ହାଇଦ୍ରାବାଦ: ଯଦି ଆପଣ ଜଣେ ମାଆ ହେବାକୁ ଚାହୁଁଛନ୍ତି ତେବେ ଗର୍ଭଧାରଣର ଖବର ଆପଣଙ୍କୁ ଖୁସିରେ ଭରିଦେବ । କିନ୍ତୁ ଯଦି ଆପଣ ବର୍ତ୍ତମାନ ମାଆ ହେବାକୁ ଯୋଜନା କରୁନାହାଁନ୍ତି, ତେବେ ଏହି ଖବର ଆପଣଙ୍କ ପାଇଁ ଦୁଃଖଦାୟକ ହୋଇପାରେ । ପ୍ରତ୍ୟେକ ମହିଳା ଯେତେବେଳେ ସମୟ ଅନୁସାରେ ତାଙ୍କର ଋତୁସ୍ରାବ ହୋଇନଥାଏ ସେତେବେଳେ ଏହି ପରୀକ୍ଷା କରିଥାଆନ୍ତି । ଗର୍ଭବତୀ ଅଛନ୍ତି କି ନାହିଁ ଜାଣିବା ପାଇଁ ଗର୍ଭ ପରୀକ୍ଷା ବା ପ୍ରେଗ୍ନେନ୍ସି ଟେଷ୍ଟ କରିଥାଆନ୍ତି । ଅଧିକାଂଶ ମହିଳା ହସ୍ପିଟାଲ ଯାଇ ପରୀକ୍ଷା କରାାଇବା ବଦଳରେ ପ୍ରଥମେ ଘରେ ଗର୍ଭପରୀକ୍ଷା କରିଥାଆନ୍ତି।
ସାଧାରଣତଃ ଦୁଇ ପ୍ରକାରର ଗର୍ଭଧାରଣ ପରୀକ୍ଷା ଅଛି ଯାହା ଘରେ କରାଯାଇପାରିବ । ଡିଜିଟାଲ୍ ଏବଂ ନନ-ଡିଜିଟାଲ୍ ଉଭୟ ମେଡିକାଲ୍ ଷ୍ଟୋରରେ ସହଜରେ ଉପଲବ୍ଧ ହୋଇଥାଏ। ଯଦି ଆପଣ ଚାହାଁନ୍ତି, ଆପଣ ଅଫଲାଇନ୍ କିମ୍ବା ଅନଲାଇନ୍ ମଧ୍ୟ ଅର୍ଡର କରିପାରିବେ । କିନ୍ତୁ ଜାଣନ୍ତୁ, ଗର୍ଭଧାରଣ ପରୀକ୍ଷା ପାଇଁ ଏହି କିଟ୍କୁ କିପରି ସଠିକ୍ ଭାବରେ ବ୍ୟବହାର କରାଯିବା ଆବଶ୍ୟକ ।
ନନ୍ ଡିଜିଟାଲ ପ୍ରେଗନେନ୍ସି ଟେଷ୍ଟ: ଟେଷ୍ଟ କରିବା ପୂର୍ବରୁ ପ୍ୟାକେଜିଂ ଉପରେ ଥିବା ନିର୍ଦ୍ଦେଶାବଳୀ ପଢିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । କୌଣସି ବ୍ରାଣ୍ଡର ଟେଷ୍ଟ୍ଷ୍ଟ୍ରିପ୍ ବ୍ୟବହାର କରିବା ପୂର୍ବରୁ, କିଟ୍ ବ୍ୟବହାର କରିବା ପୂର୍ବରୁ ନିର୍ଦ୍ଦେଶଗୁଡ଼ିକୁ ଭଲଭାବେ ପଢିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଗର୍ଭଧାରଣ ପରୀକ୍ଷା କରିବାବେଳେ, କିଟ୍ ଆପଣଙ୍କୁ କହିବ ଯେ ପରିସ୍ରା କେଉଁଠାରେ ରଖିବ, ଫଳାଫଳ ପାଇବାକୁ କେତେ ସମୟ ଲାଗିବ, କିମ୍ବା ତୁମେ ଗର୍ଭବତୀ କି ନାହିଁ କିଭଳି ଜାଣିହେବ। ଏଭଳି ସମସ୍ତ ତଥ୍ୟ କେବଳ କିଟ ପ୍ୟକେଜ ଉପରେ ହିଁ ଲେଖାଯାଇଥାଏ । ଏହି ନିର୍ଦ୍ଦେଶଗୁଡ଼ିକ ପ୍ରତ୍ୟେକ କିଟ୍ରେ ଦିଆଯାଇଛି ଯାହା ପଢିବା ଏବଂ ବୁଝିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ବେଳେବେଳେ ଏହି କିଟ୍କୁ ଭୁଲ ଉପାୟରେ ବ୍ୟବହାର କରିବା ଦ୍ୱାରା ବିପରୀତ ଫଳାଫଳ ଆସିଥାଏ । ପ୍ରତ୍ୟେକ ବ୍ରାଣ୍ଡର ନିଜସ୍ୱ ଅନନ୍ୟ ନିର୍ଦ୍ଦେଶ ରହିଛି । ଏହି କାରଣରୁ ବ୍ୟବହାର ପୂର୍ବରୁ ଏହି ପ୍ୟାକେଜିଂ ଉପରେ ଥିବା ନିର୍ଦ୍ଦେଶାବଳୀ ସବୁବେଳେ ପଢିବା ଜରୁରୀ ।
ଅଧିକ ପଢନ୍ତୁ: ଏଥର ଲାଳ କହିବ ଆପଣ ଗର୍ଭବତୀ କି ନୁହେଁ, ଏତିକି ସମୟରେ ଜଣାପଡିବ ରେଜଲ୍ଟ
ଡିଜିଟାଲ ପ୍ରେଗନେନ୍ସି ଟେଷ୍ଟ: ଡିଜିଟାଲ୍ ପ୍ରେଗନେନ୍ସି ଟେଷ୍ଟ ଏକ ପରଦା ପରି ଏବଂ ଏହାକୁ ଯାଞ୍ଚ କରିବା ପରେ ଫଳାଫଳ ଡିଭାଇସରେ ଲେଖା ହୋଇଥାଏ ଗର୍ଭବତୀ କି ନୁହେଁ। ଏହାସହ ଟେଷ୍ଟିଂ କିଟରେ ଗୋଲାପୀ କିମ୍ବା ନାଲି ରେଖା ଦେଖାଯାଏ। ଆପଣ ଡିଜିଟାଲ୍ କିମ୍ବା ନନ-ଡିଜିଟାଲ୍ କିଟରେ ମାତ୍ର 3ରୁ 5 ମିନିଟ ମଧ୍ୟରେ ଫଳାଫଳ ଜଣାପଡିଥାଏ।
କେତେବେଳେ ଗର୍ଭଧାରଣ ପରୀକ୍ଷା କରିବା ଉଚିତ?: ଗର୍ଭଧାରଣ ପରୀକ୍ଷା ପାଇଁ କେତେ ସମୟ ଅପେକ୍ଷା କରିବା ଆବଶ୍ୟକ? ବା ଋତୁସ୍ରାବ/ପିରିୟଡ ନହେବାର କେତେ ଦିନ ପରେ ଗର୍ଭ ପରୀକ୍ଷା କରିବା ଆବଶ୍ୟକ ? ଏନେଇ ଅନେକ ଅବଗତ ନଥାଆନ୍ତି । ତେବେ ଏକି ରିପୋର୍ଟ ଅନୁଯାୟୀ, ସଠିକ୍ ଫଳାଫଳ ପାଇବାକୁ ହେଲେ ପିରିୟଡ ହେବା ତାରିଖର 6 ଦିନ ପରେ କରିବା ଉଚିତ । ଉହାହରଣ ସ୍ବରୂପ ଯଦି ଜଣଙ୍କ ଜୁନ୍ 15 ତାରିଖରେ ଋତୁସ୍ରାବ ହୋଇଥିବ ଏବଂ ଜୁଲାଇ 15 ତାରିଖ ଭିତରେ ଋତୁସ୍ରାବ ନହେଲେ ଏବଂ ଗର୍ଭକୁ ନେଇ ଆଶଙ୍କା ଦେଖାଦେଲେ ଜୁଲାଇ 21 ତାରିଖ ପରେ ଏହି ଟେଷ୍ଟ କଲେ ହିଁ ଠିକ ଫଳାଫଳ ମିଳିବ । ଏହା ଆପଣଙ୍କୁ ଗର୍ଭଧାରଣ ବିଷୟରେ ସଠିକ୍ ସୂଚନା ଦେଇପାରେ । ଯଦିଓ ଘରର ଗର୍ଭ ପରୀକ୍ଷା ପାଇଁ ଅନେକ ପରୀକ୍ଷା ସୁପାରିଶ କରାଯାଏ, ଫଳାଫଳ ଭିନ୍ନ ହୋଇପାରେ। ଯଦି ଆପଣଙ୍କର HCG(ହ୍ୟୁମାନ କୋରିଅନିକ୍ ଗୋନାଡୋଟ୍ରୋପିନ୍) ସ୍ତର କମ୍ ରହିଥାଏ ତେବେ ଏହା ଶୀଘ୍ର ଚିହ୍ନଟ ହୋଇନପାରେ । ତେଣୁ ଯଦି ଘରେ ଗର୍ଭ ପରୀକ୍ଷା କରାଯାଇଥାଏ ତେବେ ଦୁଇ ଥର ପରୀକ୍ଷା କରି ନିଶ୍ଚିତ ହେବା ଆବଶ୍ୟକ ।
ବ୍ୟୁରୋ ରିପୋର୍ଟ, ଇଟିଭି ଭାରତ
