ହାଇଦ୍ରାବାଦ: ଡାଇବେଟିସ୍ ବର୍ତ୍ତମାନ ଏକ ସାଧାରଣ ରୋଗରେ ପରିଣତ ହୋଇଛି । ପିଲାଙ୍କଠାରୁ ବୟସ୍କ ପର୍ଯ୍ୟନ୍ତ ସମସ୍ତେ ଏହାର ଶିକାର ହେଉଛନ୍ତି । ବିଶ୍ବରେ ପ୍ରତି ତିନି ଜଣଙ୍କ ମଧ୍ୟରୁ ଜଣେ ମଧୁମେହ ଜନିତ ସମସ୍ୟାରେ ପୀଡିତ । ଟାଇପ୍-୨ ମଧୁମେହ ପୂର୍ବରୁ ଶରୀରରେ ମଧୁମେହର ଲକ୍ଷଣ ଦେଖାଯିବା ଆରମ୍ଭ କରେ, ଯାହାକୁ ଡାକ୍ତରୀ ଭାଷାରେ ବୋର୍ଡରଲାଇନ୍ ଡାଇବେଟିସ୍(Borderline diabetes) କୁହାଯାଏ । ଏହା ପ୍ରି-ଡାଇବେଟିସ୍ ଭାବରେ ମଧ୍ୟ ଜଣାଶୁଣା । ରକ୍ତରେ ଶର୍କରା ସ୍ତର ସାଧାରଣ ଅପେକ୍ଷା ବୃଦ୍ଧି ପାଇଲେ ଏହି ରୋଗ ହୋଇଥାଏ ।
ତେବେ ଏନେଇ କରାଯାଇଥିବା ଏକ ଅନୁସନ୍ଧାନ ଅନୁସାରେ, ଯଦି ଜୀବନଶୈଳୀରେ କୌଣସି ପରିବର୍ତ୍ତନ ନହୁଏ, ତେବେ ପ୍ରି-ଡାଇବେଟିସ୍ ଥିବା 15-30 ପ୍ରତିଶତ ଲୋକ ଆଗାମୀ 3 ରୁ 5 ବର୍ଷ ମଧ୍ୟରେ ମଧୁମେହ ରୋଗରେ ଆକ୍ରାନ୍ତ ହୋଇପାରନ୍ତି । ଆମ ଶରୀରରେ ପ୍ରି-ଡାଇବେଟିସ ବା ବୋର୍ଡରଲାଇନ୍ ଡାଇବେଟିସ୍ର ପ୍ରାଥମିକ ଲକ୍ଷଣ ମଧ୍ୟ ଦେଖାଯାଏ ।
ବୋର୍ଡରଲାଇନ୍ ଡାଇବେଟିସ୍ ଲକ୍ଷଣ(Borderline diabetes symptoms):-
- ବୋର୍ଡରଲାଇନ୍ ଡାଇବେଟିସ୍ରେ, ଅଧିକାଂଶ ଲୋକ ନିଜ ଶରୀରରେ କୌଣସି ନିର୍ଦ୍ଦିଷ୍ଟ ପ୍ରକାରର ଲକ୍ଷଣ ବିକଶିତ କରନ୍ତି ନାହିଁ । ଏହି ରୋଗୀମାନଙ୍କୁ ଦୃଷ୍ଟି ଶକ୍ତି ସମସ୍ୟାର ସମ୍ମୁଖୀନ ହେବାକୁ ପଡିପାରେ ।
- ଏପରିସ୍ଥିତିରେ, ରୋଗିଙ୍କ ଆଖି ଉପରେ ପ୍ରଭାବ ପଡିଥାଏ । ବେଳେବେଳେ ମୁଣ୍ଡବିନ୍ଧା ଏବଂ ଅସ୍ପଷ୍ଟ ଦେଖାଯାଏ ମଧ୍ୟ ।
- ବୋର୍ଡରଲାଇନ୍ ଡାଇବେଟିସ୍ ରହିବା ଦ୍ୱାରା ଶରୀର ଅଧିକ କ୍ଳାନ୍ତ ଏବଂ ଦୁର୍ବଳ ଲାଗିଥାଏ । ଥକାପଣ ଯୋଗୁଁ, କୌଣସି କାର୍ଯ୍ୟରେ ଧ୍ୟାନ ଦେବାରେ ଅସୁବିଧା ହୋଇପାରେ ।
- ହଠାତ୍ ହାଇ ବିପି ଏବଂ କୋଲେଷ୍ଟ୍ରଲ ସ୍ତର ମଧ୍ୟ ବୋର୍ଡରଲାଇନ୍ ଡାଇବେଟିସ୍ ଲକ୍ଷଣ ଭାବରେ ବିବେଚନା କରାଯାଏ । ଏହି କାରଣରୁ, ମୁଣ୍ଡ ବୁଲାଇବା, ଥକାପଣ, ଅତ୍ୟଧିକ କ୍ରୋଧ ଏବଂ ଝାଳ ବୋହିବା ଭଳି ଲକ୍ଷଣ ଅନୁଭବ କରିପାରନ୍ତି ।
- ବୋର୍ଡରଲାଇନ୍ ଡାଇବେଟିସ୍ ପ୍ରାରମ୍ଭିକ ଲକ୍ଷଣ ଗୁଡ଼ିକୁ ଚିହ୍ନିବା ଅତ୍ୟନ୍ତ କଷ୍ଟକର । କିନ୍ତୁ ପାଦର ପରିବର୍ତ୍ତନ ଦ୍ୱାରା ଏହାକୁ ଚିହ୍ନଟ କରାଯାଇପାରେ । ଅନେକ କ୍ଷେତ୍ରରେ, ପାଦରେ ଯନ୍ତ୍ରଣା, ଝିମ୍ଝିମ୍ ଏବଂ ଅସ୍ଥିରତା ହୋଇପାରେ ।
- ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ବୋର୍ଡରଲାଇନ୍ ଡାଇବେଟିସ୍ ଲକ୍ଷଣ ଚିହ୍ନଟ କରିବା ଅତ୍ୟନ୍ତ କଷ୍ଟକର, କିନ୍ତୁ ଶରୀରରେ କୌଣସି ପରିବର୍ତ୍ତନକୁ ଅଣଦେଖା କରନ୍ତୁ ନାହିଁ ।
Disclaimer: ଉପରସ୍ଥ ସମସ୍ତ ତଥ୍ୟ ସାଧାରଣ ସୂଚନା ଉପରେ ଆଧାରିତ । କୌଣସି ଜଟିଳ ସ୍ବାସ୍ଥ୍ୟ ସମସ୍ୟା ପାଇଁ ସର୍ବଦା ଡାକ୍ତରଙ୍କ ପରାମର୍ଶ ଅପରିହାର୍ଯ୍ୟ ।
