ସାନ ଫ୍ରାନ୍ସିସ୍କୋ: ଆଲଜାଇମର ରୋଗର ପ୍ରାଥମିକ ଅବସ୍ଥାକୁ ଚିହ୍ନଟ କରିବା ପାଇଁ ଏକ ନୂତନ ଜ୍ଞାନକୌଶଳ ବିକାଶ କରୁଛନ୍ତି ଅନୁସନ୍ଧାନକାରୀ ଟିମ୍ । ଏହି ଅନୁସନ୍ଧାନକାରୀ ଦଳ 'ଡୁଆଲ୍ ମୋଡ୍ ବ୍ରେନ୍ ସେନ୍ସିଂ ଡିଭାଇସ୍' ବିକଶିତ କରୁଛନ୍ତି, ଯାହା ଆଲଜାଇମର ରୋଗକୁ(Alzheimer's disease) ଶୀଘ୍ର ଏବଂ ପ୍ରଭାବଶାଳୀ ଭାବରେ ଚିହ୍ନଟ କରିଥାଏ ବୋଲି ଏକ ନୂତନ ରିପୋର୍ଟରେ କୁହାଯାଇଛି(This new technology aims to detect early-stage Alzheimer's) । ତେବେ ଆଲଜାଇମର ହେଉଛି ଏକ ମସ୍ତିଷ୍କ ରୋଗ, ଯାହା ସ୍ମୃତିଗତ କ୍ଷମତା ଉପରେ ପ୍ରଭାବ ପକାଇଥାଏ । ଏହାକୁ ମଧ୍ୟ ଭୁଲାରୋଗ କୁହାଯାଏ ।
UTA(University of Texas at Arlington) ଅନୁଯାୟୀ, ବାୟୋଇଞ୍ଜିନିୟରିଂ ପ୍ରଫେସର ହାନଲି ଲିୟୁ, କମ୍ପାକ୍ଟ ଡୁଆଲ୍ ମୋଡ୍ ବ୍ରେନ୍ ସେନ୍ସିଙ୍ଗ୍ ସହିତ ଆଲଜାଇମର ରୋଗ ପାଇଁ ଡିଜିଟାଲ୍ ବାୟୋମାର୍କର୍ସ ପ୍ରୋଜେକ୍ଟର ମୁଖ୍ୟ ଅନୁସନ୍ଧାନକାରୀ । ସେ କହିଛନ୍ତି ଯେ, "ଏହି ପ୍ରୋଜେକ୍ଟରେ ଆମେ ଯାହା କରୁଛୁ ତାହା ମାନବ ମସ୍ତିଷ୍କରେ ମେଟାବୋଲିକ୍, ହେମୋଡାଇନାମିକ୍ ଏବଂ ଇଲେକ୍ଟ୍ରୋଫିଜିଓଲୋଜିକାଲ୍ (MHE) କାର୍ଯ୍ୟକଳାପ ମାପିବା ପାଇଁ ଏକ ଶୀଘ୍ର ଏବଂ ଆରାମଦାୟକ ପଦ୍ଧତି ।"
ସେ କହିଛନ୍ତି, "ଏହି କୌଶଳ ଆମକୁ ଡିଜିଟାଲ ନ୍ୟୁରୋଫିଜିଓଲୋଜିକାଲ ବାୟୋମାର୍କର ଚିହ୍ନଟ କରିବାରେ ସକ୍ଷମ କରିଥାଏ । ଆମେ ସେଗୁଡ଼ିକୁ କ୍ରସ୍-ଭାଲିଡେଟ୍ କରିବା ପରେ, ପ୍ରତ୍ୟେକ ରୋଗୀଙ୍କର ଆଲଜାଇମର ସଠିକ୍ ଚିହ୍ନଟ ପାଇଁ ଏବଂ ପ୍ରାରମ୍ଭିକ ପର୍ଯ୍ୟାୟରେ ସ୍କ୍ରିନିଂ ପାଇଁ ବ୍ୟବହାର କରାଯାଇପାରିବ ।"
ରିପୋର୍ଟ ଅନୁଯାୟୀ, ଏହି ଡିଭାଇସ୍ ନିକଟ ଇନଫ୍ରାରେଡ୍(NIR) ସ୍ପେକ୍ଟ୍ରସ୍କୋପି ଏବଂ ଡ୍ରାଏ/ୱାଇରିଲେସ୍ ଇଲେକ୍ଟ୍ରୋନ୍ସଫଲୋଗ୍ରାମ୍ରୁ (EEG) ତଥ୍ୟ ରେକର୍ଡ କରିଥାଏ । ସ୍ପେକ୍ଟ୍ରାସ୍କୋପିରେ, NIR ଲାଇଟ୍ ମାନବ କର୍ଟେକ୍ସ ଦ୍ୱାରା ଶୋଷିତ ଏବଂ ନିର୍ଗତ ହେଉଥିବାବେଳେ ଇଲେକ୍ଟ୍ରୋ ଏନ୍ସଫାଲୋଗ୍ରାଫିରେ ମସ୍ତିଷ୍କରେ ବୈଦ୍ୟୁତିକ କାର୍ଯ୍ୟକଳାପ ଗତିଶୀଳ ସ୍ନାୟୁ କାର୍ଯ୍ୟକଳାପକୁ ପ୍ରତିଫଳିତ କରିଥାଏ ।
ଏହି ବହୁମୁଖୀ ଉପକରଣ ବିଭିନ୍ନ ମସ୍ତିଷ୍କ-ସ୍ୱାସ୍ଥ୍ୟ ପାରାମିଟର ମାପ କରିବାରେ ସକ୍ଷମ ହେବ, ଯେପରିକି ମସ୍ତିଷ୍କ ମେଟାବୋଲିଜିମ୍, ମସ୍ତିଷ୍କ ରକ୍ତ ପରିମାଣ, ମସ୍ତିଷ୍କ ଅମ୍ଳଜାନ, ମସ୍ତିଷ୍କ ଦୋହରିବା(Oscillation) ଶକ୍ତି ଏବଂ କାର୍ଯ୍ୟକ୍ଷମ ସଂଯୋଗ ଏବଂ ନ୍ୟୁରୋଭାସ୍କୁଲାର ଯୋଡି ଇତ୍ୟାଦି । ଅଲଜାଇମର ଆସୋସିଏସନ୍ ଆକଳନ କରିଛି ଯେ, ୬ ମିଲିୟନରୁ ଅଧିକ ଆମେରିକୀୟଙ୍କ ସମେତ ବିଶ୍ୱରେ ୫୦ ନିୟୁତ ଲୋକ ଅଲଜାଇମର ରୋଗ ଏବଂ ଅନ୍ୟାନ୍ୟ ପ୍ରକାରର ଡିମେନ୍ସିଆରେ ପୀଡିତ ।
