ଜୟପୁର: କୋଭିଡ ଚିହ୍ନଟକୁ ନେଇ ଆସିଲା ନୂଆ ତଥ୍ୟ । ଚେଷ୍ଟ X-ray ମାଧ୍ୟମରେ ଜାଣିପାରିବେ କୋଭିଡ ସଂକ୍ରମଣ ହୋଇଛି କି ନାହିଁ । ଏହି ବିରଳ ଅନୁସନ୍ଧାନ କରିଛି ଯୋଧପୁର IIT ।
ସାରା ବିଶ୍ବରେ କୋରୋନା ମହାମାରୀ ଆତଙ୍କ ସୃଷ୍ଟିକରି ଥିବାବେଳେ ଏହାର ଅନୁସନ୍ଧାନକୁ ନେଇ ସାମ୍ନାକୁ ଆସିଛି ନୂଆ ଏକ ତଥ୍ୟ । ଏଣିକି କୋଭିଡ ସଂକ୍ରମିତ ହୋଇଛନ୍ତି କି ନାହିଁ ଜାଣିବା ପାଇଁ କେବଳ କିଟ୍ ଉପରେ ନିର୍ଭର କରିବାକୁ ପଡିବନି । ଚେଷ୍ଟ X-ray ମାଧ୍ୟମରେ ମଧ୍ୟ ଜଣେ ବ୍ୟକ୍ତି କୋଭିଡ ସଂକ୍ରମିତ ହୋଇଛନ୍ତି କି ନାହିଁ ସେ ବାବଦରେ ଜାଣିପାରିବେ ।
ଏନେଇ ରାଜସ୍ଥାନ ଯୋଧପୁର IIT ସୂଚନା ଦେଇଛି । ଦୀର୍ଘଦିନ ଧରି ଅନୁସନ୍ଧାନ ପରେ ଯୋଧପୁର IIT ଏହି ତଥ୍ୟକୁ ସାମ୍ନାକୁ ଆଣିଛି । ୨୫୦୦ ଜଣ ବ୍ୟକ୍ତିଙ୍କ ଚେଷ୍ଟ X-ray ପରୀକ୍ଷା ପରେ ଏପରି କହିଛି ସଂସ୍ଥା ।
IIT ଯୋଧପୁର କହିଛି ଯେ, COMiT-Net ଆଲଗୋରିଦମ ଏବଂ ମେଡିକାଲ ଦୃଷ୍ଟିକୋଣକୁ ନେଇ ଏହି ପରୀକ୍ଷା କରାଯାଇଥିଲା । ଏଥିରେ ଉଭୟ କୋଭିଡ ସଂକ୍ରମିତ ଏବଂ ଅଣସଂକ୍ରମିତ ବ୍ୟକ୍ତିଙ୍କ ଚେଷ୍ଟ X-Ray କରାଯାଇଥିଲା । ଏହି ଇମେଜରୁ କୋଭିଡ ଲକ୍ଷଣ ବାବଦରେ ଜଣାପଡିଛି । କେବଳ କୋଭିଡ ଲକ୍ଷଣ ନୁହେଁ ଏହାସହ ଭାଇରସ୍ ଫୁସ୍ଫୁସ୍କୁ ଆକ୍ରାନ୍ତ କରିଛି କି ନାହିଁ ତାହା ମଧ୍ୟ ଚେଷ୍ଟ X-Ray ଦ୍ବାରା ଜାଣିହେବ ।
@ANI
