ହାଇଦ୍ରାବାଦ: ଅଲଜାଇମର (Alzheimer) ବା ସ୍ମରଣଶକ୍ତି ହ୍ରାସ ପାଉଥିବା ରୋଗ ଓ ଆଭ୍ୟନ୍ତରୀଣ ଅନ୍ତନଳୀ ରୋଗ ପରସ୍ପର ସହିତ ଜଡ଼ିତ (Gut Health and Alzheimer Disease Associated Each other) । ଗୋଟିଏ ରୋଗ ହୋଇଥିଲେ ଅନ୍ୟ ଏକ ପ୍ରକାର ରୋଗ ହେବାର ଆଶଙ୍କା ଅଧିକ ରହିଥାଏ । ଅଷ୍ଟ୍ରେଲିଆର ଏକ ଗବେଷଣା ଅନୁସାରେ ଏହି ୨ଟି ରୋଗ ଲାଗି ଏକ ପ୍ରକାର ଜିନ୍କୁ (Gene) ଚିହ୍ନଟ କରିଛି ଯାହାକି ଉଭୟ ସମସ୍ୟାର କାରଣ ହୋଇଥାଏ ।
କିପରି ହେଲା ଗବେଷଣା ?
ଅଷ୍ଟ୍ରେଲିଆର ଏଡିଥ କୋୱାନ ବିଶ୍ବବିଦ୍ୟାଳୟରେ ଗବେଷକମାନେ ଏହି ଗବେଷଣା କରିଥିଲେ । ଏହି ୨ଟି ରୋଗ ଲାଗି ଗୋଟିଏ ଜିନ୍ କାରଣ ବୋଲି ଆଶଙ୍କା କରି ସେମାନେ ଗବେଷଣା କରିବା ପରେ ଏନେଇ ସ୍ପଷ୍ଟ ପ୍ରମାଣ ପାଇଥିଲେ । ସେମାନେ ୧୫ଟି ବଡ଼ ଜିନୋମ ଅଧ୍ୟନ କରି ବଂଶାନୁକ୍ରମିକ ତଥ୍ୟକୁ ତର୍ଜମା କରିଥିଲେ । ଏହି ୨ ପ୍ରକାରର ରୋଗ ଥିବା ପ୍ରାୟ ୪ ଲକ୍ଷ ଲୋକ ଏଥିରେ ସାମିଲ ଥିଲେ । କିଛି ଜିନ୍ ଗ୍ୟାଷ୍ଟ୍ରୋଇସୋଫଗାଲି ରୋଗ, ଚିଡ଼ଚିଡ଼ା ଲାଗିବା, ପେପ୍ଟିକ ଅଲସର ଭଳି ରୋଗ ସହିତ ଜଡ଼ିତ ଥିଲେ ।
ଗବେଷଣାର ଫଳାଫଳ:-
ଏହି ଗବେଷଣାରୁ ଜଣାପଡ଼ିଛି ଯେ ଆଭ୍ୟନ୍ତରଣୀ ଅନ୍ତନଳୀ ରୋଗ ହେବା ପରେ ଅଲଜାଇମର ବା ସ୍ମରଣ ଶକ୍ତି ହ୍ରାସ ହେବାର ରୋଗ ହୋଇଥାଏ । ଅନ୍ୟ କିଛି ଅଧ୍ୟୟନ ଅନୁସାରେ ଅନ୍ତନଳୀ ରୋଗରେ ଥିବା ବ୍ୟାକ୍ଟେରିଆ ଅଲଜାଇମର ରୋଗକୁ ବଢାଉଥିବା ପ୍ରିନଫ୍ଲେମେଟରୀ ସାଇଟୋକିନ୍ସର ଉତ୍ପାଦନକୁ ପ୍ରଭାବିତ କରିଥାଏ ।
ଅଲଜାଇମରର ନାହିଁ ଉପଶମ:-
ଏହି ରୋଗ ଲାଗି ବୟସ୍କ ବ୍ୟକ୍ତିମାନେ ଅନେକ କଥା ଭୁଲି ଯାଇଥାନ୍ତି । WHO ଅନୁସାରେ ଏହି ରୋଗ ଲାଗି ୬୦ରୁ ୭୦ ପ୍ରତିଶତ ମାମଲା ଦାୟୀ ହୋଇଥାଏ । ଏହାର କୌଣସି ବିଶେଷ ଉପଚାର ନାହିଁ । ଯେତେ ଶୀଘ୍ର ଏହି ରୋଗ ସମ୍ପର୍କରେ ଜଣାପଡ଼ିବ ସେତେ ଶୀଘ୍ର ଏହାର ଚିକିତ୍ସା ହୋଇପାରିବ ଏବଂ ରୋଗୀ ମଧ୍ୟ ସେତେଶୀଘ୍ର ଭଲ ହୋଇପାରିବ । ବିଳମ୍ବ ହେଲେ ମେଡିସିନ ଦ୍ବାରା ଏହି ରୋଗର ଉପଚାର କଷ୍ଟକର ।
