ହାଇଦ୍ରାବାଦ: ସାରା ଦେଶରେ ସକ୍ରିୟ ରହିଛି ମୌସୁମୀ । ଏହି ଋତୁ ପରିବର୍ତ୍ତନ ସହ ଚାରିଆଡେ ବର୍ଷା ଖରା ଲାଗି ରହିଛି । ବର୍ଷା ହେତୁ ପ୍ରବଳ ଉତ୍ତାପରୁ ନିଶ୍ଚିତ ଭାବେ ଆରାମ ମିଳୁଛି କିନ୍ତୁ ଏହି ଋତୁରେ ଲୋକଙ୍କ ରୋଗ ପ୍ରତିରୋଧକ ଶକ୍ତି ସାମାନ୍ୟ ଦୁର୍ବଳ ହୋଇଯାଉଛି । କେବଳ ଏତିକି ନୁହେଁ ବର୍ଷା ଋତୁରେ ସଂକ୍ରମଣ ଏବଂ ଅନେକ ପ୍ରକାର ରୋଗ ହେବାର ଆଶଙ୍କା ମଧ୍ୟ ବଢ଼ିଯାଇଥାଏ । ଏହାର ପ୍ରଭାବ କିଡନୀ ଉପରେ ବହୁତ ଖରାପ ଅଟେ । ଯଦି ସମୟ ସମୟରେ ଏହାର ଯତ୍ନ ନିଆଯାଏ ନାହିଁ, ତେବେ କିଡନୀ ସମ୍ବନ୍ଧୀୟ ରୋଗ ହେବାର ସମ୍ଭାବନା ଅଧିକ ରହିଥାଏ ।
ବର୍ଷା ଋତୁରେ ଏହି ରୋଗ ହେବାର ସମ୍ଭବନା ଅଧିକ ରହିଥାଏ । ବର୍ଷା ଋତୁରେ ସମସ୍ତଙ୍କୁ ଚଟପଟା ଖାଦ୍ୟ ଖାଇବା ପାଇଁ ଅଧିକ ଇଚ୍ଛା ହୋଇଥାଏ । ସନ୍ଧ୍ୟା ହେବାମାତ୍ରେ ଠେଲାକୁ ଯାଇ ମନ ପସନ୍ଦର ଚଟପଟା ଖାଦ୍ୟ ଖାଇଥାଆନ୍ତି ଲୋକେ । ହେଲେ ବାସ୍ତବରେ ଏହା ପାଟିକୁ ସିନା ସୁଆଦିଆ ଲାଗେ ହେଲେ ସ୍ବାସ୍ଥ୍ୟ ପକ୍ଷେ ହାନିକାରକ ହୋଇଥାଏ । ଡାକ୍ତରଙ୍କ କହିବା ଅନୁସାରେ, ବର୍ଷା ଋତୁରେ ବାହାର ଖାଇବା ଠାରୁ ଦୂରେଇ ରହିବା ଆବଶ୍ୟକ । ଯଦି ଦୂଷିତ ଜଳ କିମ୍ବା ଅସ୍ବାସ୍ଥ୍ୟକର ପରିବେଷରେ ହୋଇଥିବା ଖାଦ୍ୟ ଖାଇବା ଦ୍ବାରା କୀଡନି ସମସ୍ୟା ହେବାର ଆଶଙ୍କା ଅଧିକ ରହିଥାଏ । ଯେଉଁ କାରଣରୁ ଏହି ଋତୁରେ 'ବ୍ୟାକ୍ଟେରିଆଲ ଇନଫେକ୍ସନ ଲେପ୍ଟୋସ୍ପାଇରୋସିସ୍' ହେବାର ଆଶଙ୍କା ବୃଦ୍ଧି ପାଇଥାଏ । କାରଣ ଏହା କିଡନୀକୁ ସହଜରେ କ୍ଷତି ପହଞ୍ଚାଏ । ଅନ୍ୟପଟେ ଯଦି ଦେଖିବା ତାହେଲେ ବର୍ଷାରେ ଡେଙ୍ଗୁ, ଟାଇଫଏଡ୍, ଡାଇରିଆ, ହେପାଟାଇଟିସ୍ ଏ ଏବଂ ହେପାଟାଇଟିସ୍ ବି ହେବାର ଆଶଙ୍କା ଅଧିକ ଥାଏ । ଏହି ରୋଗ କାରଣରୁ ମଧ୍ୟ କିଡନୀକୁ ଅଧିକ କ୍ଷତି ପହଞ୍ଚିଥାଏ ।
ବର୍ଷା ଋତୁରେ କିଡନୀ ସମସ୍ୟାରୁ ବର୍ତ୍ତିବାକୁ ହେଲେ ଆପଣାନ୍ତୁ ଏହି ଉପାୟ: ଯଦି ଆପଣ କିଡନୀକୁ ସମ୍ପୂର୍ଣ୍ଣ ସୁସ୍ଥ ରଖିବାକୁ କିମ୍ବା ଏହାକୁ ସଂକ୍ରମଣରୁ ରକ୍ଷା କରିବାକୁ ଚାହୁଁଛନ୍ତି, ତେବେ ଅଧିକରୁ ଅଧିକ ପାଣି ପିଇବା ଆବଶ୍ୟକ । ପ୍ରଚୁର ପାଣି କିମ୍ବା ଜୁସ୍ ମଧ୍ୟ ପିଇପାରିବେ । ବର୍ଷା ଋତୁରେ ଥଣ୍ଡା ପାଣି ପିଇବା ବଦଳରେ ପାଣି ଫୁଟାଇବା ପରେ ଏହାକୁ ଥଣ୍ଡା କରି ପିଇବା ଉଚିତ । ଏହା ବ୍ୟତୀତ ଆପଣ ଫଳ ରସ, ବଟରମିଲ୍କ ଏବଂ ଅନ୍ୟାନ୍ୟ ଜୁସ୍ ମଧ୍ୟ ପିଇପାରିବେ।
ଏହା ମଧ୍ୟ ପଢନ୍ତୁ: ସବୁବେଳ ଥକ୍କା ଲାଗିବା ସହ ନିଦ ହେଉନଥିଲେ ସାବଧାନ! ହୋଇପାରେ କିଡନୀ ସମସ୍ୟା
ସୁଇମିଂ କରିବା ଉଚିତ ନୁହେଁ: କୌଣସି ସ୍ଥାନରେ ପାଣି ଜମା ହୋଇଥିଲେ ସେଥିରୁ ଦୂରେଇ ରହିବା ଆବଶ୍ୟକ । କାରଣ ଜମା ହୋଇଥିବା ପାଣିରେ ବ୍ୟାକ୍ଟେରିଆ ବଢିବାର ସମ୍ଭାବନା ଅଧିକ ରହିଥାଏ ଏବଂ ଏହା ଦ୍ବାରା ନାନା ପ୍ରକାର ରୋଗ ହେବାର ଆଶଙ୍କା ମଧ୍ୟ ଅଧିକ ରହିଥାଏ । ଏହାସହ ହାତକୁ ସାବୁନରେ ବାରମ୍ବାର ଧୋଇବା ଆବଶ୍ୟକ । ମଶା ମାଛିଠାରୁ ଦୂରେଇ ରହିବା ପାଇଁ ମଶାରୀ ବ୍ୟବହାର କରନ୍ତୁ ।
ଖାଦ୍ୟ ଉପରେ ବିଶେଷ ଧ୍ୟାନ ଦେବା ଆବଶ୍ୟକ: ବର୍ଷା ଋତୁରେ ବାସି ଖାଦ୍ୟ କିମ୍ବା ଅଧା ରନ୍ଧା ଖାଦ୍ୟ ଖାଇବା ଠାରୁ ବଞ୍ଚନ୍ତୁ । ଯଦି ପରିବା ତରକାରୀ କରୁଛନ୍ତି ତେବେ ତାହାକୁ ଭଲ ଭାବେ ରୋଷେଇ ନକରି ବା ଅଧାରନ୍ଧା ଖାଇବା ଦ୍ବାରା ପେଟରେ ସଂକ୍ରମଣ ହେବାର ଆଶଙ୍କା ଅଧିକ ରହିଥାଏ ।
ଉଲ୍ଲେଖଯୋଗ୍ୟ ଯେ, ରକ୍ତକୁ ସ୍ବଚ୍ଛ କରିବା ଏବଂ ଶରୀରରୁ ବର୍ଜ୍ୟବସ୍ତୁ ନିଷ୍କାସନ କରିବା ହେଉଛି କିଡନୀର କାମ । ଯଦି ଏଥିରେ କୌଣସି ପ୍ରକାର ସମସ୍ୟା ଦେଖାଯାଏ ତେବେ ଗମ୍ଭୀର ରୋଗ ହେବାର ସମ୍ଭାବନା ଅଧିକ ରହିଥାଏ । ବାରମ୍ବାର ପରିସ୍ରା ଲାଗିବା, ଭୋକ ନଲାଗିବା, ବୟସ ନହେଉଣୁ ଚର୍ମରେ କୁଞ୍ଚନ, କ୍ଲାନ୍ତ ଲାଗିବା ଏବଂ ପାଦ ଫୁଲିବା ଭଳି ଲକ୍ଷଣ ଦେଖାଗଲେ କିଡନୀ ରୋଗ ହେବାର ଆଶଙ୍କା ରହିଥାଏ ।
ବ୍ୟୁରୋ ରିପୋର୍ଟ, ଇଟିଭି ଭାରତ
