ହାଇଦ୍ରାବାଦ: ଖରାପ ଜୀବନଶୈଳୀ ଯୋଗୁଁ ସାରା ବିଶ୍ୱରେ ଲକ୍ଷ ଲକ୍ଷ ଲୋକ ବିଭିନ୍ନ ପ୍ରକାରର ପେଟ ରୋଗରେ ପୀଡିତ ହେଉଛନ୍ତି। ସବୁଠାରୁ ଅସୁବିଧାଜନକ ବିଷୟ ହେଉଛି ଏହି ଆଧୁନିକ ଜୀବନଶୈଳୀ ଏବଂ ଖରାପ ଖାଦ୍ୟ ଯୋଗୁଁ, ଆଜିର ଦିନରେ ଅନେକ ଲୋକ ଅଛନ୍ତି ଯେଉଁମାନେ ମଦ୍ୟପାନ ନକରି ମଧ୍ୟ ଯକୃତ ଏବଂ ପେଟ ରୋଗରେ ପୀଡିତ ହେଉଛନ୍ତି। ଏହି ଜୀବନଶୈଳୀ ସମ୍ବନ୍ଧୀୟ ରୋଗ ବିଶ୍ବର 25 ରୁ 30 ପ୍ରତିଶତ ଲୋକଙ୍କୁ କବଳିତ କରିଛି ଏବଂ ଭାରତରେ ମଧ୍ୟ ଏହି ରୋଗ ଦିନକୁ ଦିନ ବ୍ୟାପିବାରେ ଲାଗିଛି। ନିକଟରେ ପ୍ରକାଶିତ ଏକ ରିପୋର୍ଟରୁ ଜଣାପଡିଛି ଯେ 40 ପ୍ରତିଶତ ଲୋକ NAFLD(Nonalcoholic fatty liver Disease) ରୋଗରେ ପୀଡିତ ଅଛନ୍ତି।
NAFLD କଣ?: NAFLD ର ଅର୍ଥ ହେଉଛି ଖରାପ ଜୀବନଶୈଳୀ ଏବଂ ଖରାପ ଖାଦ୍ୟ ହେତୁ ଯକୃତରେ ବହୁ ଚର୍ବି ଜମା ହୋଇଯାଏ। କହିବାକୁ ଗଲେ ଯଦି ଏହି ରୋଗକୁ ଦୀର୍ଘ ସମୟ ପର୍ଯ୍ୟନ୍ତ ଅଣଦେଖା କରାଯାଏ, ତେବେ ଲିଭର ସିରୋସିସ ହେବାର ସମ୍ଭବନା ମଧ୍ୟ ବହୁତ ଅଧିକ ରହିଥାଏ।
ଯକୃତ ନଷ୍ଟ ହେବାର ଲକ୍ଷଣ ହେଉଛି ଜଣ୍ଡିସ (ଆଖି ଏବଂ ଚର୍ମର ହଳଦିଆ), ଚର୍ମର କୁଞ୍ଚନ, ପେଟ ଭିତରେ ପାଣି ଜମିବା, ପେଟ ଫୁଲିଯିବା, ଗୋଡ ଫୁଲିଯିବା ଏବଂ ଆନୋରେକ୍ସିଆ ଭଳି ଲକ୍ଷଣ ଦେଖାଯାଇଥାଏ। ତେବେ ଏକ ଜାତୀୟ ଗଣମାଧ୍ୟମର ରିପୋର୍ଟ ଅନୁଯାୟୀ, ଭାରତରେ ମଦ୍ୟପାନ କରିନଥିଲେ ମଧ୍ୟ ଫ୍ୟାଟି ଲିଭର ରୋଗ ଦ୍ରୁତ ଗତିରେ ବୃଦ୍ଧି ପାଉଛି। 'ନ୍ୟାସନାଲ୍ ଲାଇବ୍ରେରୀ ଅଫ୍ ମେଡିସିନ୍'ରେ ପ୍ରକାଶିତ ଏକ ଅନୁସନ୍ଧାନ ଅନୁଯାୟୀ, 2022 ସୁଦ୍ଧା ଭାରତରେ ପ୍ରାୟ ତିନିଜଣ ବୟସ୍କ କିମ୍ବା ପିଲାଙ୍କ ମଧ୍ୟରୁ ଜଣେ NAFLD ରୋଗରେ ପୀଡିତ ହୋଇଥିଲେ।
ମେଟାବୋଲିକ୍-ଆସୋସିଏଟେଡ ଫ୍ୟାଟି ଲିଭର ରୋଗ AMIFLD ଭାବରେ ମଧ୍ୟ ଜଣାଶୁଣା। ଚିକାଗୋରେ ଥିବା ଏଣ୍ଡୋକ୍ରାଇନ୍ ସୋସାଇଟିର ବାର୍ଷିକ ବୈଠକ ENDO 2023 ରେ ଉପସ୍ଥାପିତ ହୋଇଥିବା ଏକ ଅନୁସନ୍ଧାନ ଅନୁଯାୟୀ, ଫ୍ୟାଟି ଲିଭର କାରଣରୁ ଅନେକ ପ୍ରକାରର ରୋଗ ସୃଷ୍ଟି ହୁଏ। ଉଦାହରଣ ସ୍ୱରୂପ, ହୃଦରୋଗ, ଟାଇପ୍-୨ ଡାଇବେଟିସ। ବର୍ତ୍ତମାନ ଯକୃତ କର୍କଟ ରୋଗ ସାଧାରଣ ହୋଇଗଲାଣିଯ ଅନୁସନ୍ଧାନରୁ ଜଣାପଡିଛି ଯେ ଫ୍ୟାଟି ଲିଭରର ମୁଖ୍ୟ କାରଣ ହେଉଛି ଅତ୍ୟଧିକ ଖାଇବା। ଯେତେବେଳେ ଯକୃତ ସାଧାରଣ ଉପାୟରେ ଫ୍ୟାଟ ହଜମ କରିବାରେ ସକ୍ଷମ ହୁଏ ନାହିଁ, ଏହା ଯକୃତରେ ଜମା ହେବା ଆରମ୍ଭ କରେ। ଯେଉଁ କାରଣରୁ ମେଦବହୁଳତା, ମଧୁମେହ ଏବଂ ଅଧିକ ପରିମାଣର ଟ୍ରାଇଗ୍ଲାଇସରାଇଡ୍ ମଧ୍ୟ ଫ୍ୟାଟି ଲିଭର ରୋଗ ସୃଷ୍ଟି କରିଥାଏ।
ଫ୍ୟାଟି ଲିଭର ରୋଗରୁ କିଭଳି ବର୍ତ୍ତିବେ: ତେଲଯୁକ୍ତ ଏବଂ କାର୍ବୋହାଇଡ୍ରେଟ୍ ଯୁକ୍ତ ଖାଦ୍ୟ ସୀମିତ ପରିମାଣରେ ଖାଇବା ଉଚିତ। ଯଦି ଦୈନନ୍ଦିନ ଖାଦ୍ୟରେ ଭଜା ତେଲ ଖାଦ୍ୟର ମାତ୍ରା ଅଧିକ ଥାଏ ତାହାଲେ ଯକୃତରେ ଚର୍ବି ଜମିବାର ଆଶଙ୍କା ଅଧିକ ରହିଥାଏ। ବିଶେଷଜ୍ଞ କହିଛନ୍ତି ଯେ, ଏକ ସୁସ୍ଥ ଯକୃତ ପାଇଁ ପନିପରିବା ଏବଂ ଫଳ ଭରପୂର ଖାଦ୍ୟ ଖାଇବା ଉଚିତ୍। ଅଧିକ ଫାଇବର ଖାଇବା ଦ୍ୱାରା ଯକୃତ ରୋଗ ହେବାର ଆଶଙ୍କା କମିଯାଏ। ଚିନି ବିନା ଚା କିମ୍ବା କଫି ପିଅନ୍ତୁ। ଏହା ବ୍ୟତୀତ, 2021 ମସିହାରେ ପ୍ରକାଶିତ ଏକ ଅଧ୍ୟୟନ ଅନୁଯାୟୀ, ଚିନି ବିନା ଦୈନିକ ଏକ କପ ବ୍ଲାକ କଫି ପିଇବା ଦ୍ବାରା ଯକୃତକୁ NAFLD ରୁ ରକ୍ଷା କରିପାରିବ। କଫିନ୍ ଅସ୍ୱାଭାବିକ ଯକୃତ ଏନଜାଇମ୍ ସଂଖ୍ୟାକୁ ହ୍ରାସ କରେ ଯାହା ଫ୍ୟାଟି ଲିଭର ରୋଗ ହେବାର ଆଶଙ୍କା ବୃଦ୍ଧି କରିଥାଏ।
ବ୍ୟୁରୋ ରିପୋର୍ଟ, ଇଟିଭି ଭାରତ
