ଲଣ୍ଡନ: ଅଭିଭାବକ, ଧ୍ୟାନ ଦିଅନ୍ତୁ ! ଯଦି ଆପଣ ଧୂମପାନ କରୁଥାନ୍ତି, ତେବେ ଆପଣଙ୍କର କିଶୋର ପିଲାମାନଙ୍କୁ ଏହା ପ୍ରଭାବିତ କରିବାର ସମ୍ଭାବନା ରହିଛି । ଏକ ନୂତନ ଅଧ୍ୟୟନରୁ ଜଣାପଡିଛି ଯେ, କିଶୋର କିଶୋରମାନଙ୍କ ପିତାମାତା ଯଦି ଧୂମପାନ କରନ୍ତି, ତେବେ ପିଲାମାନେ ଇ-ସିଗାରେଟ୍(e-cigarettes) ସେବନ ଉଦ୍ୟମ କରିବାର ସମ୍ଭାବନା ଅଧିକ ।
ସ୍ପେନର ବାର୍ସିଲୋନାରେ ୟୁରୋପିଆନ ରେସ୍ପିରାଟୋରୀ ସୋସାଇଟି ଇଣ୍ଟରନ୍ୟାସନାଲ କଂଗ୍ରେସ(European Respiratory Society International Congress in Barcelona, Spain)ରେ ଉପସ୍ଥାପିତ ହୋଇଥିବା ଅନୁସନ୍ଧାନରୁ ଏହା ଜଣାପଡିଛି ଯେ, ଯେଉଁ କିଶୋରମାନଙ୍କ ପିତାମାତା ଧୂମପାନ କରୁଥାନ୍ତି ସେହି ପିଲାମାନେ ଇ-ସିଗାରେଟ୍ ସେବନ ଉଦ୍ୟମ କରିବାର ସମ୍ଭାବନା 55% ଏବଂ ଧୂମପାନ କରିବାର ପ୍ରାୟ 51% ଅଧିକ ।
ବିଶ୍ୱବିଦ୍ୟାଳୟ କଲେଜ କର୍କର ମୁଖ୍ୟ ଲେଖକ ଜୋନ୍ ହାନାଫିନ୍(Joan Hanafin from the University College Cork)ଙ୍କ ଅନୁଯାୟୀ, ଦେଖାଯାଇଛି ଯେ, ଇ-ସିଗାରେଟ୍ ବ୍ୟବହାର କରୁଥିବା କିଶୋରଙ୍କ ସଂଖ୍ୟା ଦ୍ରୁତ ଗତିରେ ବଦଳୁଛି, ତେଣୁ ଆମକୁ ଆୟର୍ଲାଣ୍ଡ ଏବଂ ବିଶ୍ବର ପରିସ୍ଥିତି ଉପରେ ନଜର ରଖିବାକୁ ପଡିବ । କିଶୋର ଏବଂ କିଶୋରୀମାନଙ୍କୁ ଧୂଆଁ କିପରି ପ୍ରଭାବିତ କରେ ତାହା ବୁଝାଇବା ପାଇଁ ଆମେ ସୋସିଆଲ ମିଡିଆ ଷ୍ଟଡି କରିବାକୁ ଯୋଜନା କରୁଛୁ । ଅନୁସନ୍ଧାନକାରୀମାନେ ଏହା ମଧ୍ୟ ଜାଣିବାକୁ ପାଇଛନ୍ତି ଯେ, ଇ-ସିଗାରେଟ୍ ସେବନ ଉଦ୍ୟମ କରିଥିବା ଅନୁପାତ ଭୟାନକ ଭାବେ ବୃଦ୍ଧି ପାଉଛି ଏବଂ ଯଦିଓ ପୁଅମାନେ ଇ-ସିଗାରେଟ୍ ବ୍ୟବହାର କରିବାର ସମ୍ଭାବନା ଅଧିକ, ତଥାପି ଝିଅମାନଙ୍କ ମଧ୍ୟରେ ବ୍ୟବହାର ହାର ମଧ୍ୟ ଦ୍ରୁତ ଗତିରେ ବଢୁଛି ।
ଅଧ୍ୟୟନ ପାଇଁ, ଦଳ 6,216 ପିଲାଙ୍କ ବିଷୟରେ ତଥ୍ୟ ଯାଞ୍ଚ କରିଥିଲେ, ଯେଉଁମାନେ 8 ବର୍ଷ ବୟସର ଥିଲେ, ସେମାନଙ୍କ ଶାରୀରିକ ବୃଦ୍ଧି ସମୟରେ ବାପାମାଆମାନେ ଧୂମପାନ କରିଥିଲେ କି ନାହିଁ ସେ ସମ୍ବନ୍ଧରେ ସୂଚନା ମଧ୍ୟ ଅନ୍ତର୍ଭୁକ୍ତ କରିଥିଲେ । କିଶୋରମାନେ କେତେବେଳେ ଧୂମପାନ କରୁଛନ୍ତି କିମ୍ବା ଇ-ସିଗାରେଟ୍ ବ୍ୟବହାର କରୁଛନ୍ତି ସେ ବାବଦରେ ପଚରା ଯାଇଥିଲା । ଏହି ଟିମ୍ ଆୟର୍ଲାଣ୍ଡରେ କିଶୋର ଇ-ସିଗାରେଟ୍ ବ୍ୟବହାରର ବିସ୍ତୃତ ବିଶ୍ଳେଷଣ ଯୋଗାଇବା ପାଇଁ 10,000 ରୁ ଅଧିକ ଇରିଶ କିଶୋର(Irish teenagers) 16 ରୁ 17 ବର୍ଷ ବୟସଙ୍କ ବିଷୟରେ ସୂଚନା ପ୍ରଦାନ କରିବା ପାଇଁ ଅନେକ ଇରିଶ ଡାଟା ସେଟ୍ ଉପରେ ତର୍ଜମା କରିଥିଲା ।
ଏଥିରେ ଦର୍ଶାଇଛି ଯେ, ଇ-ସିଗାରେଟ୍ ସେବନ ଉଦ୍ୟମ କରିଥିବା ଅନୁପାତ 2014ରେ 23 ପ୍ରତିଶତରୁ 2019ରେ 39 ପ୍ରତିଶତକୁ ବୃଦ୍ଧି ପାଇଛି । ଇ-ସିଗାରେଟ୍ ସେବନ ଉଦ୍ୟମ କରିବା ପାଇଁ କିଶୋରମାନେ ଦେଇଥିବା ମୁଖ୍ୟ କାରଣ ହେଉଛି କୌତୁହଳ(curiosity) 66 ପ୍ରତିଶତ ଏବଂ ସେମାନଙ୍କ ବନ୍ଧୁମାନେ ନେଉଥିବା ଧୂଆଁ( 29 ପ୍ରତିଶତ) କେବଳ 3 ପ୍ରତିଶତ ପିଲା ଧୂମପାନ ଛାଡି ଦେଇଥିବା କହିଛନ୍ତି ।
