘାତ ଲାଗିଲେ ଭାଙ୍ଗି ଯାଇଥାଏ । ଭିଟାମିନ୍ ଡି' ଅଭାବରୁ ଲୋକମାନେ ଚାପ ଏବଂ ଉଦାସୀନତାର ଶିକାର ମଧ୍ୟ ହୋଇପାରନ୍ତି । କୁହାଯାଏ ସକାଳୁ ସୂର୍ଯ୍ୟକିରଣରେ 15 ମିନିଟ ବସିଲେ ଶରୀରରେ ଭିଟାମିନ ଡି'ର ଅଭାବ ପୂରଣ ହୋଇଯାଇଥାଏ । ଏହା ବ୍ୟତୀତ କ୍ଷୀର, କଦଳୀ ଓ ଚିକେନ୍ ଖାଇପାରିବେ ।
ଭିଟାମିନ ଡି'ର ଅଭାବ ପୂରଣ ପାଇଁ କଣ କରିବେ?: କୁହାଯାଏ ଭିଟାମିନ-ଡିର ମୁଖ୍ୟ ଉତ୍ସ ହେଲା ସୂର୍ଯ୍ୟକିରଣ । ସକାଳର କଅଁଳ ଖରାରେ ଶରୀରକୁ ଭିଟାମିନ ଡି ମିଳିଥାଏ । କାରଣ ସୂର୍ଯ୍ୟକିରଣ ଆମ ଆଖି ମାଧ୍ୟମରେ ମସ୍ତିଷ୍କ କାର୍ଯ୍ୟକୁ ଆରମ୍ଭ କରିଥାଏ, ଯାହା ସେମାନଙ୍କର କାର୍ଯ୍ୟରେ ଉନ୍ନତି ଆଣେ । ଏହା ବ୍ୟତୀତ ଭିଟାମିନ୍ Dରେ ଭରପୂର ଖାଦ୍ୟ ଯେପରିକି କ୍ଷୀର, ଅଣ୍ଡା ଏବଂ ଛତୁ ଖାଇପାରିବେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
