ନୂଆଦିଲ୍ଲୀ: ଗତ ଦଶନ୍ଧି ମଧ୍ୟରେ, ଏକ ପ୍ରମୁଖ ପରିବେଶ ବିପଦ କାରଣ ଭାବରେ ବାୟୁ ପ୍ରଦୂଷଣ ଏକ ଗୁରୁତର ସମସ୍ୟାରେ ପରିଣତ ହୋଇଛି । ଫୁସଫୁସ୍ ସମେତ ଅନ୍ୟାନ୍ୟ ଅଙ୍ଗ ଉପରେ ମଧ୍ୟ ପ୍ରଭାବ ପକାଇଥାଏ । ଏହି କାଣରୁ ସମଗ୍ର ବିଶ୍ବରେ ବାର୍ଷକୁ 70 ପ୍ରତିଶତ ମୃତ୍ୟୁ ଘଟିଥାଏ । ଲକ୍ଷ ଲକ୍ଷ ଲୋକଙ୍କର ଅକାଳରେ ଜୀବନଯାଏ । ବାୟୁ ପ୍ରଦୂଷଣ କେବଳ ଶରୀରର ଶ୍ବାସକ୍ରିୟା କ୍ଷେତ୍ରକୁ ପ୍ରଭାବିତ କରେ ନାହିଁ ବରଂ ଏହାର ଦୀର୍ଘସ୍ଥାୟୀ ସ୍ୱାସ୍ଥ୍ୟ ପ୍ରଭାବ ରହିଛି, ଯେଉଁଥିରେ ହୃଦ୍ ରୋଗ, ଫୁସଫୁସ କର୍କଟ, ବ୍ରେନ୍ ଷ୍ଟ୍ରୋକ୍, ଅଟୋୟୁମ୍ୟୁନ୍ ରୋଗ(Autoimmune diseases), ସମୟ ପୂର୍ବରୁ ଶିଶୁ ଜନ୍ମ ଏବଂ ଭ୍ରୁଣ ବୃଦ୍ଧି ପ୍ରତିବନ୍ଧକ ଅନ୍ତର୍ଭୁକ୍ତ । ଫୁସଫୁସ ରୋଗରେ ବାୟୁ ପ୍ରଦୂଷଣ ଏକ ପ୍ରମୁଖ କାରଣ, କିନ୍ତୁ ଏକ ଅଧ୍ୟୟନରୁ ଏହା ଜଣାପଡିଛି ଯେ, ଏହା ଶରୀରର ଅନ୍ୟାନ୍ୟ ଅଙ୍ଗ ପ୍ରଣାଳୀକୁ ମଧ୍ୟ ନଷ୍ଟ କରିପାରେ ।
ରିମାଟୋଲୋଜି ବିଭାଗର ପ୍ରଫେସର ତଥା ମୁଖ୍ୟ, ଅଲ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ(AIIMS) ଡକ୍ଟର ଉମା କୁମାର କହିଛନ୍ତି ଯେ, "ଅଟୋୟୁମ୍ୟୁନ୍ ହେପାଟାଇଟିସ୍, ରିମାଟଏଡ୍ ଆର୍ଥ୍ରାଇଟିସ୍ ଏବଂ ସିଷ୍ଟମିକ୍ ଭଳି ଅଟୋମ୍ୟୁମ୍ୟୁନ ରୋଗ ସ୍କ୍ଲେରୋସିସ୍, କ୍ରନିକ୍ ଏବଂ ସମ୍ଭାବ୍ୟ ଜୀବନ ପ୍ରତି ବିପଦଜନକ ପ୍ରଦାହଜନକ ରୋଗ ସୃଷ୍ଟି କରିଥାଏ, କିନ୍ତୁ ଏହା ସ୍ପଷ୍ଟ ଯେ ଜେନେଟିକ୍, ହରମୋନ୍ ଏବଂ ପରିବେଶ କାରଣରୁ ଏହି ରୋଗ ପ୍ରଭାବିତ ହୁଏ । ଡ. ଉମା କୁମାର କହିଛନ୍ତି, ପରିବେଶ କାରକ ଏବଂ ଅଟୋୟୁମ୍ୟୁନ ରୋଗ ମଧ୍ୟରେ ଏକ ଲିଙ୍କ ଅଛି ବୋଲି ଅଧ୍ୟୟନ ସ୍ପଷ୍ଟ କରିଛି । ତେବେ ଅଟୋୟୁମ୍ୟୁନ ରୋଗ ହେଉଛି ଏକ ଅବସ୍ଥା, ଯେଉଁଥିରେ ପ୍ରତିରକ୍ଷା ପ୍ରଣାଳୀ ଶରୀର ଉପରେ ପ୍ରଭାବ ପକାଇଥାଏ ।"
ସେହିପରି ଚର୍ମ ରୋଗ ବିଶେଷଜ୍ଞ ଡ. ମନୀଷ ଜଙ୍ଗଡା କହିଛନ୍ତି ଯେ, "ବାୟୁ ପ୍ରଦୂଷକ ଅକ୍ସିଡେଟିଭ୍ ଚାପ ସୃଷ୍ଟି କରି ଚର୍ମକୁ କ୍ଷତି ପହଞ୍ଚାଏ । ଅତିବାଇଗଣୀ ରଶ୍ମି ବିକିରଣ, ଜୈବ ଯୌଗିକ, ଅକ୍ସାଇଡ୍, କଣିକା ପଦାର୍ଥ ପରି ପ୍ରଦୂଷକ, ଚର୍ମ ଉପରେ ପ୍ରଭାବ ପକାଇଥାଏ । ଚର୍ମ ପ୍ରଦୂଷଣ ସଂସ୍ପର୍ଶରେ ଆସିବା ଫଳରେ ଚର୍ମର ବାର୍ଦ୍ଧକ୍ୟ ଏବଂ ପ୍ରଦାହଜନକ କିମ୍ବା ଆଲର୍ଜି ଚର୍ମର ଅବସ୍ଥା ଯେପରିକି ଏଗ୍ଜିମା, ସୋରିୟାସିସ୍ କିମ୍ବା ବ୍ରଣ ଏବଂ ଆଟୋପିକ୍ ସହିତ ଜଡିତ । ଗର୍ଭାବସ୍ଥାରେ ବାୟୁ ପ୍ରଦୂଷଣର ବିପଦ ବିଷୟରେ ପ୍ରଜନନ ବିଶେଷଜ୍ଞ ଡ. ଅର୍ଚ୍ଚନା ଧାୱନ ବଜାଜ କହିଛନ୍ତି ଯେ, "ପ୍ରଦୂଷକ ସମୟ ପୂର୍ବରୁ ଜନ୍ମ, ଜନ୍ମିତ ଶିଶୁର ଓଜନ କମ୍ ଏବଂ ଏପରିକି ପ୍ରସବ ଜନିତ ଆଶଙ୍କା ବଢାଇପାରେ । ଗର୍ଭଧାରଣର 37 ସପ୍ତାହ ପୂର୍ବରୁ ଆଗୁଆ ଜନ୍ମ ହୁଏ, ଯେତେବେଳେ ଶିଶୁର ଓଜନ କମ୍ ହୋଇଥାଏ ।"
ପ୍ରସୂତି ବିଶେଷଜ୍ଞ ତଥା ସ୍ତ୍ରୀ ରୋଗ ବିଶେଷଜ୍ଞ ଡ. ରିଙ୍କୁ ସେନଗୁପ୍ତ ଧର୍ କହିଛନ୍ତି, "ବାୟୁ ପ୍ରଦୂଷଣ ଗର୍ଭାବସ୍ଥାରେ କମ୍ ରୋଗ ପ୍ରତିରୋଧକ ଶକ୍ତି ଆଣିପାରେ ଏବଂ ଗର୍ଭାବସ୍ଥାରେ ଭ୍ରୁଣ ବୃଦ୍ଧି ପ୍ରତିବନ୍ଧକ ଭଳି ଜଟିଳତା ବଢିପାରେ । ଶିଶୁ, କିଶୋର, ଗର୍ଭବତୀ ମହିଳା ପରି ଦୁର୍ବଳ ବୟସ ବର୍ଗ ବାୟୁ ପ୍ରଦୂଷଣର ଶିକାର ହୁଅନ୍ତି । ତେଣୁ ଏସବୁ ସମସ୍ୟାରୁ ମୁକୁଳିବା ପାଇଁ ଆମକୁ ବାୟୁ ପ୍ରଦୂଷଣ ଉପରେ ବିଶେଷ ଧ୍ୟାନ ଦେବାକୁ ପଡିବ । ଦୀପାବଳନ ସମୟରେ ପ୍ରଦୂଷଣ ମାତ୍ରା ବୃଦ୍ଧି ପାଉଥିବାରୁ ଏହି ସମୟରେ ଶରୀରର ତଥା ପରିବେଶର ଯତ୍ନ ନେବା ପ୍ରତିଟି ନାଗରିକଙ୍କ କର୍ତ୍ତବ୍ୟ ।"
