ହାଇଦ୍ରାବାଦ: କୁହାଯାଏ ଖୁସି ମଜାରେ ରହିଲେ ରୋଗ ଆସିବା କଷ୍ଟକର । ଆଜ୍ଞା ହଁ, ଏହା କେତେକାଂଶରେ ଠିକ୍ ମଧ୍ୟ । ହେଲେ ଆପଣ ଜାଣନ୍ତିକି ବର୍ତ୍ତମାନର ଖୁସି ଆପଣଙ୍କ ଭିବଷ୍ୟତ ସ୍ବାସ୍ଥ୍ୟ ଉପରେ ମଧ୍ୟ ସୁପ୍ରଭାବ ପକାଇପାରେ । ନିକଟରେ ହୋଇଥିବା ଏକ ଅଧ୍ୟୟନ ଅନୁସାରେ କିଶୋରାବସ୍ଥାରେ ଖୁସିରେ ରହିଲେ ବୃଦ୍ଧାବସ୍ଥାରେ ରୋଗ ହେବାର ଆଶଙ୍କା କମ୍ ଥାଏ ବୋଲି ଜଣାପଡିଛି । ଆମେରିକୀୟ ହାର୍ଟ ଆସୋସିଏସନ ଜର୍ଣ୍ଣାଲରେ ଏହି ଅଧ୍ୟୟନ ପ୍ରକାଶ ପାଇଛି ।
ଅଧ୍ୟୟନ ଅନୁଯାୟୀ, କିଶୋରମାନଙ୍କ ସକରାତ୍ମକ ମନୋଭାବ ପ୍ରତିପୋଷଣ ବୟସ୍କ ଅବସ୍ଥାରେ ହୃଦ୍ରୋଗକୁ ରୋକିବାରେ ସାହାଯ୍ୟ କରିଥାଏ । ଏଥିସହ ଅନ୍ୟାନ୍ୟ ସ୍ୱାସ୍ଥ୍ୟ ଅସମାନତାକୁ ଦୂର କରିବାରେ ମଧ୍ୟ ଏକ ଭୂମିକା ଗ୍ରହଣ କରିପାରିବ । ଅଧ୍ୟୟନରେ ଉଲ୍ଲେଖ କରାଯାଇଛି ଯେ, କିଶୋରମାନେ, ବିଶେଷକରି କୃଷ୍ଣକାୟ ଯୁବକମାନେ ଯାହା ଅନୁଭବ କରନ୍ତି ତାହା ସେମାନଙ୍କ ବୃଦ୍ଧ ସମୟକୁ କାର୍ଡିଓମେଟାବୋଲିକ୍ ସ୍ୱାସ୍ଥ୍ୟ ବିପଦକୁ ପ୍ରଭାବିତ କରିପାରେ ।
ଆମେରିକା ଭିତ୍ତିକ ଜନ୍ ହପକିନ୍ସ ବ୍ଲୁମବର୍ଗ ସ୍କୁଲ ଅଫ୍ ପବ୍ଲିକ୍ ହେଲ୍ଥର ସହକାରୀ ପ୍ରଫେସର ତଥା ଏହି ଅଧ୍ୟୟନର ମୁଖ୍ୟ ଲେଖକ ଫରାହ କୁରେଶି କହିଛନ୍ତି ଯେ, ଗତ କିଛି ଦଶନ୍ଧି ମଧ୍ୟରେ ଭେଦଭାବର ପ୍ରଭାବ ଏବଂ ଅନ୍ୟାନ୍ୟ ସାମାଜିକ ବିପଦ ବିଷୟରେ ଆମେ ଅନେକ କିଛି ଜାଣିବାକୁ ପାଇଲୁ, ଯାହା ହୃଦ୍ରୋଗର ବୃଦ୍ଧିକୁ ସଂଯୋଗ କରିପାରେ, ତଥାପି, ଯୁବକମାନଙ୍କର ଅନ୍ତର୍ନିହିତ ଶକ୍ତି ଉପରେ କମ୍ ଧ୍ୟାନ ଦିଆଯାଇଛି ।
ଅନୁସନ୍ଧାନକାରୀମାନେ ପାଞ୍ଚଟି ମାନସିକ ସ୍ବାସ୍ଥ୍ୟ ଗୁଣ(ହେଲ୍ଥ ଆସେଟ୍ସ କୁହାଯାଏ)କୁ ଉନ୍ନତ କାର୍ଡିଓମେଟାବୋଲିକ୍ ସ୍ୱାସ୍ଥ୍ୟ ଫଳାଫଳ ସହିତ ଜଡିତ କରିଥିଲେ । ଯେତେବେଳେ ଅଂଶଗ୍ରହଣକାରୀମାନେ କିଶୋର ଅବସ୍ଥାରେ ଥିଲେ, ଅର୍ଥାତ୍ ଯେଉଁ ସମୟରେ ସେମାନେ ଆଶା, ସୁଖ, ଆତ୍ମ ସମ୍ମାନ ଏବଂ ଭଲ ପାଇବା ଆଦି ଅନୁଭବ କରିପାରୁ ଥିଲେ ସେ ଅବସ୍ଥାରେ ଏହି ପରୀକ୍ଷଣ କରାଯାଇଥିଲା । ଏହି ଅଧ୍ୟୟନରୁ ଜଣାପଡିଲା ଯେ, ପ୍ରାୟ 55 ପ୍ରତିଶତ ଯୁବକଙ୍କର ଏକ ସକରାତ୍ମକ ମାନସିକ ସ୍ୱାସ୍ଥ୍ୟ ଗୁଣ(ଆସେଟ୍ସ) ଶୂନ୍ୟ ଥିବାବେଳେ 29 ପ୍ରତିଶତଙ୍କର ଦୁଇରୁ ତିନୋଟି ଅବସ୍ଥା ଏବଂ 16 ପ୍ରତିଶତଙ୍କର ଚାରିରୁ ପାଞ୍ଚଟି ଅବସ୍ଥା ରହିଛି ।
ଯୁବକ ବୟସ୍କ ଭାବରେ, କେବଳ 12 ପ୍ରତିଶତ ଅଂଶଗ୍ରହଣକାରୀ ସମୟ ସହିତ କାର୍ଡିଓମେଟାବୋଲିକ୍ ସ୍ୱାସ୍ଥ୍ୟ ବଜାୟ ରଖିଥିଲେ ଏବଂ କୃଷ୍ଣକାୟ କିମ୍ବା ଲାଟିନୋ ଯୁବକମାନଙ୍କ ତୁଳନାରେ ଶ୍ବେତାଙ୍ଗ ଯୁବକମାନେ ଜୀବନରେ ଭଲ ସ୍ୱାସ୍ଥ୍ୟ ବଜାୟ ରଖିବାର ସମ୍ଭାବନା ଅଧିକ ଥିଲା । ଚାରି ରୁ ପାଞ୍ଚଟି ସକରାତ୍ମକ ମାନସିକ ସ୍ବାସ୍ଥ୍ୟ ଅବସ୍ଥା ଥିବା କିଶୋରମାନେ ଯୁବକମାନଙ୍କ ପରି ସକରାତ୍ମକ କାର୍ଡିଓମେଟାବୋଲିକ୍ ସ୍ୱାସ୍ଥ୍ୟ ବଜାୟ ରଖିବାର ସମ୍ଭାବନା 69 ପ୍ରତିଶତ ଅଧିକ ଥିଲା ।
