ହାଇଦ୍ରାବାଦ: ଖରାରୁ ମୁକ୍ତି ଦେବା ସହ ମୌସୁମୀ ବର୍ଷା ସମସ୍ତଙ୍କ ମନରେ ଖୁସି ଭରିଥାଏ । କିନ୍ତୁ ଏହାସହ ଅନେକ ସଂକ୍ରାମକ ରୋଗ ସାଙ୍ଗରେ ନେଇ ଆସିଥାଏ । ଏହି ଋତୁରେ ସଂକ୍ରାମକ ରୋଗ ସାଧାରଣ କହିଲେ ଅତ୍ୟୁକ୍ତି ହେବ ନାହିଁ । ଯଦି ବର୍ଷା ଋତୁରେ ସ୍ବାସ୍ଥ୍ୟର ଯତ୍ନ ନନିଆଯାଏ ତେବେ ଅନେତ ପ୍ରକାର ସଂକ୍ରାମକ ରୋଗ ହେବାର ସମ୍ଭାବନା ରହିଥାଏ । ଏଭଳି କିଛି ସଂକ୍ରାମକ ରୋଗ ମଧ୍ୟରୁ ଆମିବାୟସିସ ଅନ୍ୟତମ । ତେବେ ଜାଣନ୍ତୁ କଣ ଏହି ଆମିବାୟସିସ ଏବଂ କିଭଳି ଏଥିରୁ ମୁକ୍ତି ପାଇବେ ?
ଆମିବାୟସିସ କଣ ?: ଆମିବାୟସିସ ହେଉଛି ଏଣ୍ଟୋମିବା ହିଷ୍ଟୋଲାଇଟିକା ନାମକ ଏକ ପ୍ରୋଟୋଜୋଆ ଦ୍ବାରା ଅନ୍ତନଳୀରେ ପରଜୀବୀ ସଂକ୍ରମଣ ଅଟେ । ଏହି ରୋଗ ଆମୋବିକ୍ ଡିସେଣ୍ଟ୍ରି ଭାବରେ ମଧ୍ୟ ଜଣାଶୁଣା । ଏହି ରୋଗ ହେବା ଦ୍ବାରା ପେଟରେ ଯନ୍ତ୍ରଣା ହେବା ସହ ତରଳ ଝାଡା ହୋଇଥାଏ । ପରଜୀବୀ ଜୀବାଣୁ ଦ୍ବାରା ଆମିବାୟସିସ ମୁଖ୍ୟତଃ ଏକ ଜଳବାହୀତ ରୋଗ ଅଟେ । ଏହା ଦୂଷିତ ଜଳ ପିଇବା ଏବଂ ଦୂଷିତ ଖାଦ୍ୟ ପଦାର୍ଥ ଖାଇବା ଦ୍ୱାରା ହୋଇଥାଏ । ପରିଷ୍କାର ପରିଚ୍ଛନ୍ନତା ନରହିଲେ ଏହି ରୋଗ ହୋଇଥାଏ । ଏହି ପରଜୀବୀ ଅନ୍ତନଳୀକୁ ସଂକ୍ରମିତ କରିବା ପରେ ଶରୀରର ଅନେକ ପ୍ରଣାଳୀକୁ ପ୍ରଭାବିତ କରିଥାଏ । ଆମିବାୟସିସ ଲକ୍ଷଣରେ ପୀଡିତ ବ୍ୟକ୍ତିଙ୍କ ପେଟରେ ଏକ ସିଷ୍ଟ୍ ସୃଷ୍ଟି ହେବାର 1ରୁ 4 ସପ୍ତାହ ପରେ ଏହି ରୋଗର ଲକ୍ଷଣ ଦେଖାଯାଇଥାଏ । କିନ୍ତୁ ଅଧିକାଂଶ ଲୋକ ଏହି ରୋଗର ଶିକାର ହୋଇନଥାନ୍ତି । କେବଳ 10ରୁ 20 ପ୍ରତିଶତ ଲୋକ ଆମେବିଆସିସ୍ କାରଣରୁ ଅସୁସ୍ଥ ହୋଇଥାଆନ୍ତି ।
ଆମିବାୟସିସର ଲକ୍ଷଣ:
- ପେଟରେ ଯନ୍ତ୍ରଣା
- ତରଳ ଝାଡା
- ଝାଡାରେ ରକ୍ତପଡିବା
- ତଳି ପେଟରେ ଗଭୀର ଯନ୍ତ୍ରଣା ହେବା
- ଜ୍ୱର
- ବାନ୍ତି
- ମୁଣ୍ଡ ବୁଲାଇବା
- ଭୋକ ନଲାଗିବା
ଏହି ବିଷୟ ପ୍ରତି ଧ୍ୟାନ ଦେବା ଆବଶ୍ୟକ:
- ଶୌଚାଳୟର ସିଟ ନିୟମିତ ପରିଷ୍କାର କରିବା ଆବଶ୍ୟକ
- ବର୍ଷା ଋତୁରେ ସର୍ବସାଧାରଣ ଶୌଚାଳୟ ବ୍ୟବହାର କରିବାଠାରୁ ଦୂରେଇ ରୁହିବା ଉଚିତ
- ହାତ ଧୋଇବା ପରେ ସର୍ବଦା ଖାଦ୍ୟ ଖାଆନ୍ତୁ
- ଶିଶୁର ଡାଏପର ବଦଳାଇବା ପରେ ଉଷୁମ ପାଣିରେ ହାତ ଧୋଇବା ଉଚିତ
- ବାହାରୁ ଆସିଥିବା ଫଳ ଓ ପନିପରିବା ଭଲ ଭାବରେ ଧୋଇ ଖାଆନ୍ତୁ
- ବଜାରରେ ଉପଲବ୍ଧ ବରଫ କ୍ୟୁବ ବ୍ୟବହାର କରିବାଠାରୁ ଦୂରେଇ ରୁହନ୍ତୁ
- ବାହାରେ ଖାଦ୍ୟ କିମ୍ବା ରାସ୍ତାର ଖାଦ୍ୟ ଖାଇବାଠାରୁ ଦୂରେଇ ରୁହିବା ଆବଶ୍ୟକ
ବ୍ୟୁରୋ ରିପୋର୍ଟ, ଇଟିଭି ଭାରତ
