ହାଇଦ୍ରାବାଦ: ଟନସିଲାଇଟିସ୍(Tonsillitis) ପିଲାମାନଙ୍କଠାରେ ଏକ ସାଧାରଣ ସମସ୍ୟା ଭାବରେ ବିବେଚନା କରାଯାଏ, ଯାହା ସାଧାରଣତ ବ୍ୟାକ୍ଟେରିଆ ଜନିତ ସଂକ୍ରମଣ କାରଣରୁ ହୋଇଥାଏ । ଏହାର ଅର୍ଥ ଏହା ନୁହେଁ ଯେ, ବୟସ୍କଙ୍କ କ୍ଷେତ୍ରରେ ଏହି ସମସ୍ୟା ଦେଖାଯିବ ନାହିଁ । ଯଦି ଏହି ସମସ୍ୟାର ଯତ୍ନ ନିଆନଯାଏ, ତେବେ ଅଧିକ ଗମ୍ଭୀର ହେବାର ସମ୍ଭାବନା ମଧ୍ୟ ରହିଛି ।
ସାଧାରଣତଃ ଯେତେବେଳେ ଫ୍ଲୁ ଏବଂ ଭାଇରାଲ୍ ସଂକ୍ରମଣ କାରଣରୁ ପାଗ ବଦଳିଯାଏ, ଉଭୟ ବୟସ୍କ ଏବଂ ପିଲାମାନଙ୍କଠାରେ ଗଳା ଯନ୍ତ୍ରଣା ହେବାର ଆଶଙ୍କା ଥାଏ । ଅଧିକାଂଶ କ୍ଷେତ୍ରରେ, ଟନ୍ସିଲାଇଟିସ୍ ଅର୍ଥାତ୍ ଟନ୍ସିଲ ପାଇଁ ଏହାକୁ ଦାୟୀ କରାଯାଏ । ଯଦିଓ ଟନ୍ସିଲାଇଟିସ୍ ଏକ ସାଧାରଣ ସମସ୍ୟା, କିନ୍ତୁ ବେଳେବେଳେ ଉପଯୁକ୍ତ ଚିକିତ୍ସା ଅଭାବ କିମ୍ବା ଅନ୍ୟାନ୍ୟ କାରଣରୁ ଏହା ମଧ୍ୟ ଗୁରୁତର ପ୍ରଭାବ ଦେଇପାରେ ।
ଟନ୍ସିଲାଇଟିସ୍ କ’ଣ, ଏହା କାହିଁକି ଘଟେ ଏବଂ ଏହାର ପ୍ରଭାବ ବିଷୟରେ ଜାଣିବା ପାଇଁ, ଚଣ୍ଡିଗଡ଼ର ନାକ, କାନ, ଗଳା ବିଶେଷଜ୍ଞ ଡ. ବଲବିନ୍ଦର ସିଂଙ୍କ ସହିତ 'ଇଟିଭି ଭାରତ' ପକ୍ଷରୁ ଅଧିକ ଆଲୋଚନା କରାଯାଇଥିଲା । ତେବେ ଏନେଇ ଡାକ୍ତର ବଲବିନ୍ଦର ସିଂ କଣ କହୁଛନ୍ତି, ସେ' ବାବଦନରେ ନିମ୍ନରେ ବର୍ଣ୍ଣନା କରାଯାଇଛି...
ଟନ୍ସିଲାଇଟିସ୍ କ’ଣ(What is Tonsillitis)?
ଡ. ବଲବିନ୍ଦର ସିଂ ବ୍ୟାଖ୍ୟା କରିଛନ୍ତି ଯେ, ଟନସିଲ୍ ହେଉଛି ଆମ ଗଳାର ଅଂଶ ବା ଅଙ୍ଗ, ଯାହା ଗଳାର ଉଭୟ ପାର୍ଶ୍ୱରେ ଅଛି । ସାଧାରଣତଃ ପାଣିପାଗର ପରିବର୍ତ୍ତନ କିମ୍ବା ଭାଇରାଲ୍ ସଂକ୍ରମଣ, ଫ୍ଲୁ କିମ୍ବା କେତେକ ବ୍ୟାକ୍ଟେରିଆ ସଂସ୍ପର୍ଶରେ ଆସିବା କାରଣରୁ ଟନସିଲ୍ ଫୁଲିଯାଏ । ଏହି ଅବସ୍ଥାକୁ ଟନ୍ସିଲାଇଟିସ୍ କୁହାଯାଏ । ଏହା ଏକ ସଂକ୍ରାମକ ରୋଗ । ସେ ବ୍ୟାଖ୍ୟା କରିଛନ୍ତି ଯେ, ସାଧାରଣତଃ ଟନସିଲାଇଟିସ୍ 5 ରୁ 15 ବର୍ଷ ବୟସର ପିଲାମାନଙ୍କୁ ଅଧିକ ପ୍ରଭାବିତ କରିଥାଏ । କିନ୍ତୁ ଏହାର ଅର୍ଥ ନୁହେଁ ଯେ, ଏହା ବୟସ୍କମାନଙ୍କୁ ଆକ୍ରାନ୍ତ କରେ ନାହିଁ ।
ସାଧାରଣତଃ କେତେକ ବିଶେଷ ସତର୍କତା ଅବଲମ୍ବନ କରିବା ଦ୍ବାରା ଏହି ସମସ୍ୟା ଦୂର ହୋଇଥାଏ । କିନ୍ତୁ ବେଳେବେଳେ କିଛି ବିଶେଷ ପରିସ୍ଥିତିରେ କିମ୍ବା ଯଦି କୌଣସି ଉପଯୁକ୍ତ ଚିକିତ୍ସା ନଥାଏ, ତେବେ ଏହା ଦୀର୍ଘ ସମୟ ପର୍ଯ୍ୟନ୍ତ ଗୁରୁତର ରୂପରେ ପ୍ରଭାବ ପକାଇପାରେ । ଯେପରିକି ଟନସିଲର ଫୁଲା ବଢିବା ଦ୍ବାରା ତ୍ବଚାର ରଙ୍ଗରେ ପରିବର୍ତ୍ତନ ସାଙ୍ଗକୁ ଖାଇବା, ପିଇବା, କହିବା ଏବଂ ବେଳେବେଳେ ଶୋଇବାରେ ଅସୁବିଧାର ସମ୍ମୁଖୀନ ହେବାକୁ ପଡିଥାଏ ।
ସେହି ସମୟରେ, ଯଦି ଏହି ସମସ୍ୟା ଅଧିକ ବଢିଯାଏ କିମ୍ବା ବାରମ୍ବାର ଘଟିବା ଆରମ୍ଭ କରେ, ତେବେ ଟନସିଲକୁ ବାହାର କରିବା ଆବଶ୍ୟକ ହୋଇଯାଏ, ଯେଉଁଥି ପାଇଁ ଅସ୍ତ୍ରୋପଚାରର ସାହାଯ୍ୟ ମଧ୍ୟ ନିଆଯାଏ ।
ଟନ୍ସିଲାଇଟିସ୍ ପ୍ରକାର
ଡ. ସିଂ ସ୍ପଷ୍ଟ କରିଛନ୍ତି ଯେ, ଟନ୍ସିଲାଇଟିସର ଗମ୍ଭୀରତା ଏବଂ ଏହାର ପ୍ରଭାବକୁ ଆଧାର କରି ଏହାକୁ 6ଟି ମୁଖ୍ୟ ପ୍ରକାର ଭାବରେ ବିବେଚନା କରାଯାଏ ।
ଆକ୍ୟୁଟ୍ ଟନ୍ସିଲାଇଟିସ୍(Acute Tonsillitis): ଏହି ପ୍ରକାରର ଟନ୍ସିଲାଇଟିସରେ କୌଣସି ଜୀବାଣୁ କିମ୍ବା ଭୂତାଣୁ ସଂକ୍ରମିତ ହେଲେ ଟନ୍ସିଲ୍ ଉପରେ ଏକ ଧୂସର କିମ୍ବା ଧଳା ରଙ୍ଗର ସ୍ତର ସୃଷ୍ଟି ହେବାକୁ ଲାଗେ । ଏହି ପର୍ଯ୍ୟାୟରେ, ଗଳାରେ ଫୁଲା ଏବଂ ଯନ୍ତ୍ରଣା ହେବା ସହିତ ଜ୍ୱରର ସମସ୍ୟା ହୋଇପାରେ । ସଠିକ୍ ଯତ୍ନ ଏବଂ ଚିକିତ୍ସା ଦ୍ବାରା ତୀବ୍ର ଟନସିଲାଇଟିସ୍ ଶୀଘ୍ର ଭଲ ହୋଇଯାଏ ।
କ୍ରନିକ୍ ଟନ୍ସିଲାଇଟିସ୍(Chronic Tonsillitis): ବାରମ୍ବାର କିମ୍ବା ସ୍ୱଳ୍ପ ବ୍ୟବଧାନରେ ଘଟୁଥିବା ତୀବ୍ର ଟନ୍ସିଲାଇଟିସ୍ କ୍ରନିକ୍ ଟନ୍ସିଲାଇଟିସ୍ ଭାବରେ ଜଣାଶୁଣା ।
ଷ୍ଟ୍ରେପ ଥ୍ରୋଟ(strep throat): ଷ୍ଟ୍ରେପ୍ଟୋକୋକସ୍ ନାମକ ଜୀବାଣୁ ଦ୍ବାରା ଷ୍ଟ୍ରେପ୍ ଥ୍ରୋଟ ହୁଏ । ଏହି ପ୍ରକାର ସଂକ୍ରମଣ ଗମ୍ଭୀର ବୋଲି ବିବେଚନା କରାଯାଏ । ଏଥିରେ ଗଳା ଯନ୍ତ୍ରଣା ଏବଂ ଜ୍ୱର ସହିତ ବେକ ଯନ୍ତ୍ରଣା ଏବଂ ଗଳା ଜନିତ ସମସ୍ୟା ମଧ୍ୟ ଦେଖାଦେଇପାରେ ।
ଏକ୍ୟୁଟ ମୋନୋନ୍ୟୁକ୍ଲିଓସିସ୍(acute mononucleosis): "ଏପଷ୍ଟିନ୍-ବାର୍" ଜୀବାଣୁ ଏଥିପାଇଁ ଦାୟୀ । ଏହି ସମସ୍ୟାରେ, ଟନସିଲରେ ଗଭୀର ଫୁଲା ସହିତ ଗଳା, ଦାଗ, ଜ୍ୱର ଏବଂ ଥକାପଣ ହୋଇପାରେ ।
ପେରିଟୋନସିଲର୍ ଆବସେସ୍(peritonsillar abscess): ଟନ୍ସିଲ୍ ଚାରିପାଖରେ ପୁସ୍(Pus) ଜମା ହୋଇଥିବାରୁ ଏହା ଏକ ଭୟଙ୍କର ପ୍ରକାରର ଟନ୍ସିଲାଇଟିସ୍ ଭାବରେ ବିବେଚନା କରାଯାଏ । ପେରିଟୋନସିଲର୍ ଆବସେସ୍ ଚିକିତ୍ସା ତୁରନ୍ତ କରାଯିବା ଉଚିତ୍ ।
ଟନସିଲ ଷ୍ଟୋନ୍ସ (tonsil stones): ଟନସିଲରେ ସଂକ୍ରମଣ କାରଣରୁ ବେଳ ବେଳେ ତନ୍ତୁରେ କିଛି ଜମାଟ ବାନ୍ଧିବା ପରି ହୋଇଯାଏ, ଯାହାକୁ ଟନ୍ସିଲ୍ ଷ୍ଟୋନ୍ ବୋଲି କୁହାଯାଏ । ଏହି ସଂକ୍ରମଣ ସମୟରେ ଟନସିଲରେ ଏକ ପ୍ରକାର ଫୁଲା ଦେଖାଯାଏ । ବର୍ଜ୍ୟବସ୍ତୁ ଜମା ହେବା ପରେ ଟନ୍ସିଲ୍ ପଥର କିମ୍ବା ଟନସିଲୋଲିଥସ୍ ମଧ୍ୟ ହୋଇପାରେ ।
ଡ. ସିଂ ସ୍ପଷ୍ଟ କରିଛନ୍ତି ଯେ, କାରଣ ଯାହା ହେଉନା କାହିଁକି, ଟନସିଲରେ ଥିବା ସମସ୍ୟା ବିଷୟରେ ସୂଚନା ପାଇବା ମାତ୍ରେ ଡାକ୍ତରଙ୍କ ସହିତ ଯାଞ୍ଚ କରିବା, ଡାକ୍ତରଙ୍କ ପରାମର୍ଶ ଗ୍ରହଣ କରିବା ଏବଂ ଅନ୍ୟାନ୍ୟ ସତର୍କତା ଅବଲମ୍ବନ କରିବା ଅତ୍ୟନ୍ତ ଜରୁରୀ । ଡାକ୍ତରଙ୍କ ପରାମର୍ଶ ପୂର୍ବରୁ କୌଣସି ଔଷଧ ସେବନ ଠାରୁ ଦୂରେଇ ରହିବା ଉଚିତ୍ ।
ଟନ୍ସିଲାଇଟିସର ଲକ୍ଷଣ
ଯେତେବେଳେ ଟନସିଲରେ ଫୁଲା ଦେଖାଯାଏ, ଗଳାରେ ଯନ୍ତ୍ରଣା ହେବା ସହିତ ଟନସିଲର ରଙ୍ଗ ମଧ୍ୟ ଗୋଲାପୀରୁ ନାଲି ଲାଲ ରଙ୍ଗରେ ପରିଣତ ହେବାକୁ ଲାଗେ । ଏହା ବ୍ୟତୀତ, ବେଳେବେଳେ ହଳଦିଆ, ଧଳା ଏବଂ ଧୂସର ଦାଗ କିମ୍ବା ପ୍ୟାଚ୍ ମଧ୍ୟ ଦେଖାଯାଏ । ଏଗୁଡିକ ବ୍ୟତୀତ ବିଭିନ୍ନ ପ୍ରକାରର ଟନ୍ସିଲାଇଟିସର ଅନେକ ଲକ୍ଷଣ ହୋଇପାରେ । ସେଥିମଧ୍ୟରୁ କିଛି ନିମ୍ନରେ ବର୍ଣ୍ଣନା କରାଯାଇଛି...
- ଜ୍ୱର
- ଗଳା ଯନ୍ତ୍ରଣା
- ଖାଇବା ସମୟରେ ସମସ୍ୟା ସୃଷ୍ଟି ହେବା
- ଗଳାରୁ କାନ ପର୍ଯ୍ୟନ୍ତ ଯନ୍ତ୍ରଣା
- ବେକରେ ବର୍ଦ୍ଧିତ ଲିମ୍ଫ ନୋଡ
- ସ୍ୱରରେ ପରିବର୍ତ୍ତନ
- ନିଶ୍ବାସ ନେବାରେ କଷ୍ଟ
- ପେଟ ଯନ୍ତ୍ରଣା ଏବଂ ମୁଣ୍ଡବିନ୍ଧା
- କହିବାରେ ଅସୁବିଧା
ଡ. ସିଂ ବ୍ୟାଖ୍ୟା କରିଛନ୍ତି ଯେ, ଯେତେବେଳେ ଏହି ସମସ୍ୟା ଅଧିକ ଛୋଟ ପିଲାମାନଙ୍କଠାରେ ବଢିଥାଏ, ଅନ୍ୟାନ୍ୟ ଲକ୍ଷଣ ସହିତ, ଖାଇବା ପିଇବାରେ କାନ୍ଦିବା ଏବଂ ଉତ୍ତେଜିତ ହେବା ଭଳି ଲକ୍ଷଣ ମଧ୍ୟ ଦେଖାଯାଏ । ଏହି ଲକ୍ଷଣ ଗୁଡ଼ିକ ଆଦୌ ଅଣଦେଖା କରାଯିବା ଉଚିତ ନୁହେଁ ଏବଂ ଶିଶୁକୁ ତୁରନ୍ତ ଡାକ୍ତରଙ୍କୁ ଦେଖାଇବା ଉଚିତ୍ ।
ସତର୍କତା
ଯେଉଁମାନଙ୍କର ଟନ୍ସିଲାଇଟିସ୍ ସମସ୍ୟା ରହିଛି, ବିଶେଷକରି ପିଲାମାନେ ଅନ୍ୟମାନଙ୍କଠାରୁ କିଛି ଦୂରରେ ରହିବା ଉଚିତ୍ । ପିଲାମାନଙ୍କୁ ବିଦ୍ୟାଳୟକୁ ପଠାଯିବା ଉଚିତ୍ ନୁହେଁ, ସେମାନେ ବ୍ୟବହାର କରୁଥିବା ବ୍ରଶକୁ ଅନ୍ୟମାନଙ୍କଠାରୁ ଅଲଗା ରଖିବା ଉଚିତ୍, କାଶ କିମ୍ବା ଛିଙ୍କିବା ସମୟରେ ସେମାନେ ନାକ ଏବଂ ପାଟିରେ ରୁମାଲରେ ଘୋଡାଇବା ଉଚିତ୍ ଏବଂ ସମ୍ପୂର୍ଣ୍ଣ ସ୍ୱଚ୍ଛତାର ଯତ୍ନ ନେବା ଉଚିତ୍ ।
ଏହା ବ୍ୟତୀତ ଅନ୍ୟ କିଛି ଜିନିଷକୁ ଧ୍ୟାନରେ ରଖି ଟନ୍ସିଲାଇଟିସ୍ ସମସ୍ୟାରେ ମଧ୍ୟ କିଛି ଆରାମ ମିଳିପାରେ, ଯେପରିକି...
- ଦିନକୁ ଅତି କମରେ ଦୁଇଥର ଲୁଣ ମିଶ୍ରିତ ଉଷୁମ ପାଣିରେ ଗର୍ଗର୍ଲିଂ(gargling) କରିବା ଏହି ସମସ୍ୟାରୁ ମୁକ୍ତି ଦେଇପାରେ ।
- ଉଷୁମ ପାଣି କିମ୍ବା ଗରମ ସୁପ୍ ପିଇବା ଦ୍ୱାରା ଗଳାରେ ଆରାମ ମିଳିଥାଏ । ଏହା ବ୍ୟତୀତ, ଏପରି ଖାଦ୍ୟ ଗ୍ରହଣ କରାଯିବା ଉଚିତ ଯାହା ଗିଳିବା ସହଜ, ଯେପରିକି ଖିଚିଡି, ପତଳା ମସୁର ଡାଲି କିମ୍ବା ପନିପରିବା ସହିତ ରୋଟି ଇତ୍ୟାଦି ।
- ଅଧିକ କଥା କହିବା ଠାରୁ ଦୂରେଇ ରୁହନ୍ତୁ ।
